غنوة حياتي " مكتمله "

الفصل 13

هايدي بجنون و كره : ايوه انا كده ارتحتم كل الجامعه شايفنها حلوه و طيبه و بتساعد اي حد و متواضعه حتي المعيدين بيحترموها و علطول يمدحوا فيها كانها السفيره عزيزه و لا ملكه و علطول بتطلع الاولي حتي الشخص اللي حبيته هو بيحبها ليه ليه كل الناس بتحبها و انا لا ده حتي يوم رحله السفاري لما خلوها تغني في الاخر كلهم اتحيلوا عليها حتي هو اتحايل عليها و بعد ماغنت فضل يمدح في صوتها و يبين اعجبه بصوتها و لا لما اتفصلت من الجامعه بسببها و بابي عقابني بسببها انا بكرها و لو سمحت ليا الفرصه هموتها تاني اول مره لما كنت عايزه اوقعها من علي اليخت في الميه علشان تتخبط في اي حاجه و تموت بس جلنار انقذتها و وقعتني مكانها قلت لازم اموتها بعيد عننا علشان مفيش حد يقدر ينقذها
اجرت مجرمين علشان يقتلوها و انا اللي اقنعت الكل انها تروح تجيب الميه لوحدها بحجه انهم تعبانين من اللعب و كلمت المجرمين و قولت لهم يبعدوا الميه شويه و يستخبوا لما تيجي و خلتهم يصوروا ليه لحظت موتها علشان اتاكد و ارتاح و بعدين بعت لهم الفلوس بس اتعصبت اكتر لما لقيته راح مع جلنار و ماسه يبحثوا عليها بس رجعت و قولت لو وجدوها هتكون ماتت خلاص و تكون مصيبه حياتي انتهت و اقدر اتجوز حب عمري بس قدروا ينقذوها وكمان اتبرع لها بدمه لكن انا كل دقيقه ادعي انها تموت وارتاح منها بقي
صدم الشباب من كميه الحقد اللي عندها تجاه غنوه
ياسين بصدمه :انتِ مش انسانه انتِ شيطانه انتِ الكره و الحقد عمي عنيكي لو كنتِ بتفكري كنتِ عرفتي ان غنوه مش بتكلم شباب ولا بتكلم اللي انتِ بتحبيه و انها لما بتجيب الاولي كانت بتذاكر وتجتهد علشان تكون الاولي و لما اترفدتي من الجامعه ده كان بسببك انتِ علشان عملتي تمثليه انهم ضربوكي و لما غنوه كشفتك اترفدتي مكانها يعني دي كانت غلطتك انتِ
هايدي بصراخ وبكاء: لا هي السبب ليه كل الناس بتحبها ليه
يوسف بقوه : علشان هي طيبه و بتسامح مش بتحقد علي حد و بتساعد الجميع و بتحس بوجع الناس و بتحاول تخفف عنهم مش انانيه
ياسين : انا عمري مامديت ايدي علي وحده ولا هعمله بس هتتعاقبي علي محاولتك لقتل غنوه
يزيد :نادي يا مالك البنت اللي بره
دخلت بنت قويه
ياسين : ظبطيها
البنت بمكر :من عنيا وذهبت الي هايدي
هايدي بخوف: هتعملي ايه ابعدي عني لو بابي عرف هيواديكم في دهيه
البنت :بجد طب تعالي بقي
وشدتها من شعرها وضربتها في البوكس في وشها وبطنها وفضلت تضرب فيها حتي فقدت الوعي كان الجميع يسمع صوب بكائها وصريخها
ياسين : كفايه كده
يزيد : شكرا تعباكي معانا
الفتاه : لا عادي مش مشكله بعد اذنكم و خرجت
الجميع : اتفضلي
ياسين : احنا هنمشي الوقتي مش هوصيك علي البنت ترميها في الحجز
مالك : حاضر و ان شاء الله لما غنوه تقوم هاجي أشوفها
يوسف: تنور في اي وقت مع السلامه
و خرجوا الشباب متجهين الي المستشفى
🌸🌸🌸🌸🌸🌸🌸🌸🌸🌸🌸🌸🌸🌸
في المستشفي
كان الفتيات جاءوا من المسجد
مصطفي لمعتز : روح ارتاح يا بني
معتز : همشي بس لما اطمن علي الانسه غنوه
مصطفي : هي مش هتصحي الا الصبح فروح ارتاح
اقتنع معتز : طيب و ان شاء الله بكره من الفجر هكون موجود
مصطفي : تمام
ذهب معتز متجها الي الفندق حتي يرتاح قليلا و علم بما حدث لهايدي و لكن لم يشغل باله و ذهب الي الحمام و اخذ شور و نام استعداد للذهاب في الغد الي غنوه
وصل الشباب
راغب : عملتوا ايه
ياسين : اخدنا حقها
جلنار : مين السبب
يوسف : هايدي
ماسه باستغراب : هايدي مين
يوسف : زميله غنوه
ماسه بستغراب : طب وتعمل كده ليه
ياسين :علشان هي إنسانه حقوده و انانيه و عايزه كل حاجه لواحدها
مصطفي : طب عملتوا فيها ايه
ياسين : مش مهم الوقتي انا قلت لهم يجهزوا غرفتين علشان تناموا فيها
راغب : مفيش داعي يابني احنا مش هنام
يوسف : لا لازم تناموا
ياسين : ارتاحوا شويه ياعمي اصلا غنوه مش هتصحي الا بكره الصبح
يزيد بهزار : ولا عايزين تفضلوا صاحين ويظهر تحت عيونكم حاجات سوده ويبقي شكلكم وحش والصبح لما غنوه تفوق وتشوفكم تتخض من شكلكم وتخاف
جلنار بغضب : نعم احنا شكلنا وحش طب مفيش خطوبه روح شوفلك واحده حلوه
يزيد بسرعه ولهفه : لا طبعا يا حبيبتي انا بتكلم عليهم هما مش انتِ
يوسف بسخريه : ياعيني علي الرجاله حمش ياض
يزيد : ياعم اتلهي لما تتورط زي كده هتعرف وتحس بيا
جلنار بغضب خفيف : انا ورطه ماشي اغلط كتير واعرف انا بعدي بمزاجي
يزيد : احلي ورطه
ياسين ضربه علي دماغه
ياسين : احترم نفسك يازفت راعي ان اخوها وابوها وعمها موجدين
يزيد بوجع : ياعم ايديك تقيله واكمل يعني اعكسها من وراكم
ياسين قرب منه يزيد بعد عنه
يزيد : اهدي يا وحش بهزر
ياسين : يله ياجماعه الغرف موجوده روحوا ارتاحوا
الجميع :ماشي
ياسين : روحي يا ماما انتِ و البنات اول غرفه علشان فيها 3 سراير لكل واحده سرير و اقفلوا عليكم كويس
فريده :ماشي يا بني يله يا بنات
و ذهبت هي و جلنار و ماسه الي الغرفه و اغلقت جلنار الباب و صعدت كل واحده علي سرير و ناموا سريعا من التعب
ياسين : يله يا بابا روح انت و عمي ناموا و ارتاحوا شويه
راغب : ماشي يله يا مصطفي
و ذهب هو و اخوه و دخلوا الغرفه التانيه و ناموا سريعا ايضا من التعب النفسي
ياسين : روحوا ناموا يا شباب
يوسف : لا انا مش عايز انام
يزيد :وانا كمان
ياسين : انتم حُرين و ذهب جلس علي كرسي امام غرفه العنايه و جلس بجانبه الشباب
🌷🌷🌷🌷🌷🌷🌷🌷🌷🌷🌷🌷🌷🌷
في صباح يوم جديد
كان ياسين نايم علي الكرسي و يوسف نايم بجواره و رأسه علي كتف يا ياسين و يزيد نايم بجانب يوسف و يضع رأسه علي رجل يوسف كان منظرهم مضحك
صحي ياسين فزعا بسبب صوت الممرضين اللي بيجروا علي غرفه غنوه و وقف سريعا فوقع يوسف علي الكرسي اما يزيد فوقع علي الارض
يوسف : في ايه يا ياسين حرام عليك في حد يصحي حد كده
يزيد :اه ياني حرام عليكم ضهري اتكسر في ايه
ياسين بغضب : ينفع تخرسوا بقي
و اوقف ممرضه
ياسين للممرضه : في ايه وانتوا بتجروا ليه كده
الممرضه : اصل المريضه االي في العنايه بتصحي
يوسف بفرح : بجد
الممرضه :ايوه بعد اذنك
في غرفه الفتيات
استيقظت جلنار من فتره قصيره و ايقظت ماسه و مامتها و دخلت الحمام الملحق بالغرفه و غسلت وشها وكذلك فعل الباقي و بعدها سمعت صوت الممرضين وخرجت جري هي والباقي
جلنار : في ايه الممرضين بيجروا ليه
يوسف بفرحه : الممرضه قالت ان غنوه بتفوق
فريده بفرح :الحمد لله
سجد مصطفي ل لله وشكره علي انقاذ ابنته
بعد فتره من الانتظار
خرج الطبيب
جري الجميع عليه
مصطفي بلهفه : بنتي عامله ايه طمني
الدكتور :
🌷🌷🌷🌷🌷🌷🌷🌷🌷🌷🌷🌷🌷🌷
انتهي الفصل
1- يا تري ياسين اكتفي بضرب هايدي وحبسها فقط
2- ياتري غنوه هتوافق علي عقاب هايدي
3- يا تري الدكتور هيقول ايه
4- هل غنوه هتقدر ترجع لحياتها القديمه ولا الحادث هيترك لها اثر سيئ في نفسها
💚💚💚💚💚💚💚💚💚💚💚💚💚💚
انتظروني في فصل جديد 💚🥀