غنوة حياتي " مكتمله "

الفصل 4

وقفنا المره اللي فاتت عند لما غنوه وياسين ودخلوا لغرفه جلنار واتصدموا من منظر الغرفه
غنوه : ايه اللي حصل للغرفه هي قامت الحرب العالميه هنا ولا ايه
ياسين : باين كده
جلنار :هزروا هزروا بدل متيجوا تساعدوني
غنوه :نساعدك في ايه الدولاب فاضي وكل طقم علي الارض او علي السرير هدومك في كل حته
جلنار :ما انا كنت بدور علي طقم حلو
ياسين :بس مش بالطريقه دي
غنوه :انا هشوفلك طقم تلبسيه علي مانظف انا الفوضي بتاعتك دي
جلنار :قلبي يا غوغو
غنوه :انتِ عارفه بعد غوغو دي مش هساعدك
جلنار :سحبتها خلاص يله بقي
غنوه وهي تمسك طقم جميل باللون الازرق وتعطيه لجلنار :ده هيبقي حلو عليكي
جلنار :ماشي شكرا وذهبت الي الحمام علشان تلبسه
اما غنوه كانت تنظف الفوضي التي صنعتها جلنار وكانت تضع كل شي في مكانه الصحيح تحت انظار ياسين
بعد فتره انتهت مع خروج جلنار من الحمام
ياسين :شكلك تحفه
غنوه :ايوه بجد جميله
واكملت جلنار زينتها ولبست حجابها فكانت جميله
ياسين :يله ننزل بقي
جلنار :يله
ونزلوا للاسفل وكان الجميع تحت
ذهب اليها والدها وقبل جبهتها
راغب : مبروك ياقلبي وبجد طلعه قمر
ومصطفي فعل مثل والدها
مصطفي : مبروك يا حبيبتي
يوسف : مبروك يا جوجو
جلنار :الله يبارك فيك
ذهبت لها امها وحضنتها
فريده :الف الف مبروك وعقبال بنتي التانيه
تضايق ياسين من جمله امه اما عن غنوه فقالت
غنوه :لا انا مش بفكر في الموضوع ده
فريده :ليه كده
غنوه :عندي حاجات مهمه
قاطع حديثم دخول الخدامه معلنه وصول العريس
دخل يزيد هو وعائلته وتبادلوا التحيه وذهبوا جميعا لتناول العشاء وعند انتهائهم ذهبوا لغرفه الجلوس
راغب :فينك يا سيف من زمان
سيف "والد يزيد ": موجود يا صاحبي
مصطفي :ايوه مهو باين
سيف ضحك :احنا جاين النهارده علشان نطلب يد جلنار لابني يزيد
راغب :انا عن نفسي موافق بس نشوف رأي العروسه
غنوه بخبث : للاسف يا عمي جلنار مش موافقه
جلنار بسرعه :لا موافقه طبعا
ضحك الجميع عليها
راغب :يبقي نقرا الفاتحه
وبعد الانتهاء
مصطفي :يله يا شباب روحوا الجنينه
ذهب الشباب
في الجنينه
كان يجلس الجميع علي العشب بين الزهور الجميله وكانت دي عادتهم كل يوم
جلنار :صحيح يا غنوه انتِ كنتِ بتعملي ايه النهارده عند العميد
انتبه الجميع للحديث
غنوه :علشان وقصت لهم جميع ما حدث
ياسين بغضب :متصلتيش عليا ليه وانا كنت وريته شغله
جلنار :هتعمل ايه اكتر من اللي هي عملته يالهوي عليكي انتِ طلعتي قادره
يزيد :طب ليه مقلتلوش من الاول انك من عيله المنصوري
غنوه :علشان اعرفهم مش كل حاجه ادخل فيها نفوذ عائلتي وان اقدر احلها بقوه تفكيري
يزيد :بجد شابو ليكي
غنوه :مرسي يا جماعه
غنوه :يوسف ساكت ليه يا حبيبي
يوسف :علشان مش هشوفك لمده اسبوعين
ياسين :متفكرنيش
غنوه :متخفوش هكلمكم كل يوم بس بجد نفسي اخرج دي اول مره اخرج بعيد عنكم
ياسين :بس تخلي بالك من نفسك وتكلي كويس
يوسف :ايوه وتلبسي هدوم تقيله وتستغطي بالليل كويس
غنوه :حاضر
جلنار :اشمعن انا مفيش حد بيقول ليا زيها
ياسين :علشان انتِ بتخرجي علي طول بس ده ميمنعش اننا بنخاف عليكي برده ابقوا خلي بلكم من بعض
جلنار وغنوه مع بعض :حاضر يا ماما
ضحك الجميع وقام جري ياسين وراهم في الحديقه
ياسين :خدي هنا منك لها من ده اللي ماما بت يانار
جلنار وقفت بعيد :اسمي جلنار وكملت جري
ياسين : فخوره اووي بتحسسيني انك اينشتاين وانتِ ياست لحن مش هتقولي حاجه
غنوه :طبعا هقول اسمي غنوه لو مش بتعرف تقولها تعال وانا اعلمك باين عليك جاهل
ياسين :اعلمك وجاهل ماشي يازفته مش سايبك النهارده وفضل يجري وراهم
وظل يزيد ويوسف بيضحكوا عليهم
لكن قطع لحظتهم هذه هي دخول الخدامه معلنه طلب المدام فريده لهم
دخل الجميع
سيف :يله يا يزيد
يزيد :حاضر يا بابا
سيف :تصبحوا علي خير مع السلامه يا جماعه
راغب :وانت من اهله واوصلهم لعند الباب
فريده :يله يا بنات اطلعوا ناموا علشان معاد الرحله
البنات :حاضر يا ماما
وصعدت الفتيات للنوم استقبالا ليوم جديد مليئ بالمغامرات
فريده :وانتم يا شباب اطلعوا ناموا علشان هتوصلوا البنات الصبح
الشباب :حاضر يا ماما
وطلعوا ايضا
💚💚💚💚💚💚💚💚💚💚💚💚💚💚
في صباح يوم جديد
صحت غنوه واخذت شور وصلت ولبست وجهزت حاجتها ووضعت التاب الخاص بها والجيتار وذهبت لغرفه ياسين
اما عند جلنار استيقظت واخذت شور ولبست وجهزت حاجتها ونزلت للاسفل
اما يوسف صحي ولبس ونزل ايضا
يوسف :صباح الخير يا جلنار
جلنار :صباح النور
يوسف :غنوه صحت
جلنار:اكيد وتلقيها بتصحي ياسين اموت واعرف بتصحيه ازاي ده انا بموت علي مابعرف
يوسف :وانا كمان نفسي اعرف لاني انا اللي هضطر اني اصحيه لمده اسبوعين
جلنار بضحك :ربنا يكون في عونك
نرجع لغنوه
ذهبت الي ياسين ودقت الباب
غنوه بصوت عالي :ياسين قوم يله ياسين يا حج
ياسين بنوم :ممم طيب يا غنوه
ورجع نام تاني
غنوه امام الباب :انت اللي جبته لنفسك بقي
وطلعت صروخ وولعته ودخلته من تحت الباب عمل صوت فرقعه
ياسين قام من علي السرير بسرعه :بموت زلزال بركان يا لهوي
وبعدين ادرك انها غنوه
ياسين :غنوه ماشي واللهي لوريكي
غنوه بضحك :احسن تستاهل علشان تصحي بسرعه
ياسين :ماشي يا اوزعه
غنوه :انا مش اوزعه انا 160سم انت اللي طويل زياده عن اللزوم
ياسين :بجد
غنوه :ايوه ويله روح البس هنتاخر بسببك
ياسين :ماشي وذهب الي الحمام واخذ شور سريع ولبس ولكن عقده حياته الجرفته مبيعرفش يلبسها بس بيحبها ذهب لحل مشاكله
ذهب الي غرفه غنوه وطرق الباب ولكن الباب اتفتح وغنوه بتخرج شنطتها
غنوه :عايز حاجه
ياسين رفع لها الجرفته فضحكت
غنوه :تعال
ولبستهاله
ياسين :هاتي يله الشنطه انزلها ليكي
غنوه :لا اناهعرف انزلها
ياسين :بلاش هبل يله هاتي واخذ منها الشنطه ونزلم
يوسف بضحك:ياسين باشا صاحي بدري بجد مش مصدق
جلنار :اصل كان عنده زلزال في غرفته
ياسين :اتريقوا اوي
فريده :خلاص كفايه كلام يله علي السفره
وبعد الافطار
راغب :للشباب هتروحوا معاهم توصلهم لحد الباص وانتم يابنات خلي بالكم من بعض وانتِ يا جوجو خلي بالك من غنوه
الجميع :حاضر
ذهبت غنوه وقبلت يد عمها ووالدها
مصطفي :خلي بالك من نفسك يا حبيبتي هتوحشيني
غنوه :حاضر يا بابا
وذهبت الي فريده وقبلت يدها وخدها
غنوه :هتوحشيني يا فيفي انتِ وقوانينك
فريده بدموع :وانتِ اكتر يا قلبي هتوحشيني موت وكلي كويس
غنوه :حاضر يا قلبي بس متبكيش
فريده :اصل دي اول مره تبعدي عني
غنوه :اعد وبلاها رحله
فريده :لا اتفسحي يا قلبي
وذهبت الي اخوها وحضنته
غنوه :هتوحشني يا يوسف اووي
يوسف بحنيه : وانتي اكتر تكلميني كل يوم
غنوه :حاضر
ياسين :خلي بالك من نفسك يا غوغو
غنوه :حاضر مع السلامه يا جماعه
وذهبوا الي السياره
في السياره
يوسف : الباص فين
غنوه : امام الجامعه بس هنجيب ماسه الاول ووصفت له طريق بيتها
وصلوا امام فله ماسه
يوسف :فين صحبتك
غنوه :وتصل عليها تنزل
يوسف :طيب
غنوه تتحدث في الفون :يله انزلي يا ماسه بسرعه احنا امام باب الفله
ماسه :نزله اهو
بعد دقائق وجدوا فتاه جميله تنزل وبجانبها والدها ويحمل شنطتها
وضعت ماسه شنطتها في العربيه وصعدت بجانب غنوه
والد ماسه "وليد ": صباح الخير
الجميع :صباح النور
وليد :خلي بالك من نفسك يا ماسه
ماسه :حاضر يا بابي
غنوه :طب وانا
وليد بضحك :وحشاني يا غنوه اوي
غنوه :انت اكتر واللهي يا دودي  اخبارك ايه
الشباب بصدمه  :دودي
ولكن لايعلم لما تضايق ياسين من ما قلته  غنوه وقد برر انه غار علي اخته
وليد بضحك  : يابت عيب دودي دي بس بقيت كويس لما شوفتك
ماسه :واللهي وكنت عيان بقي لما شوفتي طيب واللهي لقول لماما
وليد : بس بس امشي يا بت من هنا
ماسه :مع السلامه يا بابا
وليد :مع السلامه يا حبيبتي خلي بالك من نفسك يا غوغو
غنوه :حاضر مع السلامه
وتحركت السياره منطلقه الي وجهتها
امام باص الجامعه
ياسين: خلي بالكم يا بنات من نفسكم ولو حصل حاجه تكلموني وانتِ بالذات يا غنوه كل يوم تكلميني
غنوه :حاضر مع السلامه علشان المشرف بينادي اسامينا
ياسين :طيب روحوا
انطلقت الفتيات الي الباص منطلقين نحو المجهول
وذهب الشباب الي اعمالهم
🌷🌷🌷🌷🌷🌷🌷🌷🌷🌷🌷🌷🌷🌷
1-  ياتري هيحصل ايه في الرحله. 
2-يا تري من اللي هيفوز في المناقصه .
الي اللقاء في الفصل القادم .