الـتـوأم الـحـديـدي

الثانيه و العشرون

الكل طلع و اتصدموا من التي شافوه و أن أن واقفه و مربعه أيدها ببرود تام و علي وشها ابتسامه الخبث و كاتمه ضحكها  و نهار وشه بقي اسود من انفجار اللاب توب و الباقي بص عليهم بصدمه و عدم تصديق من اللي بيحصل
و نهار بص لأن بصدمه و راح في اتجاها في بغضب و هي بصت ليه بعدم اهتمام
نهار بغضب : هو ايه اللي حصل ده
أن بصت ليه ببرود كأنها بتقول البعيد غبي عشان صوتي و هو فهم قصدها  و هو راح جاب الورق و القلم و اداها ليها و هي خدتهم بتافف و كتبت
أن : شكل القرص المضغوط انفجر في اللاب
نهار : هو كان فيه ايه اصلا
أن : كان فيه حاجات تخص الشغل
نهار بغضب : شغل ايه ده اللي اول ما شوفتي وشي تقفلي اللاب
أن : براحتك مش عايز تصدق حاجه تخصك لكن صوتك يعلي عليا هتزعل مني
نهار لسه هيزعق جه ساجد بسرعه و شده من أيده و خرجه من الاوضه وسط اعتراضه أما هي قعدت علي الكرسي و حطت رجل علي رجل ببرود لا نهائي و علي وشها ابتسامه شماته و الباقي بصوا ليها بصدمه و هي بلا مبالاه و سابتهم و راحت الحمام و قفلت الباب بغضب وراها و هما بصوا لبعض باحراج و خرجوا واحد ورا الثاني بهدوء و ماعدا شادي اللي دخل الاوضه و راح في اتجاه اللاب و خد منه اللي عايزه و خرج ثاني

  *______________________________*

أن دخلت الحمام و قفلت الباب وراها بغضب و طلعت تلفونها بسرعه و بعتت رساله لارام و بعد كدا مسحتها من عندها و طلعت من جيب البنطلون فلاشه و ابتسمت بخبث

  *_______________________________*

في شركات ادويه البحيري في المقر الرئيسي

ارام دخلت الشركه بهيبتها الخاطفة للانفاس و طلعت مكتبها ودخلت المكتب و وراها السكرتيره الخاصه دينا
و قلعت جاكيت البدله باهمال و بان طرف المسدس و دينا بصت ليها بصدمه و ارام خدت بالها و نزلت طرف البادي عليه
ارام ببرود : في حاجه يا دينا
دينا بخوف : لا يا هانم
ارام ببرود : كويس برضوا عندنا معاد مع حاتم الشرقاوي الغي الباقي و خليهم يوم ثاني عايزه حاتم النهارده و بس
دينا : امرك
ارام : أطلعي  بقي هاتي فنجان القهوه بتاعي
دينا حركت رأسها بنعم بسرعه و خرجت و مجرد خرجوها ارام راحت بسرعه في اتجاه المكتبه و قعدت عليه و فتحت اللاب توب 
و لقت أن عملت ذي الاتفاق بنهم و ابتسمت بخبث و كملت دورها هي ......
و بعد فتره قليله رجعت بظهرها لورا براحه تامه و ابتسمت بخبث و غمضت عيونها

و دخلت في نفس الوقت دينا و حطت فنجان القهوه بهدوء و مشيت بس سمعت صوت ارام
و لفت وشها علي صوتها لقتها واقفه قدامها و حاطه اديها في جيب بدلتها
ارام : دينا
دينا بخوف : افندم
ارام ببرود : الاحسن تنسي اللي انتي شوفتيه اصلا و بلاش تدخلي نفسك في مشاكل انتي في غنا عنها و اهلك محتاجين يفرحوا بيكي كعروسه مش بكفن و لا ايه رائيك
دينا بخوف : اكيد مع حضرتك حق
ارام بسخريه و حطت أيدها علي كتفها بتهديد : برافو يا دينا اصل كل ما الواحد كان جنب الحيط كان في امان حطيها في دماغك دائما
دينا حركت رأسها بنعم و طاعه و خرجت بسرعه و ارام ابتسمت بهدوء و قعدت علي الكرسي وجه ليها تليفون من الاستقبال أن حاتم الشرقاوي وصل وهي قالت ليهم يروح اوضه الاجتماع لحد ما تروح ليه  و قفلت و مسكت فنجان القهوه و شربت منه ببرود تام
ارام بخبث : الصبر حلو بيقولوا عليه مفتاح الفرج .
وضحكت بسخرية و شغلت الكاميرا اللي في اوضه المكتب و بصت علي حاتم و هي بتشرب القهوه