الـتـوأم الـحـديـدي

« الفصل الثلاثون »

الـثـلاثــون
٭٭٭٭٭٭٭٭٭٭٭

آرام بصت ليه باستغراب و ضمت جبينها  بحيره : مامتك قصدك؟!
ساجد : لأ مش أمي عشان سجدة مش أختي أصلًا... سجدة تبقي بنت أختي أنا ابقي خالها مش أخوها

آرام بصتله بصدمه و رفعت حاجبها بسخرية : لأ استني كده بقي عشان شوية كده و هنسي إني أعرفك أصلًا أخت مين؟! هو مش أنت وحيد ؟! و كمان سجدة أختك الصغيرة
لو مش أختك واخده لقب العيلة إزاي و
كملت بتعجب : أنت مزور أوراق رسمية يا ساجد و أنت عندك كام سنه أصلًا؟! طب أنت من عيلة الرفاعي واخد لقب العيلة بس ذي واخده لقب عيله البحيري

ساجد بذهول و استغرب من الإستنتاج اللي طلعت بيه : آرام !! أنا ساجد الرفاعي أبن رُحيم الرفاعي بجد و مش واخد لقب العيلة  أنا ابنه الوحيد

آرام بصتله بطرف عينيها من فوق لتحت بتفحص و هو ضحك جامد و ساب جاكيته جنبه علي الأرض العشبية
آرام بصتله بضيق : أنت بتضحك علي إيه؟!!
أنا مش فاهمة فعلًا أي حاجه
إزاي أنت أبن شرعي لرحيم الرفاعي و في نفس الوقت أختك اللي ماتت و عندها بنت و الفرق بينك و بين سجده مش كبير علي حسب علمي
ساجد : آرام أنتِ عارفة أنا عندي كام سنه ؟! 
آرام ضمت شفايفها بتفكير : 30 سنه ذي نهار مثلًا؟!
ساجد ضحك : إيه ده للدرجه ديه مش باين عليا سن و لا إيه....  لا يا ستي عندي 35 سنه و بعد كام شهر هبقي 36
آرام بصدمه فعليه : أحلف
ساجد ضحك : آه و ﷲ عندي 35 سنه
آرام بصتله بابتسامه هادئه : أصغر من كده  علي فكرة
ساجد ضحك : ربنا يكرمك أنتِ رفعتي من معنوياتي بدل نهار الحيوان ده اللي كل شويه يقولي يا عجوز
آرام ضحكت : سيبك منه...  بس برضو مش فاهمه موضوع سجده علي فكرة
ساجد أبتسم : بصي يا آرام أنا والدي و والدتي اتجوزوا و قعدوا فتره كبيره بعد جوازهم من غير أولاد و  راحوا للدكتور عشان يطمنوا مهما كان هما ذي أي رجل و ست عايزين ولد أو بنت يبقوا سند ليهم لما يكبروا يسندهم يبقي وريث للعيله

و قالهم أن أمي عندها مشاكل في الرحم و مش هينفع تخلف في الوقت ده وقتها و لو خلفت ممكن تتوفي في الولادة خصوصـًا أن قلبها في الوقت ده كان تعبان قلبها مش حمل تعب الولاده أو الخلفه عمومـًا...  بعدها والدتي دخلت في حاله نفسيه وحشه و كانت عايزه والدي يتجوز بس هتتطلق منه رغم أنها بتحبه بس متقدرش تمنعه أنه يكون أب و والدي كان بيحب مامتي جدًا و رفض أنه يتجوز و يطلقها و قرر يتبني طفل
آرام : اتبنوا مامت سجدة؟!
ساجد حرك رأسه و أبتسم : فعلًا...  بس ماكنتش طفلة  أو بيبي كانت كبيرة شوية

آرام باستغراب : ليه مش يتبنوا طفلة علي الأقل يحسوا بإحساس الامومه والطفولة و يجربوا كل حاجه معاها و ليه مش ولد ؟!

ساجد : والدي رفض عشان والدتي كانت تعبانه مش حمل جهد كثير و تربيه الأطفال محتاجه صحه حتي لو فيه مساعده بس الحمل الاكبر كان هيبقي علي امي و اتفقوا علي بنوته مش ولد لأن والدي طول عمره بيحب البنات و كان نفسه في بنت منها بس محصلش نصيب و كبرت و عاشت معاهم و خدت كنيه العيله بتاعتنا و حياتهم اتظبطت خلاص لحد ما  الصدمة الأكبر أن في يوم أمي تعبت السبب أنها كانت حامل فيا بعد ما أختي الكبيرة كان عمرها عشرين سنه متخيله الفرق بينا كان قد إيه يعني عمر بحاله رغم أن والدتي كانت تعبانه رفضت أنها تتخلي عني لو فيها حياتها