الواحد و الثلاثون الاخير 1
أن بصت ليها و ابتسمت ابتسامه هادئه : أنا ابقي أن البحيري !
سلمي بصتلها بصدمه بتحاول تستوعب يمكن اختلط عليها الاسم او غلطت بس للصدمه لما لقت نهار داخل و هو ماسك علبه كبيره بنفسه و حطها بجانب الباب و اتكلم بجديه هو بيعدل من بدلته : اتعرفتوا و لا لسه !
ان بصتله و ابتسمت بهدوء : مش اوي انا بس اللي اتعرفت . هي لا تقريباً .
نهار : اها فين سينتا !!!
سينتا ابتسمت بسعاده طفوليه اول لما شافته : نهاري !!
نهار بصلها و ابتسم و راح في اتجاها و شالها و باس خدها بحب : صباح الفل علي احلا عيون في الكون ايه العسل اللي لسه صاحي ده !!
سينتا اتعلقت في رقبته بسعاده و حضنته هو ضحك راح في اتجاه أن اللي بتبص لسلمي بابتسامه عاديه و سلمي اللي بتبص علي ان من فوق لتحت بتفحص بنت جميله لا ديه مش جميله بس ديه فاتنه شعرها البني الحريري الطويل عيونها الزرقاء الممزوجة بالبني اول مره تشوف عيون ذي كدا في حياتها بشرتها البيضاء فعلا جميله و ساحره و في نفس الوقت شيك جدا بالبدله الرسميه باللون الابيض عمليه بس فاتنه فعلا
و قطع الصمت بينهم صوت نهار : سلمي ! ديه تبقي أن بنت عمي شادي .
سلمي بصتله بصدمه انها عارف بوجودها معاه و كمان في شقته لكن ان مش ادت ليها اهتمام راحت في اتجاه سنتيا اللي في حضن نهار اللي اول لما شافتها بعدت راسها عن نهار و بصتلها و بعد كدا نقلت بصرها لنهار
و نهار لسه هيتكلم ان قاطعته و اتكلمت : سبني انا اعرف نفسي علي القمر ده !
بصت لسنتيا و مدت أيدها مع ابتسامه هادئه : أنا ابقي أن بنت عم نهار . انتي سنتيا سمعت عنك كتير جدا لدرجه اني اول مره ابقي نفسي اتعرف علي حد بس ماكنتش اعرف انك جميله اوي كدا
سنتيا بصت لنهار اللي حرك رأسه بموافقة هي حرك رجلها في الهواء عشان تنزل و نهار حرك رأسه بيأس منها و نزلها علي الارض و هي راحت في اتجاه أن و شاورت بايدها عليها من فوق لتحت : انتي بقي حبيبه نهار !!!
أن رفعت حاجبها بصت لنهار اللي ضرب علي دماغه بيأس و بصلها لقاها بصت عليه بطرف عيونها و اتكلمت مع سنتيا : امممممم لحد دلوقتي بنت عمه لكن حبيبته معرفش لسه !
سنتيا بصتلها و اتكلمت بتلقائية : لا أنا متاكده
أن ضحكت : شكلك مصممه مافيش فايده يعني
سلمي كانت متابعه الموضوع من أوله و قررت التدخل وراحت في اتجاهم و ربعت أيدها بصرامه : سنتيا عيب كدا !!
ان بصتلها و اتكلمت بهدوء : علي فكره مزعلتش منها هي عفويه جدا و انا بحب الاطفال اللي كدا ربنا يخليها ليكي .
سلمي بصتلها و اتكلمت بابتسامه صادقه : شكرا علي ذوقك بصت لسنتيا : يلا مامي روحي علي التواليت اغسلي وشك و سنانك و انا شويه و جايه .
أنت تقرأ
الـتـوأم الـحـديـدي
Детектив / Триллер" الإنتقام طبق يفضل أن يقدم باردًا " جملة لا يفهم معناها سوى أصحاب القلوب المُغلفـة بنيران الحقد والإنتقام ولا عليهم فقط سوى الصبر من أجل نيل المُراد.
