မိုး

~3~

~Unicode~

..我的眼里 都是你。..
..甜甜蜜蜜 you know what I mean..

(ငါ့မျက်ဝန်းတွေထဲမှာ မင်းတစ်ယောက်ပဲရှိတယ်..
အရမ်းချိုမြိန်လွန်းတယ်..you know what I mean)

အိမ်ရာဘေးနားကဖုန်းကနေအသံထွက်ပေါ်လာတဲ့အခါ ရိပေါ်တစ်ယောက်မထချင်၊ ထချင်နဲ့ထလိုက်ရတယ်။ ဖုန်းဆက်လာတဲ့ လူကိုအထွေထူးစဉ်းစားစရာတော့မလိုဘူး။ သေချာပေါက် ရွှယ်ယမ်ပဲဖြစ်မှာ။

"ဘာလဲပြော"

ရိပေါ် ဘောက်ဆက်ဆက်နဲ့ပြောလိုက်တော့တစ်ဖက်ကရယ်သံခပ်ဟဟထွက်လာတယ်။

"မြန်မြန်ပြောစမ်းပါ လဒရဲ့"

ရိပေါ်ရဲ့စိတ်မရှည်တဲ့အသံနဲ့ပြောလိုက်တော့မှပဲ ရွှယ်ယမ်က အရယ်ရပ်ပြီးပြောတယ်။

*မင်းကျောင်းမတက်ဘူးလား..*

တစ်ဖက်ကစကားကြောင့် အိပ်ငိုက်နေတဲ့ရိပေါ်တစ်ယောက် မျက်လုံးတွေပြူးကျယ်သွားရတယ်။ ပြီးတော့ အခန်း‌‌ထောင့်နားကပြက္ခဒိန်ဆီလှမ်းကြည့်လိုက်မိတယ်။
ဒီနေ့က တနင်္လာနေ့...။

"Shit..သေစမ်းပဲ.."

ကျောင်းဖွင့်ရက်ကိုသူလုံးလုံးကြီးမေ့နေခဲ့တာပဲ။

*ထင်တဲ့အတိုင်းပဲ..မေ့နေပြန်ပြီ မြန်မြန်လာကွာ မင်းမရှိရင်ကျောင်းတက်ရတာမ‌ပျော်ဘူး*

တစ်ဖက်က ရွှယ်ယမ်ကညူတုတုအသံနဲ့‌လာပြောတယ်။

"အော့ဂလီဆန်တဲ့ စကားတွေသိပ်မပြောစမ်းနဲ့ကွာ...ငါလာပြီ ဒါပဲ.."

ရိပေါ်ဖုန်းကချလိုက်ကာ ရေချိုးခန်းထဲအလျင်အမြန်ပြေးဝင်လိုက်တယ်။ နောက်ကျပြီးတော့မှ ကျောင်းတက်ရတာမကြိုက်ပေမယ့် ဒီနေ့ Assignmentထပ်ဖို့ရှိနေတာမို့၊ မဖြစ်‌မနေသွားရဦးမယ်လေ။

ဒီနေ့အတွက်ရာသီဥတုကတော့ သာယာနေတုန်းပဲ။

…........

ရိပေါ်ကတက္ကသိုလ်ကျောင်းသားတစ်ယောက်။ ပေကျင်းမြို့မှာရှိတဲ့ တက္ကသိုလ်တစ်ခုမှာ အခုလက်ရှိPhysicsမေဂျာကို ပထမနှစ်တက်နေတယ်။ ရိပေါ်ကစာဘက်မှာ‌တော့မတော်မညံ့တဲ့ကျောင်းသားတစ်ယောက်။ ဒါပေမယ့် အားကစားဘက်ကတော့ ရိပေါ်အထူးချွန်ဆုံး။ ဘောလုံး၊ ဘတ်စကတ်ဘော၊ ကြက်တောင်ရိုက် အကုန်ရတယ်။ ရိပေါ်ပါဝင်တဲ့ ပြိုင်ပွဲတွေဆို သေချာပေါက်အနိုင်ပဲ။ ပြိုင်ပွဲတွေမှာ ရိပေါ်ကိုအားပေးကြတဲ့ ကောင်မလေးတွေဆိုတာလည်းအများကြီးပဲ။
လာကြိုက်တဲ့ ကောင်မလေးတွေ၊ စာပေးကြတဲ့ ကောင်မလေးတွေဆိုတာအများကြီးပဲ။ ဒါပေမယ့် တစ်ယောက်ကိုမှ ရိပေါ်အဖက်မလုပ်ဘူး။ ခပ်တန်းတန်းပဲနေတယ်။ ရိပေါ်နှလုံးသားမှာ အခုချိန်ထိဘယ်သူမှနေရာမယူနိုင်သေးဘူး။