« التؤام الحديدي»
الفصل الرابع و العشرون
¤¤¤¤¤¤¤¤¤¤
بعد مرور أسبوع
جه معاد تسليم الشحنه بتاعت الأدوية و آن صحيت من النوم بنشاط و حماس
آن : أخيرًا هنخلص بقي من الكابوس ده !!
و راحت الحمام و خدت شور و غيرت هدومها ولبست بدله رسميه باللون البينك و تحته بادي أبيض و لمت شعرها البني بصرامه علي هيئه ذيل حصان
و لقت خبط علي الباب و دخل نهار و هي بصت ليه بملل
نهار بـ إبتسامة : جاهزة ؟!
آن بصتله : مش هتروح معانا..
نهار دخل و قفل الباب و قعد علي الكرسي بكل برود : مش بمزاجك علي فكره
آن بغضب : بص أنا تعبت منك الصراحه... كدا كتير ، أنت عايز ايه يا نهار بصراحه ؟! و بلاش نكذب علي بعض... بقالك اكتر من شهر و أنت مش راضي تبعد عني؟! ممكن اعرف السبب ؟!
نهار قام من الكرسي و مشي بخطوات ثابته وهي بصت ليه بجمود و متحركتش من مكانها و وصل قدامها و قرب وشه منها و هي لــ لحظه اتوترت بس مش هي اللي تبين مهما كان إذا كان هو نهار الكاشف فهي آن البحيري
و نهار قرب و همس جنب ودنها و هي حست برعشه في جسمها : عايزك أنتِ يا بنت شادي
آن زقته بعيد عنها و اتكلمت بغضب : ده بعينك
نهار بتحدي : هتبقي ليا... و لو مش ليا مش لغيري.. هبقي أنا السند و الأمان و الحضن التي تترمي فيه وقت تعبك... هعوضك عن كل اللي فات..
آن استفزازها أوي لهجه الثقه اللي في صوته و اتكلمت بغضب : إيه الثقه اللي بتتكلم بيه ديه بجد مستغربه ده... لو أنت آخر واحد في الدنيا مستحيل فاهم يعني إيه مستحيل تقرب مني أو تلمس مني شعره واحده..
نهار بص ليه ببرود و علي وشه ابتسامه مستفزه : و حياتك قريب أوي كلك علي بعضك هتبقي ليا أنا و بكامل إرادتك كمان
أن بصت ليه بغضب و خرجت برا الاوضه و هي بتسبه بكل اللغات اللي تعرفها و هو أبتسم عليها : استنيت كثير مش صعب عليا استني الباقي بس في الآخر النتيجه ليا
و خرج من الآوضه ورآها و نزل تحت مكان تجمع الكل
____________________
في اوضه آرام
آرام ببرود : عرفت هتعمل إيه و لا لا ؟
الشخص : آه يا هانم عرفت بس حضرتك وصلتي للمعلومات ديه إزاي ؟
آرام ببرود : إزاي ديه بقي متفرقش معاك علي حسب معرفتي عايزه بكرا الخبر منتنشر في مصر و العالم كله ... عايزه يفضلوا يتكلموا عليه من هنا لبعد سنه قدام أنا اخترت الجريده ديه عشان واثقه فيكم... أسمي و اسم أختي مايجيش بالصدفه حتي..
الشخص : تمام يا هانم... بكرا ذي ما اتفقنا !
آرام ابتسمت و قفلت معاه و علي وشها ابتسامه نصر و سمعت صوت من وراها :
و يا ترا بقي يعرفوا اللي أنتِ عاملتيه ؟!
آرام بصت ليه ببرود : مالكش دعوه بالموضوع !!
الشخص بغضب : آرااااام فوقي لنفسك كدا.. و اعرفي أنتِ بتتكلمي مع مين... أنا ساجد الرفاعي... يعني الكل قدامي... و بيقلب
و ماحدش بيقدر يفتح بوقه معايا... و مش معني إني بسكت علي تصرفات... أو صوتك العالي إني أبقي ضعيف أو خايف منك!
و ابتسم بسخرية : بس متعودتش إني اخد حقي من واحده ست
و قرب منها و حط أيده في جيبه و بيبص عليها : شغل الجبروت ده اللي عملاه علي الكل.. أنا اكتر واحد عارف أنه مش لايق عليكي !!
آرام ببرود : رائيك مش فارق معايا... و ياريت من النهارده كل واحد يلتزم حدوده مع الثاني
ساجد بسخريه : تمام يا آرام هانم... طلعت عشان أقولك اجهزي عشان رايحين سوا... و علي فكره.. أنا بساعد بس عشان شادي.. أبويا و اللي اعتبرني ذي ابنه من بعد موت ابويا.... مش عشانك !
و خرج برا الاوضه و هي بصت مكانه بشرود و نزلت بعده
___________________
بعد الفطار كل واحد بيعمل روتينه كالتالي :-
كادي و ملك و سجده راحوا الجامعه
شاهي و تيم راحوا الشركه لشغل ضروري
ساجد و نهار و أن و آرام راحوا المينا بس كل واحد راح لوحده بعد سفر ثلاث ساعات
___________________
في الميناء ( الإسكندرية )
و راحوا كلهم سوا و حاتم أول لما شافهم اتصدم
نهار بسخرية : حاتم إزيك عامل ايه و ﷲ ماليك واحشه يا رجل !
حاتم بص لــ آرام بغضب : هما بيعملوا إيه ده ماكنتش الاتفاق ؟!
آرام بسخرية : تؤ تؤ يا تومي أنت ما قولتش مش اجيبهم و بعدين دول هما ضيوف ضعننه أوي متقلقش أوي كدا و أنت ناسي أن الموضوع علينا إحنا يعني إحنا اللي في الوش
حاتم بص ليها بغضب : ماشي يا آرام ماشي
آرام بصت ليه بسخرية
و وقفوا عشان استلام الشحنه و الرجاله بتاعتهم بتطلع الصناديق و لسه هيشلوها سمعوا صوت من وراهم
الشخص : مش تقولي إنك هنا يا حاتم بيه علي الأقل كنت رحبت بيك في بيتي؟!
حاتم بصدمه : يـــم
يتبع
إلي اللقاء في الحلقة القادمة
آرام كلمت مين و جريده إيه
يـم الراوي هيعمل إيه مع حاتم
سؤال ليه الروايه الجديده قولت علي العنوان بتاعها بحر النسيان 🤔 و اشمعنا الإسم ده بالذات
اكيد الكل عايز يعرف البطلة مين أو اسمها إيه بس كل اللي اقدر اقوله أنها مميزه لشخص مميز 😉 و اسمها احلا
أنت تقرأ
الـتـوأم الـحـديـدي
Misterio / Suspenso" الإنتقام طبق يفضل أن يقدم باردًا " جملة لا يفهم معناها سوى أصحاب القلوب المُغلفـة بنيران الحقد والإنتقام ولا عليهم فقط سوى الصبر من أجل نيل المُراد.
