الـتـوأم الـحـديـدي

الحلقه التاسعه

التؤام الحديدي

الحلقه التاسعه

أن كملت اللي حصل ........

كان فيه عربيه هتخبط أن و ارام بس هي زقتهم و خبطت فيها هي و الرجل صاحب العربيه اول لما شاف كدا نزل بسرعه من العربيه و معاه ابنه الصغير و راح ليها و كان مش غير عمر البحيري و زيان البحيري

عمر : يا انسه يا انسه انتي كويسه
ايه ابتسمت بتعب : اه تمام بس ساعدهم يرجعوا اهلهم
عمر بمقاطعه : اهدي ان شاء الله تبقي تمام يلا علي المستشفى الاول
و شالها و ركبها العربيه و بص للبنات بحنان : اركبوا و متخافوش يلا
ارام و أن هزوا رأسهم و ركبوا معاه
عمر ركب العربيه بسرعه و راح بيهم المستشفي و دخلوا العمليات و في نفس الوقت مراته كان بتولد وهو في حاله من التوتر و القلق علي مراته  و البنت اللي طلعت مره واحده
و بعد شويه خرج الدكتور من عند ايه و عمر راح عليه بسرعه
عمر : مالها هي تمام
الدكتور : والله يا عمر بيه مش اكذب عليك هي عندها نزيف داخلي و الكليه مدمره أو شبه مدمره
عمر حط أيده علي وشه بغضب : طب ما ينفعش تسافر برا افهم يا علاء أنا السبب في اللي حصل ليها أنا خبطتها بالعربيه
علاء : للاسف لا بس هي عايزه تشوفك انت و البنات
عمر بص ليهم ولقي الاثنين عينهم فيها دموع هما اه مش فاهمين بس حاسين أن ايه فيها حاجه وهو خد ايد الاثنين و حضنهم و دخل جوا مع زيان و ارام و أن
وهي راح ليها وهي بصت ليهم بتعب مع ابتسامه رضا
عمر بندم : سامحيني أنا عارف ان كلمه اسف مش ممكن تعوضك أنا مستعد اعمل اي حاجه عشان اساعدك قولي بس و اطلبي
ايه بتعب : أنا عايزك تاخد بالك منهم لحد ما توصلهم لأهلهم و مش لازم حاتم الشرقاوي يعرف أنهم هما معاك و انا مش عايزه ارفع اي قضيه أنا اللي طلعت ليك فجاه بس وديهم لأهلهم
عمر بعدم فهم : ازاي وهما ولاد حاتم الشرقاوي
و لكن قطع كلامه
ارام بدموع : يويو انتي تعبانه صح أنا اسفه انا السبب
ايه بحنان و مسكت أيدها : انتي مش ليكي ذنب انتي مافيش احلا منك او اطيب منها يا ندي
أن حضنتها و كأنها بتقولها عارفه انك هتروحي : عمري ما انساكي
ايه ابتسمت بحنان : وانا كمان يا اميرتي الحلوه
وبصت لعمر و كانت في شده التعب : ابوهم بيكون ........
و لكن مره واحده يسمعوا صوت جهاز القلب وهو بيقف و الدكاتره تخرج عمر و البنات و زيان بسرعه و هما يدخلوا و البنات بتعيط عليها و عمر حاسس بالعجز و مش عارف يعمل ايه و بعد فتره مش طويله اوي و يخرج الدكتور
عمر : ها يا علاء
علاء : البقاء لله يا عمر بيه
عمر اتصدم و قعد علي اقرب كرسي و حط أيده علي رأسه
و تخرج الدكتوره اللي بتولد مراته وهي يبص ليها و قلبه بيقوله ان في حاجه
الدكتوره بحزن : اسفين يا عمر بيه بس مرات حضرتك لما عملت الحادثه الرحم تتضرر جامد و البنتين التؤام ماتوا البقاء لله بس لازم نلحقها و نستأصل الرحم
عمر غمض عيونه بتعب و كبت دموعه
عمر : اعملي اللي تشوفيه مناسب يا ساره أنا عايز چنا بس
ساره بصت ليه بحزن ودخلت بسرعه و هو مش قادر علي كميه المشاكل و الكوارث اللي حصلت في يوم واحد و بص علي البنات اللي بتعيط و زيان راح لان و حضنها وهي قعدت تعيط و عمر شال ارام و خدها في حضنه و بتعيط و هو بيهديها و رغم كل الوجع اللي فيه بس اهتم بيهم و بعد شويه خرجت ساره الدكتورة و قالت ليه أن العمليه نجحت و هي نايمه و بعد كدا أمر بتجهيز إجراءات الدفن لبناته و ايه و كله اتعمل و دفن البنات و ايه و چنا في عالمها الخاص و قال كفايه عليها الانهيار و خد البنات و أمر الخدامه تجهز ليهم اللي محتاجين ليه و قعدوا معاه و بعد كدا خد البنات ثاني يوم وراح المستشفى و كانت چنا فاقت ولكن في حاله هستريه بعد ما عرفت اللي حصل وهو راح حضنها وهي قعدت تعيط في حضنه
چنا بعياط : سامحني يا عمر أنا السبب بناتنا ماتوا بسبب اهمالي انت قولت بلاش اطلع لكن أنا مش بسمع الكلام سامحني يا عمر أنا بقيت معيبوبه كدا
عمر بمقاطعه و بحده : چنا اهدي ده قضاء ربنا و انا بحبك و هفضل احبك ذي ما انتي و مش فارق معايا الكلام
چنا قعدت تعيط و لكن لقت ايد صغيره مسكت أيدها : بلاش عياط
چنا بصت للبنت لقت عيون بني ساحره فيها براءه الاطفال و شعرها البني الطويل و وبصت ليها و لاحظت قد ايه هي جميله و افتكرت بنتها و ولفت بنظرها لقت بنت ثانيه نفس الشكل من غير اختلاف واحد
چنا بدموع و صوتت مبحوح : مين دول
عمر : نامي دلوقتي يا چنتي و ارتاحي و بكرا نتكلم
چنا بدموع : عمر ارجوك عايزه اطلع من هنا لو سمحت عايزه اروح قبر بناتي
عمر حضنها جامد : حاضر يا چنا حاضر ارتاحي شويه طيب
چنا مسكت فيه : لا عايز اطلع من هنا لو سمحت ارجوك
عمر : ماشي يا حبيبتي خلاص اهدي أنا موجود جنبك اجيب الممرضه تساعدك
چنا هزت راسها بخوف و حضنته اكتر و هو اتفهم ده : خلاص هساعدك أنا
وبص لزيان : زيزو خد البنات و استني برا
زيان : حاضر
و مسك ايد الاثنين و خرجوا و بعد شويه خرج عمر وهو شايل چنا
عمر : يلا تعالوا معانا
و لقي هاله قدامه وهي دكتوره في المستشفي و صاحبه چنا و بصت ليه بحزن وهو حرك رأسه : احنا ماشين مش عايزه تقعد في المستشفي
هاله بحزن وبصت ليه بعشق : طيب يا عمر ابقي طمني عليها وعليك سلام
عمر بلا مبالاه : لما ابقي افضي
و بصت لچنا اللي في حضنه و حضنها اكتر و خرج مع الاولاد و ركب العربيه و عيون هاله عليه و علي چنا بحسره