وفقنا علي دخول نور لهم و صدمه غنوه بوجودها
نور بحزن : انا اسفه يا غنوه و بتمني تسامحيني أنا عارفه اني عملت غلطات كتيره بس كنت مجبوره
غنوه ببكاء : اسامحك علي ايه انتِ كسرتي ليا ظافري و لا حاجه انا كنت بعتبرك اختي ليه تعملي فيا كده
شروق بضحك : لا دي عملت اكتر من كده فاكره لما دخلتي المستشفي و كان عندك تسمم انا اللي اعطيت لها السم و هي حطيته ليكي في العصير
فرح بقرف منها : انتِ مبسوطه و فرحانه باللي عملتيه مش واخده بالك ان اللي كنتي عايزه تموتيها دي بتكون بنتك انا عايزه اعرف انتِ جايبه الحقد و الكره ده منين انا عارفه انك كنتِ من عائله غنيه و اهلك كانوا بيحبوكي و طلابتك كانت أوامر ليه بقيتي كده صدقيني انتِ مريضه نفسيه بالتملك
شروق بحقد و هوس : انا كنت عايزه فلوس كتير بس بقي مصطفي طلع بخيل معرفتش اخذ منه الا خمسه مليون جنيه
نظرت لها الفتيات بقرف
خالد بجنون : يله بقي علشان نبدا الحفله
نور : انا عايزه فلوسي علشان امشي
شروق : حاضر و اخرجت من وراء ضهرها مسدس و رفعته في وجه نور
نور بخوف : هتعملي ايه خلاص انا مش عايزه فلوس عايزه امشي
شروق : هو دخول الحمام زي خروجه يا حلوه و لا ايه ثانيا انا عايزه روحك و اطلقت رصاصه جاءت في قلبها مباشره ماتت نور و هي محمله بالذنوب
صرخت غنوه و فرح بخوف و بكت غنوه بشده و ظلت تدعو بداخلها ان ياتي ياسين و ينقذها هي و اختها
🔰🔰🔰🔰🔰🔰🔰🔰🔰🔰🔰🔰🔰🔰
اما بالخارج بدأ الشباب بتنفيذ الخطه
ذهب يزيد للحارسان
يزيد : يا شباب
الحارس ١ : نعم يا اخ
يزيد : معلش السياره بتاعتي عطلت و كنت عايز حد يصلحها
الحارس ٢ : انا بعرف تعالي اعملهالك يله
يزيد :مش عارف اشكرك ازاي تعالي يله علشان اوريهالك
ذهب الحارس معه و عندما وصلوا الي السياره
الحارس : هي دي سيارتك العطلانه
يزيد : ايوه
و هو يتحدث معه جاء من وراءه يوسف و ضربه علي رأسه بظهر المسدس فوقع علي الارض فاقد للوعي
يزيد : يله اسحبه معايا علشان نخفيه وراء السياره
عند الحارس الاول احس بتأخر زميله فذهب حتي يبحث عنه وجد يزيد امام السياره
الحارس : فين زميلي
يزيد : ذهب لاحضار المياه
و كذلك فعلوا معه مثل زميله
يزيد : ياسين تعالي ساعدنا ده ثقيل علينا
ياسين : طيب و حملوه و اجلسوه علي الارض بجانب زميله
يوسف : كده خلصنا منهم يله علشان ندخل ننقذ البنات
لكن استمعوا الي صوت اطلاق رصاص
ياسين بخوف : غنوه و دخل سريعا الي المخزن
🔰🔰🔰🔰🔰🔰🔰🔰🔰🔰🔰🔰🔰🔰
في قصر المنصوري
استيقظت جلنار و اخذت في البكاء بصوت مرتفع استمعت ماسه و فريده لصوتها فصعدوا لها بسرعه
و حضنتها فريده
فريده : اهدي يا بنتي
جلنار : غنوه وحشتني اوي هي و فرح
ماسه : متخفيش ياسين ذهب هو و يوسف و يزيد لإنقاذهم
جلنار : بجد
فريده : ايوه و اهدي بقي علشان اللي في بطنك
جلنار باستغراب : مش فاهمه
ضحكت ماسه عليها
فريده : أنا قصدي انك حامل
جلنار بدهشة : بجد يعني هكون مامي ذيك
فريده : ايوه
جلنار بابتسامه حزن : أنا مبسوطه اوي بس كنت عايزه غنوه تكون معايا
فريده : أن شاءالله هترجع بالسلامه
جلنار و ماسه : يا رب
🔰🔰🔰🔰🔰🔰🔰🔰🔰🔰🔰🔰🔰🔰
في داخل المخزن
كانت فرح تحاول فك نفسها من الحبال حتي وجدت بجوارها اله حاده صغيره فمسكتها من غير ماحد يشوفها و حاولت قطع الحبل و قطعته لكن بصعوبه و كذلك نذفت يدها و بعدها فكت رجليها
نظر خالد لغنوه بشر
خالد بشر : حان الان دورك و رفع المسدس في وجهها
أما شروق كانت تقف امام باب الغرفه
استعد خالد للاطلاق لكن حدث ما لم يكن في الحسبان وصل ياسين و عندما وجد هذا المشهد غضب و امسك بشروق
ياسين : ارمي مسدسك بسرعه و لا اتشاهد علي مراتك
خالد :طيب
ياسين : شاطر يزيد فك البنات
قرب يزيد من غنوه و فكها
خالد نزل علي الارض لوضع المسدس لكن و قف سريعا و ابتسم بشر ناحيه ياسين اما شروق نظرت له بصدمه ايضحي بها
خالد بشر : متقلقش هقوم بالعمل ده بدالك و اطلق علي شروق رصاصه في قلبها و اخري في راسها نظر له الجميع بصدمه و صرخت غنوه من شده الموقف
اما خالد استغل صدمه الجميع و امسك بفرح لانها الاقرب له في نفس لحظه دخول مالك و افراد الشرطه
غنوه بخوف : فرح
مالك : اتركها مش هتعرف تهرب المكان كله محاصر
خالد : لا ههرب
كانت فرح تتلوي بين يديه
خالد ضربها بالقلم
خالد بضيق منها : اهداي و بعدها نظر للجميع هتسبوني اخرج و لا اقتلها
مالك : طيب هسيبك تخرج
طلب مالك من العساكر تركه يخرج
خرج خالد و هو متوتر و ظل يبحث عن طريق للخروج لم يجد الا طريق السكه الحديديه الخاصه بالقطر فذهب باتجاهها ظنا منه ان لن يفكر احد انه ذهب من هنا
اما في داخل المخزن
جري ياسين سريعا الي غنوه و احتضنها و هي ايضا بادلته
ياسين : انتِ كويسه يا حبيبتي
غنوه ببكاء : الحمد لله يا حبيبي كنت عارفه انك هتنقذني بس فرح انا خايفه عليها
ياسين : متخفيش مالك ذهب وراءه و احنا كمان هنروح يله
غنوه : يله و خرجوا
كان خالد يمشي و كل شويه ينظر وراءه و فرح تحاول ان تفلت منه و لكن دون جدوي
كان يسير مالك وراءه ووراءه الجميع
عندما اقترب من السكه
خافت غنوه علي فرح و الجميع كذلك
مالك بخوف : اقف و سلم نفسك مش هتقدر تهرب
خالد بجنون : لا مستحيل و عبر السكه و لكن رجله علقت بين القضبان فاستغلت فرح الفرصه و عضته في دراعه صرخ خالد من الوجع و افلت فرح فاستغلت فرح الفرصه و جرت الي غنوه بكل قوتها حتي وصلت لها
غنوه و هي تحتضن فرح و تقبلها بلهفه : حبيبتي انتِ كويسه
فرح بتعب :كويسه
اما خالد حاول اخراج رجله و لكن لم يقدر و وجد قطر يقترب من بعيد
مالك :حاسب و جري حتي يلحقه و يساعده و لكن كان قد انتهي الامر و القطر قد وصل و خبط خالد و عبر عليه اما انظار الجميع اختبئت غنوه في زوجها و اخفت فرح في حضنها حتي لا تري هذا المنظر البشع
لكن فرح لم تستحمل و احست غنوه بتراخي جسمها فرفعت وجهها و جدتها فاقده للوعي
غنوه بهلع : فرح فوقي يا فرح
ياسين : اطمني هي بس مقدرتش تشوف المنظر ده هاتيها علشان ناخذها للمستشفي
غنوه : طيب
حمل ياسين فرح و مشي و الجميع معه
"هذه نهايه الحقد و الكره فا هي نهايه خالد مات موته بشعه و كذلك شروق فهي ماتت علي يد من تركت زوجها و بنتها من اجله ماتوا محملين بالذنوب و المعاصي الشديده "
ذهب ياسين الي المستشفي و قد كشف الطبيب علي فرح و اكد انها اصيبت بصدمه عصبيه حاده و فقدت النطق للمره الثانيه
عاد الجميع الي البيت و اطمئن الكل علي غنوه و صدع ياسين و وضع فرح علي سريرها و نزل
علم الجميع بما صار معهم و حزنوا بشده علي فرح
علمت غنوه بخبر حمل جلنار ففرحت بشده لها
في اليوم التالي جاءت عائله الحديدي و الشرقاوي
احمد الحديدي: حمد لله علي السلامه يا بنتي
غنوه : الله يسلمك يا انكل
بتول بلهفه: فين فرح
غنوه : انتِ تعرفيها منين
احمد : نسيت اعرفكم علي اولادي ده عدي ابني الكبير ودي بتول بنتي الصغيره و بتكون زميله فرح في المدرسه
طائف الشرقاوي: و دول اولادي ادم و انس توائم ومع عدي في المدرسه
يزيد :معلش انت في المدرسه انا افتكرت انه في الجامعه
ضحك الجميع عليه و هنا تذكر عدي فرح و تمني ان يراها
غنوه : هي فرح نائمه و هي فقدت النطق بسبب اللي حصل
حزن الجميع عليها
بتول ببكاء :طب ممكن اشوفها
غنوه : اه اتفضلي
صعدوا وجدوا فرح نائمه و بشرتها باهته قربت بتول منها و قبلت خدها
بتول : ان شاء الله هتكوني كويسه
و بعدها نزلت هي و غنوه
اصر راغب ان يظلوا حتي الغداء
اصبحت فرح منعزله و تحب الجلوس بمفردها حاولت الفتيات اخراجها مما هي فيه و لكن بدون فائده
اعترفت اخيرا غنوه انها تحب ياسين
تم تحديد فرح ياسين و غنوه و ماسه و يوسف بعد ولاده جلنار بثلاثه شهور
مرت الايام هادئه و لم تتحدث فرح بعد
في يوم ولاده جلنار
انجبت طفل جميل بارك الجميع لها و حمله راغب و كبر في اذنه
راغب : هتسموه ايه
جلنار : مش عارفه
فرح و كانت اول مره تتحدث بعدما فقدت النطق :
عمار
نظر لها الجميع بصدمه
غنوه بفرحه : فرح انتِ اتكلمتي
فرح ببرود : ايوه و انا هسميه عمار
جلنار : عمار اسم جميل شكرا يا فرح
فرح ببرود :العفو
خرجت جلنار من المستشفي و كانت فرح تهتم بعمار
و تم عمل سبوع يليق باول حفيد لعائله المنصوري عمار يزيد سيف الدين الشاذلي
بعد مرور شهرين بدون احداث غير تعلق عمار بفرح
في يوم كان يجلس الجميع بحديقه القصر
و كانت فرح تحمل عمار و تلعب معه
مصطفي : هترجعي امتي المدرسه يا فرح
فرح : من بكره و انا عارفه اني حمل عليكم بس ان شاء الله لما اكبر و اشتغل هسد الدين ده
راغب بزعل : انتِ عمرك ماكنتي ولا هتكوني حمل ولو سمعت الكلام ده منك تاني هزعل و ربنا
فرح : لا خلاص مقدرش علي زعلك انا اسفه
فريده : انت بنتي يا فرح افتكري ده ديما
فرح : حاضر يا ماما بابا مصطفي ينفع اطلب منك حاجه
مصطفي : طلبات فرح هانم اوامر
فرح باصرار : مش عايزه اي حد ينادي عليا بفرح عايزه اسم تاني و عايزه اتعلم فنون الدفاع عن النفس
مصطفي : بس انتِ اسمك جميل
فرح ببكاء شديد : انا مش عايزه حاجه تفكرني بحياتي السابقه تعرف نفسي اخرج الدم اللي بيجري في جسمي علشان بقرف كل ما افتكر اني دمي نفس دمه بتمني ان مكنتش اتولدت و لا كنت بنتهم تعرف لو الانتحار حرام لكنت قتلت نفسي
مصطفي : متقوليش علي نفسك كده انتي افضل بنت في الدنيا و ياستي لو علي الاسم حاضر اسمك الجديد هيكون نورسين المنصروي عجبك
فرح " نورسين " : اه جميل
غنوه : بس الاسم ده معناه ايه
مصطفي : معناه ضوء القمر و اخترته علشان هي هتكون الضوء اللي هيرشد الناس و يساعدهم و بالنسبه لفنون الدفاع عن النفس عندي واحد صاحبي مقدم هخليه يعلمك
نورسين "فرح " : شكرا بعد اذنكم هطلع غرفتي
غنوه :خايفه اللي شافته و احنا مخطوفين ياثر عليها
مصطفي : هيأثر
قطع كلامهم صوت الخادمه
الخادمه : فريده هانم في واحد بالخارج طالب يقابل الانسه فرح
فريده : واحد طب اذهبي و قدمي له العصير و احنا هنيجي خلفك
غنوه : هيكون من اللي عايز يقابل فرح
ياسين : الوقتي نعرف
🔰🔰🔰🔰🔰🔰🔰🔰🔰🔰🔰🔰🔰🔰
انتهي الفصل
🔰🔰🔰🔰🔰🔰🔰🔰🔰🔰🔰🔰🔰🔰
١- يا تري اللي حصل هياثر في فرح
٢- يا تري ايه معني كلام مصطفي انه فرح هتكون الضوء اللي يرشد الناس
٣-يا تري من الشخص اللي عايز يقابل فرح
٤- رايكم في نهايه شروق و خالد
انتظروني في الحلقه الاخيره .
أنت تقرأ
غنوة حياتي " مكتمله "
Mystery / Thrillerهي قصه فتاه ابهرت عائلتها بجمالها عند ولادتها وعذفت بصوتها الحاني الصغير والطفولي علي قلبوهم الحان تُدرس لذلك اطلقوا عليها غنوه فاصبحت غنوة حياتهم ممنوع نقل أو اقتباس الروايه
