سنغدو رفاتاً ويبقى الأثر...💔

تمعن ..💔

دا نعش الفنانة رجاء الجداوى .. ركز ف الصندق دا كويس اوى .. وحط نفسك مكانها .. هى دى حقيقة الدنيا ونهايتها الأكيدة .. بعد الشهرة والمال والنجومية والجوايز واللقاءات وسنوات طويلة من الحياة المنعمة هى دى النهاية .. بعد حياة صعبة وفقر ومرض هى دى برضة النهاية .. بعد معاصى وذنوب وخطايا وظلم وطغيان هى دى النهاية .. بعد طاعة وقرب من ربنا وتوبة مستمرة وتقرب إلى الله هى دى برضة النهاية .. " كُلُّ نَفۡسࣲ ذَاۤىِٕقَةُ ٱلۡمَوۡتِۗ وَإِنَّمَا تُوَفَّوۡنَ أُجُورَكُمۡ یَوۡمَ ٱلۡقِیَـٰمَةِۖ فَمَن زُحۡزِحَ عَنِ ٱلنَّارِ وَأُدۡخِلَ ٱلۡجَنَّةَ فَقَدۡ فَازَۗ وَمَا ٱلۡحَیَوٰةُ ٱلدُّنۡیَاۤ إِلَّا مَتَـٰعُ ٱلۡغُرُورِ"

🔸 #الشيخ_الشعراوى - رحمه الله - بيقول:
طول منت عايش يقولوا فلان راح .. فلان جه
يوم ما تموت .. يقولوا الجثة فين؟
بعد ما تتغسل .. يقولوا النعش فين؟
بعد ما تتدفن .. يقولوا القبر فين؟
بمجرد ما تموت .. اسمك حيتنسى

🔹 عشان كده ديما تخلى الآخرة أدام عينك وتراجع نفسك وتحاسبها أول بأول وخليك ديما فاكر .. تلاتة حيصحبوك يوم موتك .. اتنين حيسيبوك وواحد حيكمل معاك:
1 - فلوسك .. حتسيبك على باب البيت .. ولن يبقى لك منها إلا ما أنفقته مخلصا فى سبيل الله
2 -  أهلك وصحابك .. حيسيبوك على باب القبر .. ومحدش منهم حيقدر يتحمل وجود جثتك ف شقته يوم واحد حتى .. وبعد أسبوع ( لو بيحبوك اوى ) حيبدأوا الكلام ف توزيع ورثك ويتخانقوا .. وهما حيتنعموا بالفلوس وانت تتحاسب عليها
3 - عملك .. هو دا بقى الوحيد اللى هيبقالك .. فاستكثر من الخير .. شوف ربك بيوصفلك مشهد يوم الموت ازاى؟
" حَتَّىٰۤ إِذَا جَاۤءَ أَحَدَهُمُ ٱلۡمَوۡتُ قَالَ رَبِّ ٱرۡجِعُونِ "
- عشان أبوه واحشه؟ .. لأ
- طب عشان فلوس فاتته؟ .. لأ
- طب عشان البزنس؟ .. لأ
- يمكن عشان السلطة وكرسى الحكم؟ .. لأ
- ولا حتى عشان يشوف ابنه ومراته؟ .. برضة لأ
- اومال عشان ايه؟ .. " لَعَلِّیۤ أَعۡمَلُ صَـٰلِحࣰا فِیمَا تَرَكۡتُۚ " .. عاوز يرجع بس عشان يعمل الخير  ويتوب ويرجع لربنا قبل فوات الأوان ..
- طب وحيرجع؟ .. فى فرصة تانية؟ .. " كَلَّاۤۚ إِنَّهَا كَلِمَةٌ هُوَ قَاۤىِٕلُهَاۖ وَمِن وَرَاۤىِٕهِم بَرۡزَخٌ إِلَىٰ یَوۡمِ یُبۡعَثُونَ " .. هى فرصة واحدة بس وخدتها كاملة وربنا قالك " وما الحياة الدنيا إلا متاع الغرور " .. فاحذر لنفسك وراجعها وحاسبها وقف عليها

🚩 ولدتك أمك يبن آدم باكيا .. والناس حولك يضحكون سرورا
فاعمل ليوم تكون فيه إذا بكوا .. فى يوم موتك ضاحكا مسرورا

🚩 وانظر إلى من حوى الدنيا بأجمعها .. هل راح منها بغير الحنط والكفن
خذ القناعة من دنياك وارضَ بها .. لو لم يكن لك إلا راحة البدن
يا نفس كفي عن العصيان .. واكتسبي فعلا جميلا لعل الله يرحمني
يانفسُ ويحكِ توبي واعملي حسنا .. عسى تُجازين بعد الموت بالحسنِ

#اللهم_اغفر_لنا_ذنوبنا_وكفّر_عنا_سيئاتنا_وتوفنا_مع_الأبرار
#اللهم_ليس_لنا_إلا_عفوك_فاعف_عنا_يا_عفو💗
منقوول ..#
ادعوولي ❤