الـتـوأم الـحـديـدي

الحلقه الخامسه

التوأم الحديدي

آرام راحت الشركه و طلعت مكتبها في الدور الاخير و بعد كدا قعدت تشتغل و مره واحده سابت الورق و رجعت لورا و غمضت عيونها

*_______________________________*

في مستشفي الحياه........

آن كانت واقفه مع شاهي و ماسكه تلفونها و مخنوقه
آن : الواحد مش عارف يعني  ليه مش بترد علي التليفون
شاهي بعدم وعي : تلاقيها بتحضر أنها تقابل حاتم الشرقاوي
آن : ماشي
وبعد كدا بصت ليها بصدمه و شاهي حطت أيدها علي بوقها
آن بصوت عالي : نعم يا اختيييييي
الدكاتره كلهم بصوا ليها بصدمه وهي مش همها كل ده
آن بغضب : حاتم مين !!!!
شاهي وهي بتمشي : أنا ورايا عمليه سلام
آن مسكت أيدها و اتكلمت بصوت عالي : اقسم بالله يا شاهي لو مش اتكلمتي لخليكي ضيفه هنا العمر كله انطقي
شاهي بخوف شديد وهي عارفه أن آن مش ذي آرام ممكن تسامحها أو تسكت لا اللي بتقوله بتعمله : بصي هقولك بس و النبي ماليش أنا دعوه
آن بعدم صبر : اخلصي

( شاهي حكت ليها اللي طلبته ارام و كل حاجه )

آن : اه بتلعبوا من ورايا طب ورحمه اهلك منك ليها لخليكم عبره لمن لا يعتبر  غوري من وشي لما ارجعلك
شاهي بقلق : راحه فين بس
آن : اوعي من وشي
و زقتها و في الوقت ده كان نهار ماشي مع ايهم و مزن و شاهي وقعت و ايهم مسكها أما آن خرجت بسرعه من المستشفى و زقت السواق برا و ساقت بسرعه البرق و السواق مصدوم هو والحرس
ايهم : أنتي كويسه
شاهي : اه اه شكرا تليفوني
و طلعت تليفونها بسرعه و اتصلت علي آرام : الو يا آرام
ارام بإستغراب : مالك يا شاهي صوتك
شاهي : آن هتولع فينا
آرام بإستغراب : نعم
شاهي بعدم صبر : آن عرفت يا آرام
آرام اتنفضت : نعم ومين اللي قالها
شاهي مسكت وشها : أنا بس والله العظيم يا آرام من غير قصد
آرام بغضب : من غير قصد ليه شاهي ليه أنتي عارفه لو آن شافته ممكن يحصل فيها ايه هو اذي آن كتير اوي حتي اكتر مني و لو شافته ممكن ترجع ذي زمان
شاهي : أسفه أسفه
آرام : مش وقت آسف هي فين
شاهي : طلعت من شويه و هي ساقت العربيه و رمت السواق برا وكلها شويه و جايه عندك
آرام مسكت شعرها : ربنا يسامحك ،  خربتي الدنيا
و قفلت و شاهي مسكت التلفون و رمته في الأرض
الكل باصص عليها بصدمه و هي بصت ليهم بغضب
شاهي بغضب : نعم كل واحد يشوف بيعمل إيه 
الكل مشي بسرعه من قدامها وهي دخلت مكتبها و رزعت الباب و نهار قلق من مجرد سماع اسم آن
مزن : هو في ايه ؟
ايهم : مش عارف بس شكل فيه حاجه حاصله بنهم عشان آرام  ديه زعقت و أنا  سمعت
أما نهار سكت و ما اتكلمش

*_______________________________*

اما آن ركبت العربيه و وصلت بوقت قياسي و و دخلت الشركه و الكل جه عشان يسلم عليها هي سابتهم و مشيت و ركبت الاسانسير و طلعت الدور الاخير و راحت قدام مكتب ارام لقت السكرتيره
آن بحده : ارام فين ؟
دينا بتوتر : احم في المكتب !
آن بأمر : ممنوع اي حد يدخل لينا فاهمه ولا لا ؟!!
دينا بخوف : امرك آن هانم .
و آن دخلت و قفلت الباب و ارام لفت بالكرسي لقت آن
آن بحده : بتلعبي من ورا ضهري يا ارام ؟
ارام : اهدي بس و نتكلم !!
آن بعصبيه : أنا مش مجنونه عشان تقولي ليا اهدي ، لعبتي من ورا ضهري ، و طلبتي من تيم ورق من مكتب أبوه صح ،ده مش طلبك مش قولت ليا ليه ، و كل واحد بقي يلعب لوحده ؟!
ارام : انتي فاهمه غلط !
آن بغضب : لا أنا فاهمه صح لاول مره ايه كنتي ، خايفه مني لما اشوفه للدرجه ديه كنتي فاكره اني ضعيفه ، ومش حمل مسئوليه
ارام : والله ابدا أنا بس ...
آن كملت بغضب : بس ايه أنا أقولك يا دكتوره، انتي كنتي خايفه ابوظ الدنيا اللي انتي عملتيها لو شوفته ؟!
ارام : لا اسمعي بقي انتي شوفتي منه كتير وانا !
آن بغضب : اه شوفت منه كتير تحبي اقولك ولا لا ، كنت بتحبس من غير اكل ولا شرب اسبوع ، و كان بيضربي و يجلد فيا كأني حد من عبيد الجاهليه ، لكن انتي لا صح ولا ايه ؟!
ارام : آن اهدي و اسمعي والله انت كنت خايفه عليكي ، بس و أنا عارفه انك خدتي كتير ، أوي منه و كتير كنتي بتتحاسبي مكاني ، أنا عارفه و عارفه انك قويه جدا فوق ما تتخيلي ، أنا بثق فيكي ثقه عمياء بس خفت عليكي !!
آن مسكت دراعها بغضب : أنا واحده بنت موت فاهمه يعني ، ايه يعني موت قبل كدا وانتي عارفه كدا كويس أنا جربت و دوقت الموت عامل ازاي ، يعني مش هيفرق معايا اشوفه ثاني  ، و للاسف انتي خسرتي ثقتي يا ارام و مش ، عارفه اذا كنت هقدر أرجعها ثاني ولا لا ؟!!
ارام بصت ليها بدموع مكبوته و سمعوا خبط علي الباب
آن بغضب : مين ؟؟
دينا بخوف : حاتم الشرقاوي برا أنا اسفه !
آن بأمر : روحي و خليه يدخل اوضه الاجتماع و احنا شويه و جاين و شوفي يشرب ايه و ياريت يكون سم و نرتاح منه
دينا بعدم فهم : نعم مش فاهمه ؟؟!
آن : برا !!
دينا خرجت بسرعه
آن : أنا هحضر الاجتماع .
و خرجت و ارام مسكت نفسها انها متعيطش أنها خسرت ثقه اختها فيها و بعد خرجت خرجت لقت آن واقفه
ارام ببرود : أنا جاهزه .
آن بصت ليها و مشيت من غير كلام و دخلت ارام الاول
و شافت حاتم وهو أول لما شافها اتصدم انها بقت غنيه كدا وكمان لبسها وهي راحت وهو قام و مد أيده بأدب مصطنع وهي بصت ليه ببرود وقعدت وهو اتحرج و قعد و بعد شويه دخلت أن بكل جبروت و قعدت وهو بص ليها بصدمه
آن ببرود : عايز ايه يا حاتم ؟؟
حاتم بأدب مصطنع : أنا كنت عايز اقابل بناتي !
آن بسخرية : و احلف هو انت متعرفش
حاتم باستغراب : اعرف اعرف ايه ؟؟!
آن ببرود : انك مش ابونا !
حاتم بص ليها : اه طالما اللعب بقي علي المكشوف ، يبقي مش لازم الحوار ده كله !
آن بسخرية : ايوا كدا ! ارجع لاصلك عايز ايه ؟
حاتم بخبث : ادخل شحنه الادويه الفاسده عن طريق شركتكم !!
آن بسخرية : تصدق انك بجح و بتقولها كدا من غير كسوف أو دم ما شاء الله يعني مش عارفه اقولك ايه ؟؟
حاتم بغضب مكتوم : شكرا لذوقك !!
ارام ببرود : المقابل ايه ؟
حاتم بسخريه : طلع صوتك ده انا كنت فاكر انك تعبانه ، ولا حاجه من ساعه ما دخلت و هي بس اللي بتتكلم !!
آن ببرود وحطتت رجل علي رجل : احترم نفسك بدل ، واقسم بالله مش اخلي فيك حته سليمه ، من اللي ممكن اعمله فيك و اوعي ، تكون فاكر اني البنت بتاعت زمان ديه لاااا ، تكون غلطان ده اموتك و مش اخد فيك ساعه سجن !
حاتم اتوتر من ثقتها بنفسها و لاحظ أنها فعلا اتغيرت و باين عليها الخوف اللي كان في عينيها منه راح و حل محله النار وهو شايف ده كويس
ارام ببرود : قولت المقابل اصل احنا مش هنضيع سمعتنا عشان حاجه مش مستاهلة ؟!
حاتم : تعرفوا اهلكم الحقيقه مين ؟!
آن : اممممم ، وانت بقي فأكر أنه فارق معانا تبقي ، بتحلم احنا معاك كنت مش معترف بينا و لا حتي ، كان لينا اوراق قانونيه خاصه بينا دلوقتي بقي احنا بقينا من عيله البحيري ، عندنا مستشفيات من أكبر مستشفيات العالم، و اكبر شركه ادويه في العالم ، و كل واحده معاها حساب في البنك غير البنوك الثانيه، مش تعد لحد ما الأرقام تخلص يعني، مش هيفرق معانا نعرف اهلنا مين ، و الكلام الاهبل ده ولا ايه رائيك يا ارام ؟؟
ارام ببرود : معاكي حق يا آن !
حاتم بغل : ما انا ممكن ارفع قضيه علي عمر البحيري انكم ولادي أنا !!
آن ضحكت بصوتها كله وهو بص ليها بغيظ و غل
آن بسخرية : اممم قضيه ، و يا ترا بقي هتقول ايه خطفت بنات ، ولا اممم استني افكر اااه ، فرضا مش خطفتنا في حاجه اسمها تحليل DNA ، ولا الاختراع ده مش وصل للبيه ، و ممكن كمان ارفع عليك قضيه تشويه سمعه سيدات اعمال كبار في البلد ، و ليها اسمها ولا ايه رائيك و ساعتها بقي هاخد تعويض محترم ، و اخليك مفلس و تبيع مناديل في الاشاره
حاتم : ....................

يتبع

اللي اللقاء في الحلقه القادمه

حاتم هيعمل ايه

هيوافقوا علي عرض حاتم