الفصل الأول
¤¤¤¤¤¤¤¤¤¤
في لندن......
واقفه واحدة في ساحه لهبوط الطيارات الهليكوبتر و علي بعد تيجي طيارة هليكوبتر و الهوا بتاعها يطير شعر البنت اللي واقفه بشكل جذاب و ساحر تخفي عيونها ورا نظارتها الشمسيه بدلتها الرسميه النسائيه بـ اللون الأسود و معاها عدد من الحراس و تقف الطياره في المكان المحدد و ينزل عدد من الحراس و يفتحوا الباب و تنزل الحورية الثانية مش بتختلف عن توأمها كثير و لكن ده ميمنعش طلتها الخاطفة للانفاس بتنورتها الطويلة نسبيـًا و قميصها السماوي الساده
آن وهي بتفتح دراعها و اتكلمت بـ اشتياق كبير : توأمي الغالي وحشيني
آرام راحت ليها و علي وشها ابتسامه ساحره : آن..
و حضنوا بعض بحنان وهو يعتبر اللي باقي ليهم من الدنيا هما الإثنين...
آن : يلا نرجع القصر زمانك تعبانه من السفر
آرام : آه فعلًا.. خالد
خالد : أمرك
آرام : جهز العربيات راجعين البيت
و بعد كدة ركبوا العربيات و مشيوا......
______________
في مصر.......
واحده بتحلم بكابوس دمر حياتها......
Flash back...
سيرين واقفه بتبص علي بناتها التوأم بأجمل ابتسامه وجه من وراها جوزها شادي و حضنها
شادي : كل يوم تفضلي تبصي عليهم كدا ؟!
سيرين : مش عارفه يا شادي بس حاسهم هيرحوا مني ، أنت عارف إحنا اتعذبنا ازاي عشان يجوا شايف شكلهم جميل إزاي و شبه بعض أوي بس لون العيون مش ذينا عينيهم بني تقريبًـا صح ؟؟
شادي مسك وشها بايده : حبيبتي إحنا جنبهم و هما نايمين .
سيرين بخوف : خايفه عليهم من حاتم يا شادي.. هو حلف بموتهم.. ممكن ينتقم منا فيهم !!
شادي : مش هيقدر يقرب منهم.. أهدي أنتِ يلا نروح ننام .
سيرين : مش عايزه اسيبهم..
شادي : يا عمري و ﷲ هما نايمين ، هتعملي إيه معاهم يلا !!
وشد أيديها وهي عيونها علي بناتها الإثنين و هما نايمين...
_______________
تصحي الصبح حاسه بقبضه في قلبها
شادي : مالك يا حبيبتي ؟!
سيرين وهي بتقوم بسرعه : بناتي !
و جريت علي الاوضه مالقتش البنات موجود
سيرين بعياط وهستريه : بناتي يا شادي !!
الكل جه علي الصوت و راحت هنا حضنت سيرين وهي بتعيط
سالم بغضب : اقلبوا القصر ، البنات لازم ترجع !
أما شادي كان مغيب خالص عن اللي بيحصل ، و بيتردد كلامه في ودنه بصدمه ، هو مش مستوعب ممكن يكون عمل اللي قال عليه !!
وسمع صوت تليفونه بمكالمه ولقي حاتم الشرقاوي...
حاتم بضحك سخريه : أهلا بالامبراطور ! شوفت بناتك الحلوين ، راحوا سافروا عند ربهم ، خلاص عشان تحرم تقرب ثاني مني ، أو ترفض ليا طلب ، وابقي سلم علي القطه مراتك ، و قولها اللي قولته عملته سلام !!
أما سيرين أول ما سمعت الكلام اغمي عليها ، و شادي أخوه مسكه....
أنت تقرأ
الـتـوأم الـحـديـدي
Misterio / Suspenso" الإنتقام طبق يفضل أن يقدم باردًا " جملة لا يفهم معناها سوى أصحاب القلوب المُغلفـة بنيران الحقد والإنتقام ولا عليهم فقط سوى الصبر من أجل نيل المُراد.
