-تقول إحداهن: ذهبت أنا وصاحبتي مسجد الكلية عشان نصلي الظهر، وكُنا مستعجلين، يعنى مسافة ما نخلص صلاة عشان نلحق نروح السكشن؛ لأن الدكتورة مش بترضى تدخل أي حد بعدها..
-لما خلصنا، فى بنتين دخلو عشان يصلوا كمان، بس كانت فيهم بنت لابسة بنطلون وبتدور على إسدال تلبسة عشان تصلي، وللأسف كان مفيش.
-البنتين كانو هيمشوا من غير مايصلوا وهيدوروا ف مسجد كلية علوم يمكن يلاقوا إسدال..
-قبل ما يخرجوا: ناديت على البنت وقلعت خِمارى عشان تلبسه، وصاحبتي أعطتهم الجيبة بتاعتها -بتلبسها تحت جلبابها حتى لا يصف بسبب الهوا-..
-البنت اعترضت وقالت: أنتِ هتقلعى النقاب عشان تقدرى تعطينى الخِمار، هتتبهدلي يابنتى أنا هتصرف!!
-البنت: خلاص احنا هنروح مسجد كلية علوم يمكن نلاقى إسدال
-رديت وقلت ليها: افرضي ماكنش فى هتعملى إيه، الساعة 2 فاضل عليها دقائق، صلي عشان تلحقي المحاضرة واحنا كمان نلحق السكش يا حبيبتي، ثم إن مافيش بهدله ولا حاجة، هلفه تانى مش كيمياء يعنى.
-البنت أخدتهم وكانت مكسوفة والاستغراب باين على ملامح وجهها!!
- لما بصيت عليها خمنت إنها مستغربة مننا، ازاى بنتين متعرفهمش أعطوها حاجتهم تلبسها عشان تصلي بيها؟!
-خلصت البنت وصحبتها صلاة وأعطونا حاجتنا وشكرونا ومشيوا، واحنا كمان مشينا ولحقنا السكشن، مع إن متأخرين 10 دقايق بس الحمد لله الدكتورة ماكنتش دخلت لسه!!
ــــــــــــــــــــــــــــــــــــــــــــ
-بعدها بكام يوم كنت مخلصة محاضرات ومروحة وحدي عشان صحابى ما حضروش اليوم دا..
-وأنا وماشية لقيت حد بينادي عليا!!
-بصيت ورايا لقيت بنوتة زى القمر لابسة فستان شيك وواسع وعليه خِمار ساتر، عجبني شكلها جدًا وقلت ف سري "ماشاء الله، ربنا يثبتك ويحفظك"
-البنت قربت عليا وقالت: ازيك عاملة إيه
-رديت وقلتلها بخير ي جميلة
" كنت مستغربة؛ لان ملامحها مكنتش مجمعة معايا خالص"
-البنت قالتلي شكلك مش فكرانى، بس أنا هفكرك:
"أنا بقا البنت اللى شفتيها من كام يوم ف المسجد، وأعطتيها خِمارك، وصحبتك أعطتني الجيبة بتاعتها عشان أقدر أصلي"
-تقريبا من الصدمة والفرحة فضلت دقيقة متنحة ومفيش أي رد فعل منى خالص.
-بعد ما فوقت من الصدمة، حضنتها وفضلت أردد: "اللهم بارك، اللهم بارك" فرحتي بيها متتوصفش والله، شكلها اتغير تمامًا، زادت حشمة وجمال، كانت تخطف القلب!
-البنت: عايزة اتكلم معاكِ شوية، ممكن؟
-قلتلها اكيد طبعًا، رحنا ف استراحة الكلية عشان نعرف نتكلم
-بعد ما قعدنا البنت قالتلي: أكيد مستغربة من شكلي الجديد، صح؟
-قلتلها: صراحة مستغربة جدًا جدًا يعني
-البنت: هقولك ي ستي:
بعد ما صليت وخرجت من المسجد كنت عايزة أبكي، مش عارفة ليه بس كنت عايزة أبكي بأي طريقة، حاسة بخنقة ومش طايقة نفسي، حتى المحاضرة محضرتهاش وقلت لصاحبتي إني هروح وأنتِ احضري..
