التؤام الحديدي
الحلقه السابعه
آن صحيت لقت نفسها نايمه مكانها قامت و سندت علي أيدها السليمه و مسكت تلفونها ولسه هتتكلم مع الحرس عشان يجيبوا ليها لبس لقت حد بيخبط علي باب المكتب
آن ببرود : ادخل !!!!
الحارس دخل : أن هانم ارام هانم بعتت ليكي دول
آن خدت الشنطه و بصت لقت كل حاجه محتاجها
آن بسخرية في نفسها : فاكره اني ممكن اسامحها بكدا يعني ماشي يا ارام !!
آن : روح انت طيب و ابعت حد ينظف المكان بعد ما اخرج
الحارس بطاعه : امرك
و خرج وهي دخلت الحمام اللي في المكتب بتاعها و فيها كمان اوضه متكامله الراحه دخلت الحمام و خدت شور ولبست بنطلون جينز و عليه بادي اسود و بليزر ازرق و جزمه سوده
و خرجت و الكل اتفاجا أنها هنا بس سكتوا ماحدش يقدر يقول حاجه و هي راحت اوضه سالم ذي كل يوم و لقت الكل موجود ذي العاده
آن : صباح الخير !
الكل : صباح النور
آن راحت مسكت التقرير و بصت فيه و الكل مستغرب أنها مش ذي العاده ضحك وهزار الصبح
آن : تمام هنعمل إيكو علي القلب عشان نطمن برضوا و كلها يومين و تخرج بالسلامه
سالم بابتسامه : شكرا بس مالك النهارده مش ذي كل يوم
آن بابتسامه : لا أنا تمام عادي بس تعبانه شويه .
سيرين بحنان : الف سلامه عليكي !
آن بصت ليها بتوتر : شكرا سيرين هانم
سيرين بصت ليها بحزن و سكتت
و ان تليفونها رن وهي وشها نور بسعاده و ضغطت علي زر الرد و حطته علي أذنها و اتكلمت بهمس : امممممم !
زيان : حلمك ايه دلوقتي
آن بضحك : اشوفك
زيان : طب اخرجي كدا
آن بعدم تصديق : انت بتتكلم بجد !! أنت نزلت مصر بالسرعه ديه ؟؟
زيان : بسرعه يا بنت مستني برا !
آن ضحكت و خرجت من غير ما تسمع نداءات حد باسمها و الكل قلق عليها
سالم : هي مالها اتغيرت في ثانيه كدا ليه ؟؟
سيرين : أنا هروح اشوفها !!!
و خرجت بسرعه من غير ما تقول كلمه ثانيه و شادي مسك وشه بايده بنفاذ صبر و مش عارف يعمل ايه مع مراته اللي من ساعه ما شافتهم حالها اتبدل و هو مش عايزها تتعلق بأمل مش موجود و شاور لنهار اللي حرك رأسه بنعم و خرجوا سوا وراها
و لقوا آن بتمشي بسرعه في الممر و مجرد ما وصلت لنهايته رمت نفسها بين احضان واحد و قدام الكل و الباقي عارف هو مين بالنسبه ليها
آن حضنته جامد : وحشتني اوي اوي !!
زيان حضنها جامد : وانتي اكتر وحشتيني
و باس راسها و نهار بيبص عليهم بابتسامه سخريه و ضيق عيونه بغضب و الكل راح لزيان يسلم عليه لرجعوه مصر ثاني
زيان : شكرا يا جماعه كل واحد علي شغله يلا أن شاء الله نشوف بعض في وقت ثاني !!
الكل مشي و ان مسكت أيده : انت وحشتني جدا في حاجات كتيره عايزه اقولك عليها وأقعد معاك و كمان ....
زيان : أن !!!!!
آن بصت ليه
زيان : أنا جاي عشانك انتي وبس و مالك
آن بحزن : عايزك جنبي وبس مش عايزه اتكلم دلوقتي ممكن
زيان مسكها وشها بايده : ممكن وقت ما انتي عايزه أنا موجود
هي ابتسمت براحه خدت أيده و دخلت المكتب بتاعها و أما نهار بص لشادي ببرود و خرج برا المستشفي وهو في دماغه يعرف أن البحيري رجعت ازاي وهي ماتت واللي متاكد منه انها هي نفسها عشقه الطفولي مستحيل يكون حد غيرها وهو حاسس بيها
و مسك تلفونه و اتصل علي ايهم
نهار : عايزه اعرف فين عمر البحيري و أن البحيري من يوم ولادتها
ايهم : اعتبره حصل سلام
و قفل معاه
نهار بغضب : والله لو طلعتي هي لندمنك علي الحضن ده ماشي يا بنت الكاشف
أنت تقرأ
الـتـوأم الـحـديـدي
Misterio / Suspenso" الإنتقام طبق يفضل أن يقدم باردًا " جملة لا يفهم معناها سوى أصحاب القلوب المُغلفـة بنيران الحقد والإنتقام ولا عليهم فقط سوى الصبر من أجل نيل المُراد.
