وصل الجميع الي القصر في وقت واحد
و نزلوا و دخلوا
كانت فريده تجلس في الحديقه و بتقرا كتاب و استغربت لما لقت الشباب جاين و معاهم بنت متعرفاهش
فريده : انتم جاين بدري ليه
ياسين :مفيش نور كانت عايزه تطمن علي غنوه و احنا جبناها علشان متعرفش البيت
فريده :ماشي اذيك يا نور و راحت حضنتها
نور :الحمد لله
فريده ذهبت لماسه و حضنتها وحشتيني اوي يا ماسه عامله ايه
ماسه : انتِ اكتر و الهي يا فري و انا تمام الحمدلله غنوه فين
فريده :غنوه صاحيه و جلنار اعده معاها اطلعوا لها
ياسين : ماشي يله يا جماعه
و طلعوا لكن سمعوا صوت غزف و صوت بنت بتغني
نور : واو العزف روعه و صوت البنت اجمل
ماسه : دي غنوه
و دخلت اول لما شافت غنوه جرت عليها و حضنتها
ماسه بفرحه : وحشتيني اوي يا غنوتي عامله ايه
غنوه بحب : الحمد لله تمام و انتِ وحشاني موت
ماسه لجلناز :ازيك يا جوجو و حضنتها
جلنار :الحمد لله انتِ عامله ايه
ماسه :كويسه الحمد لله صح افتكرت الشباب بره و عايزين يدخلوا البسوا بسرعه الحجاب بتاعكم
و لما لقت البنات خلصوا لبس خرجت للشباب و قلتلهم يدخلوا
ماسه باسف :سوري يا جماعه لما شفت غنوه نسيتكم خالص
ضحك الجميع و تكلم
يوسف: مش مشكله
دخل الجميع و سلموا علي غنوه
ياسين :دي نور اللي حكيت ليك عنها قبل كده لما عرفت باللي حصل صممت تيجي تزورك
غنوه :بجد أزيك يا نور كنت بتمني اننا نتقابل في ظروف احسن من كده
نور :الحمد لله و الف سلامه عليكي و بجد انا فرحت اني تعرفت علي بنوته قمر ذيك
غنوه بخجل :مرسي علي ذوقك
نور :صحيح صوتك وعزفك حلو اوي
غنوه :مرسي و اكملت بعدما تذكرت وجهت كلامها لجلنار
غنوه :جلنار بليز
جلنار : لا
غنوه بعبوس لطيف :جلنار
ماسه : في ايه
غنوه : بصي يا ماسه مش لما بتوعديني بحاجه بتنفزيها و لما انا بوعدك بحاجه بعملها
ماسه : ايوه بتسالي ليه
غنوه :علشان جلنار وعدتني لما اغني ليها و اعزف هتجيب ليا شوكولاته
جلنار : ايوه وعدتك و اديتك واحده قبل متبدائي
غنوه :طب هاتي كمان واحده
جلنار : لا كده كفايه علشان متتعبيش منها
غنوه زعلت و سكتت و ياسين مش قادر يشوفها زعلانه فخرج بسرعه من الغرفه من غير مايكلم حد
جلنار : ماله ده خرج كده ليه
يوسف : تلاقيه بيجيب حاجه او عنده حاجه مهمه بلاش الفضول الكتير اللي عندك ده لتنفجري
جلنار : انا انفجر و اللهي انت عيل غلس و سقعان كمان
ضحك الجميع علي زعلها الطفولي
يزيد : ملكش دعوه بخطيبتي ياعم
يوسف : لسه مابقيتش و ملكش دعوه باختي لفركش وابوظ الخطوبه دي و بلاها حكايه الجواز دي انت ايه رايك بقي
يزيد :براحتك يا ابو نسب اتكلم معاها براحتك كاني مش موجود
ضحك الجميع عليهم
اما ياسين
نزل المطبخ و طلب من الشغاله تجيب له شكولاته
و اخذهم منها و صعد لاعلي و دخل و وصل امام غنوه
ياسين :غنوه
غنوه : نعم يا سينو
ياسين :خذي ادي يا ستي الشوكولاته اللي انتِ بتحبيه
اخذتهم غنوه منه بفرح و ضحكت
غنوه :يعيش يعيش ياسين يعيش بجد انت افضل اخ في الدنيا دي كلها
ضحك الجميع عليها وعلي طفولتها
فرح ياسين لسعادتها و لكن تضايق من كلمه اخي اللي طلعت منها و دي اول مره كان يحس انه مش عايزها تقول كده بس يا تري عايزها تقول له ايه ده اللي هو مش عارفة و بيحاول يعرفه
ظل الجميع يتحدثون في مواضيع شتي و يضحكون و قد احبت الفتيات نور و تبادلوا ارقام الموبايل "الفون "
احست غنوه فجاه بوجع بسبب المجهود اللي هيا عملته
بس مكنتش عايزه تبين و كان ياسين يتابعها بنظراته و لاحظ ذلك يزيد اما يوسف لاحظ هدواء غنوه يوسف بقلق :مالك يا غنوه ساكته ليه
غنوه بتعب خفي : مفيش يا حبيبي انا كويسه
يوسف : بجد
غنوه : يعني هكذب متخفش يا حبيبي
يوسف بعدم راحه : طيب
غنوه حبت تغير الموضوع :مقلتليش يا نور بتحبي الرياضه
نور : ايوه بحب السباحه اوي
جلنار : و انا كمان
نور :بجد دي حاجه حلوه
ماسه : ايوه خلينا لما غنوه تتعافي نروح كلنا النادي و نعمل مسابقه بنكم
نور و جلنار معا: تمام فكره حلوه
و لكن عندما زاد الوجع لم تتحمل غنوه و نادت بصوت ضعيف علي جلنار
غنوه بصوت ضعيف و وجع :جلنار يا جلنار
ذهبت لها سريعا
جلنار :مالك يا روحي
غنوه : تعبانه اوي يا جلنار هاتي الدواء
جلنار :حاضر
يوسف :مالك يا غنوه
غنوه :مفيش تعب بسيط و جلنار راحت تجيب الدواء
ماسه : طب نطلب دكتور علشان نطمن عليكي
غنوه : مش مستاهله بجد انا كويسه
ياسين بعصبية : باين اوي انها مش مستاهله و انتِ بتتلوي من التعب بلاش مكابره و اعترفي انك تعبانه
و انك مش قادره تتحملي الوجع
غنوه بستغراب بسبب عصبيه اللي ملهاش داعي : انا لما اخذ الدواء هرتاح انا تبعت من المجهود اللي عملته وده مش سبب لكل العصبيه دي بس ان شاء الله لما اقوم من اللي انا فيه هشوف انا حكايك ايه
جاءت جلنار و اعطت الدواء لها و بعد فتره نامت غنوه و نزل الجميع و تركوها ترتاح و ذهب كل شخص الي بيته
🌷🌷🌷🌷🌷🌷🌷🌷🌷🌷🌷🌷🌷🌷
في المساء في غرفه ياسين
ظل يفتكر كلام غنوه و اكمل في نفسه "انا ذات نفسي مش عارف مالي و لا ايه حكايتي يا رب اهديني و نور بصيرتي
🌸🌸🌸🌸🌸🌸🌸🌸🌸🌸🌸🌸🌸🌸
مرت الايام و بدات غنوه تسترد صحتها و تتحسن
تاكد يزيد من حبه لماسه و لكن خايف من رده فعلها
ماسه كانت تزور غنوه كل يوم و بتجيب المحاضرات الخاصه بغنوه
نور تقربت بشده من الفتيات و بتنقل اخبار غنوه للشخص المجهول
🌷🌷🌷🌷🌷🌷🌷🌷🌷🌷🌷🌷🌷🌷
في مكتب مصطفي المنصوري
كان يعمل و لكن قطع اندماجه و تركيزه بالعمل
طرق الباب فسمح للطارق بالدخول
مصطفي : في ايه
السكرتيره : في واحد بره عايز حضرتك
مصطفي :عنده معاد سابق
السكرتيره :لا
مصطفي :طب اسمه ايه
السكرتيره : مرديش يقول
مصطفي بستغراب : نعم مرديش طب خلاص دخليه و روحي انتي و اكمل في نفسه اما نشوف مين ده و عايز ايه
السكرتيره : حاضر و خرجت
السكرتيره للشخص :اتفضل مصطفي بيه في انتظارك
الشخص :شكرا و طرق الباب و دخل
الشخص : حبيبي يا صاصا وحشني يا رجل و ربنا
مصطفي بصدمه :انت
الشخص ببسمه سمجه : مفاجاه حلوه صح
مصطفي بعصبيه و صوت عالي :مفاجاه منيله علي دماغك انت ازاي تتجرأ و تجيلي لحد عندي بعد اللي حصل زمان
الشخص بحزن مصطنع : كده يا صاحبي تعاملني كده بعد الزمن و السنين اللي راحت دي كلها مكنش العشم يا صاصا
مصطفي بعصبيه :عشم ايه و زفت ايه انت ايه اللي جابك بعد السنين دي كلها مكفكاش اللي عملته فيا زمان
الشخص: عملت ايه فكرني كده و اخذ يمثل انه يتذكر شيئاً مش فاكر الصراحه صحيح ايه اخبار بنوتك الصغيره كنت سامع انها بتموت بجد زعلت عليها مش كان اسمها غنوه صح
مصطفي :ملكش دعوه ببنتي انا بحزرك بنتي خط احمر و اكمل بصراخ سامعني
للحظه خاف الشخص و لكن تصنع القوه و تحدث بخبث : و ياتري بنوتك هتعمل ايه لما تعرف السر الكبير اللي بابها مخبيه عنها هل هتسامحك و لا هتبعد عنك
مصطفي :
🌷🌷🌷🌷🌷🌷🌷🌷🌷🌷🌷🌷🌷🌷
الفصل انتهي
1- يوسف تاكد من حبه لماسه ياتري هي ردها هيكون ايه
2- ياتري ايه السر اللي غنوه متعرفهوش
3- هل غنوه هتسامح بابها لما تعرفه
🌸🌸🌸🌸🌸🌼🌼🌼🌼🌸🌸🌸🌸🌸
انتظروني في فصل جديد
أنت تقرأ
غنوة حياتي " مكتمله "
Misteri / Thrillerهي قصه فتاه ابهرت عائلتها بجمالها عند ولادتها وعذفت بصوتها الحاني الصغير والطفولي علي قلبوهم الحان تُدرس لذلك اطلقوا عليها غنوه فاصبحت غنوة حياتهم ممنوع نقل أو اقتباس الروايه
