الـتـوأم الـحـديـدي

الحلقه السابعه و العشرون

قطع كلامها صوت التليفون ثاني اتنهدت بغضب و مسكت التليفون وعلي وشك أنها ترد و متوعده لاي مهما كان أو غضبها هيطلع عليه

بس وقفت و تبص للمكالمه بصدمه و هي مستغربه انه رقم المستشفي و مسكت بايد متردده و مش مرتاحه و حاسه ان فيه حاجه

و ردت بصوت مبحوح : الو
موظفه الاستقبال : دكتوره ارام اسفه علي الازعاج
ارام وهي بتحاول تهدي نفسها : لا مافيش حاجه خير
موظفه الاستقبال : في حاله طارئه جايه من شويه و محتاجين حضرتك ضروري انت والدكتوره ان و الحاله مستعجله محتاجه حضرتكم و خصوصا حضرتك عشان قلبه تعبانه و في حاله حرجه
ارام جه بقي بالها سؤال و سالته من غير ما ي ما تتردد لحظه من غير سبب : اسم المريض ايه ؟؟؟
موظفه الاستقبال : حاتم الشرقاوي !!!!!!!!

سمعت الاسم بحاله من الصدمه و عدم تصديق اللي سمعته
حاتم بقوته و جبروته اللي كان اللي كان السبب في احنا فيه دلوقتي محتاج مساعده منا و حياته في أيدنا هتروح و تحاول تساعده و لا لا ؟؟؟

و فاقت علي صوت موظفه الاستقبال : دكتوره ارام حضرتك معايا
ارام بعدم تصديق : اه اه معاكي حاتم الشرقاوي متاكده
موظفه الاستقبال : اه يا دكتوره طبعا متاكده
ارام : حالته ازاي
موظفه الاستقبال : تقريبا ازمه قلبيه و كمان المريض عنده تقريبا سكر و ضغط و انسداد في الشريان الرئيسي و الموضوع صعب عشان كدا كلمت حضرتك بقاله فتره لو فضل اكتر من كدا ممكن يموت

ارام سكتت و هي أكثر من ألف سؤال في دماغها
و حطت أيدها علي وشها بصدمه و في بينها و بين نفسها صراع و مش لاقيه حل

موظفه الاستقبال بتردد : دكتورة ارام حضرتك جايه
ارام بجمود و فاقت من شردوها : لا

و قفلت في وشها و حطت أيدها علي وشها و هي بتحاول تتمالك نفسها

القلب : اللي عملناه مع حاتم السبب في اللي حصل ليه !! عمرنا ما كنا السبب في موت حد حتي لو عدو ! حاولنا ناخد حقنا بالحق بدون تلويث ايد حد بدم ! رداء بتاعتنا ابيض هيتوسخ بالدم مستحيل !! مهما عمل لازم نساعده ! احنا دكاتره و ده واجبنا ارام

العقل : انت شكلك مجنون رسمي نساعده بعد كل اللي عمله فينا ده واحد يستاهل كل اللي حصل فيه احنا مجرد سبب لكن احنا معملناش حاجه انت مش موجوع و مش عارف تداوي وجعك لحد دلوقتي ايه نسيت كل ده

القلب : لا مش نسيت و عمري ما انسي بس ده واجبي ارام انتي ادي أمر انك جايه لازم عمر ما دكتور يخلط بين مشاعره و عمله حتي لو عدو كلنا عباد ربنا يا ارام انتي عمرك ما كنتي قاسيه اوعي تضيعي اخلاقك عشان عداوه بينك و بين حد المرض مالوش علاقه باي علاقات شخصيه ساعديه و خلي الباقي علي ربنا هو اكيد شايف ده هيساعدك

العقل بغضب : انت واحد اهبل مش كل اللي أحنا فيه ده بسببك مش انت اللي علي طول ساكت و مش مدي فرصه جه الوقت اللي ناخد حقنا و تخلص و نسافر ثاني مع أن احنا مكانا مش هنا