أعَلنتُ عليكَ العِشق للكاتبة/شهد السيد_ياسمينا"مُكتمله"

البارت والواحد والعشرين

ليث بعدم تصديق:سمعتي اللي سمعته ولا انا بس اللي سمعت.
لتهتف ببلاهه:مبروك لابوك.
ليهتف بدر بجديه:انا مش بهزر انا هتجوز الرابعه.
غمز زيدان بمرح قائل:هتكتب علي طول ولا هتعمل فرح.
أبتسم بدر بمشاغبه قائل:هكتب علي طول وليله فرحك..مش سامعلك رأي ياليث.
تنهد ليث قائل بهدوء:القرار الأول والأخير ليك ولو انتَ شايف انها هتحبك وتحترمك وتصوونك اتجوزها.
شدد علي اخر جملتين بتأكيد فهمه والده اومأ بدر بتفهم قائل:علي الله هقولها بكره.
وقف حسام بجانبه قائل:اسمها ايه اوصفلي موزتك يا والدي.
ليهتف بدر بسخريه:موزتك و والدي ف نفس الكلمه مين اللي ساقط نحو اللي معلمك عربي يالا.
ليهتف حسام:استاذ حسن كرشه وحنفي مفك الله يمسيهم بالخير..اتكلم انتَ بس.
ليهتف زيدان:حسن كرشه وحنفي مفك انتَ كنت بتروح المدرسة يالا ولا بتشتغل صبي ميكانيكي.
ليهتف حسام بلامبالاه:اخرس انتَ يابتاع نعمات متخلنيش افضحك قدام مراتك يابو ورده دبلانه..احكي ياعم بدر.
صفعه بدر بخفه علي مؤخره رأسه قائل وهو ينظر لسچي التي تتطلق شرارات ناريه من عيناها صوب زيدان المتصنع اللامبالاه:عجبك كده اهي هتعمل علي شوربه لما يروحوا..فاكر علياء اللي كسفتني قدامها الصبح هيا دي اللي هتجوزها كانت جارتي زمان.
لتهتف ياسمين بمرح:بنت الجيران شغلالي انا عنيا.

لينهض أمجد مستأذن للذهاب للمرحاض..ليدخل المطبخ ل لارين الذي كانت تعد المشروبات.

استند علي السطح الرخامي قائل بهدوء:هتفضلي تهربي مني كتير..لو كنت اعرف أن كلامي يوم الحفلة هيخليكي تبعدي عني وتتجنبيني كده مكنتش قولته.
لتهتف لارين بتبرم وهيا تتصنع الانشغال:وانا اهرب منك ليه ولا اتجنبك ليه عادي مفيش مجال نتكلم فيه.
ليهتف بتهكم:والله..عموماً يا لارين أنسي أي حاجة قولتها أنسي يوم الحفلة ده اساسا اعتبريني مكنتش ف وعي.

أنهي كلامه مغادر للخارج لتترك ما بيدها تضع يدها علي وجهها تبكي بصوت منخفض..تشعر بالتردد من أمر موافقتها تخشي أن تكون مجرد فترة عابره بحياتة وتنتهي وتتعلق به فتتألم.
وجدت بتول تحتضنها قائله:مالك يا لاري.
تعلقت بها قائله:تعبانة أوي وخايفة.
سمعت صوت ياسمين تتسأل عن ماذا يحدث.
ابتعدت عن بتول تمسح دموعها قائله:هحكيلك بعدين.
خرج جميعهم ساعة وذهب كل منهم لمنزله لتبدل الفتيات ملابسهم وجلست بتول تشاهد التلفاز ولارين بجانبها شارده لتخرج ياسمين من غرفتها قائله للارين:تعالي عاوزاكي.

دخلوا للشرفة لتجلس ياسمين قبالتها تهتف:أحكي.
لتضحك لارين بخفه تهتف بتبرم:احكي إيه
تنهدت ياسمين تهتف بهدوء وصدق:لما تحبي قرري بالتفكير الإيجابي ولا انتِ بنت الحاره وهو الراقي..ولا انتِ السكرتيره وهو المدير..متفكريش ف عواقب علاقتكم عشان مفيش فروق مابينكم..سيبي كل حاجه لربنا والأيام لو بيحبك هيتمسك بيكي وهيسعي وراكي.
نظرت لها لارين بهدوء قائله:مخفتيش تبقي فتره ف حياته.
لترد ياسمين بثقه وحكمه:لو كنت فتره ف حياته مكنش سعي ورايا او برر خطئ منه مواقف كتيييير اثبتت ده مش عشان علاقه فاشله او،هواجس تضيعي من ايدك واحد بيحبك وعمرك مهتلاقي زيه..فكري كويس يالارين أمجد شخص كويس جدا كفايه حبه ليكي اللي بيبان من نظراته.