غنوة حياتي " مكتمله "

الفصل 27

مر اسبوع سريعا و قد تحسنت فيه نفسيه فرح كثيرا و ذلك بسبب  اهتمام غنوه بها كانت بجانبها دائما و لا تتركها الا للضروره عندما تذهب للجامعه و كانت تجلس معها فريده حتي عوده غنوه
في هذا الاسبوع تقرب منها الجميع و احبوها و كانها فرد من العائله و هي ايضا احبتهم  واحست معهم بالسعاده لاول مره  و ذهبت غنوه الي المول و اشترت ملابس كتير لفرح و العاب و احذيه و كل شي تحتاجه
كانت غنوه تشعر ان ياسين متغير بسبب تصرفاته لانه لم يعد يتحدث معها مثل العاده و لو تحدث معها يتحدث عن موضوع خطوبتها
اخذ ياسين عينه من العصير و حلله و اتضح انه يحتوي علي سم و استجوب جميع من كانوا بالمطبخ و لكن لم يعرف من وضع السم و ابتعد عن غنوه و لم يعد يتحدث معها مثل العاده بسبب تفكيره والصراع الناشئ بين قلبه و عقله
🍁🍁🍁🍁🍁🍁🍁🍁🍁🍁🍁🍁🍁🍁
في قصر المنصوري
علي مائده الافطار
كان يجلس الجميع
راغب  لفريده : معتز و اهله جاين النهارده اجهزوا
فريده : حاضر
ترك ياسين طعامه  واخذ مفاتيح سيارته وشنطته وخرج و ركب سيارته بسرعه و انطلق نحو الشركه
نظر الجميع نحوه بستغراب معادا  يزيد الذي نظر نحو مكانه الفارغ بحزن
راغب : غنوه الدكتور حدد معاد لعمليه فرح
غنوه : ايوه بكره
راغب : تمام كلنا هنكون موجدين معاها
غنوه : ان شاء الله
انهي راغب طعامه وكذلك مصطفي وخرجوا متجهين الي الشركه
وكذلك فعل الباقي خرج يزيد ويوسف متجهين الي الشركه
فريده : غنوه خلصي محاضراتك وعدي علي جلنار ورحوا اشتروا فساتين جديده
غنوه : ملوش داعي هلبس اي طقم  من اللي عندي
فريده : لا اشتروا جديد
غنوه : تمام
صعدت غنوه الي غرفتها وذهبت الي فرح وايقظتها و قامت بتحممها و البستها ملابس جميله و اكلتها
غنوه : انا هروح الجامعه  و هرجع بسرعه  و مش هتاخر ماشي يا فرحتي و متخفيش فيفي هتيجي تجلس معاكي لحد ما اجي ماشي
هزت فرح رأسها ابتسمت غنوه  عليها و نزلت و ذهبت الي الجامعه اما جلنار ذهبت الي المستشفي  حتي تنهي عملها سريعا و تذهب مع غنوه
🍁🍁🍁🍁🍁🍁🍁🍁🍁🍁🍁🍁🍁🍁
انتهت غنوه من المحاضرات و كذلك انتهت ماسه ايضا و ذهبوا معا الي جلنار بعد فتره وصلوا و دخلوا  مكتب جلنار
غنوه :خلصتي
ماسه :اذيك يا جوجو
جلنار : ازيك يا ماستي و ايوه خلصت
غنوه :طيب يله come on
جلنار :هيا بنا
ماسه :نحن وراءك يا زعيم
و ضحكوا و ذهبوا الي مول كبير و دخلوا
اختارت غنوه فستان جميل جدا بالون البنفسجي اما جلنار و ماسه صمموا يجيبوا نفس الفستان بنفس اللون و اقروا و اتفقوا علي فستان جميل لونه كشمير
و عندما انتهوا  خرجوا وركبوا السياره
غنوه : بما اننا خلصنا بدري تعالوا نروح الشركه
الفتيات :موافقين
وانطلقوا الي الشركه
جلنار كانت عايزه تشوف يزيد لانه وحشها وكذلك ماسه اما غنوه كانت عايزه تطمن علي ياسين لانه حساه مش مظبوط 
بعد فتره وصلوا الشركه وذهبت الي واحده للي شاغل بالها وتفكيرها
ذهبت غنوه الي مكتب ياسين وطرقت الباب
ياسين بغضب : مش عايز اشوف حد
دخلت غنوه
غنوه : ولا حتي انا يا سينو
ياسين بستغراب : غنوه بتعملي ايه هنا
غنوه :كنا انا والبنات بره فقولنا نيجي نشوفكم ولا انا مش مرحب بيا في مكتبك
ياسين : مش قصدي بس استغربت انك هنا بس تشربي ايه
غنوه : مش عايزه سينو مالك حساك بقالك فتره متغير
ياسين بتوتر :مفيش حاجه ده من ضغط الشغل بس
غنوه :مش حسه كده مالك قولي مش انت بتعتبرني اختك وبئر اسرارك قولي بقي مالك
ياسين : مافيش يا غنوه انتِ مكبره الموضوع
غنوه : بس
قطع حديثه دخول يزيد ويوسف وجلنار وماسه
يوسف : الشركه نورت بوجودكم واللهي لما عرفت انكم هنا مصدقتش بما اننا متجمعين وانا خلصت شغلي وكذلك يزيد تعالوا نتغدي بره
ياسين : روحوا انتم انا مشغول
غنوه : لا تعالي معانا علشان خاطري يا سينو.
جلنار : يله بقي يا ياسين علشان خاطرنا
ياسين  باستسلام : طيب ماشي يله اتفضلوا امامي
خرجت الفتيات ووراءهم الشباب و قد حمد ياسين الله علي دخول الشباب وانقاذه من الرد علي سوال غنوه الذي لا يوجد له اجابه
وذهبوا الي مطعم و طلبوا الاكل و بعد القليل من الوقت جاء الجرسون وهو يحمل الطعام و وقدمه لهم وذهب بدا الجميع في تناول طعامه في جو من الضحك و الهزار و بعد انتهاءهم دفع ياسين الحساب وخرجوا و اتجهوا الي القصر  للتجيهز لمقابله معتز
🍁🍁🍁🍁🍁🍁🍁🍁🍁🍁🍁🍁🍁🍁
في المساء كانت غنوه تتجهز ولبست الفستان اللي اشترته  ولم تضع اي مساحيق تجميل  فكانت جميله جدا كانت تبدو كالملكه وجدت ماسه وجلنار يدخلوا بعد انتهائهم من تجهيز انفسهم
جلنار : واو جميله جدا يا عمري
ماسه بدرامه : تبدو فاتنه يا فتاه
ضحكت غنوه عليها
غنوه : مرسي يا بنات علي المدح ده وانتم طالعين حلوين برده
جلنار : مدح ايه يا ام مدح ايه معندكيش مرايه ولا ايه
قطع حديثهم دخول فريده
فريده وهي تحتضن غنوه بحب : بدر منور يا حبيبتي مبروك
غنوه : لسه بدري علي مبروك دي ميمكن منتفقش
فريده في نفسها : يا رب يا ختي يسمع من بقك ربنا
فريده لماسه وجلنار : يله احنا يا بنات علشان الناس قربت توصل
جلنار : ماشي
ونزلت فريده ومعها الفتاتان
في الاسفل
كان الجميع موجود وكان ياسين يجلس بضيق مش عاجبه اللي بيحصل
ياسين بضيق و فتور  :  هو البيه اتاخر ليه شغالين عنده احنا علشان ننتظر حضرته
راغب بمكر : عادي يا ياسين الغايب حجته معاه و بعدين اهدي ده هيكون جوز اخته
سكت ياسين بضيق شديد واكمل في نفسه : يا رب  ما يجي ولا يعمل حادثه واخلص منه قال جوز اختي قال ان شاء الله يولع
قطع حديثه مع نفسه جرس الباب ذهبت الخادمه بسرعه  وفتحت الباب دخل معتز ويحمل معه علبه كبيره وبجانبه والده والدته واخوه ذهب مصطفي وراغب واستقبالهم وجلسوا في غرفه الصالون
راغب : اتفضلوا اجلسوا
جلس والد والده معتز وابنهم وجلس بجانبه معتز بعدما قدم العلبه لمصطفي
مصطفي : مكنش في لزوم واللهي
معتز  ببتسامه : ازاي يا عمي دي حاجه بسيطه
تكلم ياسين الجالس امامه وبجانبه يزيد و يوسف
بصوت خافت سمعه يوسف و يزيد : بيحسسني  انه جايب تاج محل او برج ايفل ده حيله علبه شكولاته وتلقيها مش الاصليه كمان
كتم يوسف و يزيد ضحكتهم بصعوبه علي كلام ياسين
راغب : نورت البيت
والد معتز : ده نورك
دخلت فريده ومعها ماسه وجلنار ووراءهم الخادمه تقدم العصائر
فريده : السلام عليكم نورتونا وسلمت علي والده معتز
الجميع : وعليكم السلام
والد معتز : ده نورك مساء الله هي دي العروسه كان يقصد جلنار جميله اوي ماشاء الله
معتز بصوت هامس : مش دي
راغب : حضرتك غلطان دي بنتي جلنار
والد معتز  بحرج : اسف كنت فاكرها العروسه واكمل بابتسامه هبله : يبقي اللي جنبها دي العروسه ماشاء الله قمر
ياسين بضحك ليوسف : الحق هيخطبوا لخطبتك
يوسف : علي جثتي ده انا اقتله فيها
مصطفي : لا مش دي
والد معتز  بحرج : اه مكنتش اعرف طب هي فين الانسه سماء
صدم الجميع من كلامه
معتز بحرج : قصده الانسه غنوه
والد معتز  بابتسامه هبله : ايوه معلش بنسي الاسماء بسرعه
راغب بدهشه : مش مشكله جلنار حبيبتي اطلعي نادي غنوه
جلنار : حاضر يا بابا
وصعدت الي اعلي وهي تضحك علي  ما حصل تحت
جلناربضحك : يله يا غوغو
غنوه بتوتر وكسوف : انا محروجه
جلنار بحنو : متخفيش انا معاكي
غنوه: طيب بس كنتِ بتضحكي علي ايه
جلنار : هتعرفي تحت يله
غنوه بعدم فهم : طيب
نزلت غنوه مع جلنار للاسفل ودخلت بهدوء وخجل يليق بها عندما دخلت صدم الجميع  بسبب جمالها ولم يستطع احد ان يزيل عنيه من عليها واحس ياسين بالغيره لرؤيه معتز واخوه وابوهم لها بشكلها الفاتن والمهلك هذا
والد معتز : ماشاء الله تبارك الله قمر ملاك نازل من السماء
غنوه بكسوف شديد : مرسي لحضرتك
والد معتز : انا يشرفني ويسعدني ان اطلب ايد الانسه شهد لابني معتز
خبط معتز جبهته ونظر لوالده بصدمه ونظرت له غنوه بستغراب اما الباقي نظروا له بياس وخيبه امل

🍁🍁🍁🍁🍁🍁🍁🍁🍁🍁🍁🍁🍁🍁
1- رد فعل الجميع ايه علي ما قاله والد معتز
2- عمليه فرح هتمر بسلام
3- يا تري رد فعل خالد ايه لما يعرف ان فرح عند مصطفي .