خليني بس اقولك...
"أن اللي مش بيصلي وبيقطع في الصلاه دلوقت مش هيصلي ولا ينتظم علي الصلاه بعد الجواز
"وان اللي بيسمع اغاني دلوقت مش هيبطلها بعد الجواز
"وان اللي مش بيغض بصره دلوقت مش هيغض بصره بعد الجواز
"وان اللي بيكلم بنات وقرايبه البنات وشايفهم اخواته وزمايل دلوقت مش هيتغير بعد الجواز
"وان اللي مش عجبه(نقابك_خمارك_لبسك الواسع) مش هيشجعك عليه ولا يحبو بعد الجواز
"وان اللي شايفك متشدده في الدين وبيحاول يوقعك ويقولك بلاش تشدد في كل حاجه مش هيتعدل بعد الجواز ويلتزم
"بمعني...
"متجيش انتي وتفردى عضلاتك اوووى وتقولي انا ياجماعه اللي هغيره وهخليه يلتزم بعد الجواز!!
كانت غيرك عرفت..😏
"هو الكام شهر بتوع الخطوبه هتلاقيه متغير وبيحاول يبين قدامك الالتزام ومن وراكي..
يااما بيسمع الاغاني اللي قالك هبطلها
يااما بيقطع في الصلاه من وراكي وممكن ميكونش بيصلي اصلا
قران وصوم اللي قالك هبدأ اعملهم والتزم مفييييش
"وانتي اسم الله عليكي فاكره أنه بدأ يلتزم خلاص"
تيجي بعد الجواز الصدمه بقا هوب حصل ايه كله بيبدأ يروح مع الوقت وتندمي طول عمرك علي الجوازه المهببه دى"
"لحد دلوقت نفسي افهم النوعيه اللي من البنات دى بتفكر ازاى وماشيه علي انهي مبدأ!!
"يعني واحده تقول ده منصب واحترام وسمعه وأهل وهيعيشني ملكه ومرتاحه و..و..و..و..و.
"طب والدين؟!
لا اصل انا هغيره بعد الجواز
"واحده ياستي اعرفها كانت مختمره وملتزمه ونفسها تلبس النقاب اتجوزت واحد مش ملتزم بعد الجواز لقيتها بتقولي اميره انا جوزى خلعني الخمار وبقيت بشعرى عشان عايز يتباه بيا قدام الناس"
"واحده منتقبه اتجوزت واحد مش ملتزم وهي كانت بتحفظ كتاب الله وقربت تختمه بعد الجواز نسيت كل اللي حفظته من القرآن بسبب أن زوجها مكنش بيساعدها في دينها اصلا"
"واحده كان بيحكي عنها الشيخ محمد الغليظ انها خلعت النقاب بتاعها بعد الجواز ولما قالها ليه متجوزتيش واحد ملتزم قالتله متطلبات الحياه"
"واحده مختمره كانت بتحكي انها اتكتب كتابها علي واحد لكن مش ملتزم ولما كانت تخرج معاه كان يقولها البسي لبس حلو ومظبوط عليكي عشان هنقعد مع صحابي واكتشفت أنه بيسهر مع صحابه البنات والولاد كل شويه وكان عايزها فرفوشه زيه وتخربها زي ما هو بيعمل واتطلقت منه في النهايه لان شافته مش ده الراجل الملتزم اللي ينفع تعيش معاه وتتجوز منه"
أنت تقرأ
سنغدو رفاتاً ويبقى الأثر...💔
Tiểu Thuyết Chungسأقبل يا خالقي من جديد كما انت مني الهي تريد ...💗
