_طريقة الإغتسال من الحيض والجنابة🌸_
"المعلومات من ابن باز رحمه الله"
صلي على النبي يا غالية✨
أولا خليكِ عارفة ان طريقة الإغتسال من الحيض هي نفسها بالظبط طريقة الإغتسال من الجنابة.."الفرق بينهم بس النية"
يعني مثلا لو عليكِ البريود فهتنوي انك داخلة تغتسلي من البريود..ولو متزوجة فهتنوي انك داخلة تغتسلي من الجنابة
"وعلى فكرة هي برضو نفس الطريقة اللي زوجك هيغتسل بِها"
وعلشان اللي ميعرفوش يعني ايه جنابة.."الجنابة دي اللي هم متزوجين يعني وكدة..
لكن انتِ لو لسة بنوتة هتغتسلي بس من الحيض"
ثانيا لازم تتأكدي كويس ان البريود خلصت من عليكِ ومتغتسليش كدة من نفسك..لازم تشوفي الأول علامة الطهر وهي علامة من العلامتين
"يا اما هتظهرلك القُصة البيضاء..وهي عبارة عن افرازات بيضاء بتخرج منك بعد اما البريود تخلص"
"يا اما هيحصل لك جفاف تام "ودا هتعرفيه انك تمسحي منطقة الفَرچ بالقطنة أو بقماشة لونها أبيض علشان بس تعرفي تشوفي اللون كويس"ومن غير احراج خالص الفَرْچ دا اللي هو الجهاز التناسلي للمرأة..ولازم تتعلمي اسمه علشان لما حد يذكر الاسم دا تبقي فاهمة هو بيتكلم عن ايه"..
المهم بعد ما تمسحي الفَرچ لو طلعت القطنة دي بيضاء تماما فانتي خلاص كدة هتغتسلي بقى..
ولو طلع عليها لون بُني أو اسود وهكذا..فاستني شوية لحد اما يحصل لك جفاف والقطنة تبقى بيضاء خالص
"يعني من الآخر طالما دم الافرازات مُتصل بدم البريود يبقى مينفعش تغتسلي"
"وخدي بالك انك متعمليش كدة بعد اما تدخلي الحمام "أعذكم الله"..لان طبيعي ان مش هيطلع حاجة فى القطنة ساعتها علشان انتِ غسلتي منطقة الفَرچ أصلا..فامسحي المنطقة دي فى أي وقت غير كدة"
يلا بقى نبدأ فى طريقة الاغتسال✨
الطريقة اللي هشرحها دي مش فرض ولكنها سُنة عن الرسول صلى الله عليه وسلم والأفضل طبعا انك تغتسلي بِها..لكن مجرد انك نويتي تغتسلي من الحيض وغسلتي جسمك وشعرك وكل حاجة كدة بالمياه فانتي كدة بإذن الله اغتسلتي من الحيض خلاص وتصلي وتصومي عادي بقى"
_طريقة الإغتسال🌸_
أولا هتنوي انك هتتخلصي من الحدث الأكبر..أو هتغتسلي من الحيض..
ولو متزوجة وكنتي على جنابة هتنوي عادي انك تغتسلي من الجنابة
"وخليكم فاكرين ان النية بالقلب مش باللسان"
1_هتبدأي بغسل منطقة الفَرْچ كويس جدًا لحد اما تتأكدي ان مفيش أي بقايا دم.."وعودي نفسك تغسلي المنطقة دي بايدك الشمال أحسن..وهي سُنة عن سيدنا محمد صلى الله عليه وسلم انه كان بيستعمل ايده الشمال فى غسل المناطق دي"
أنت تقرأ
سنغدو رفاتاً ويبقى الأثر...💔
Tiểu Thuyết Chungسأقبل يا خالقي من جديد كما انت مني الهي تريد ...💗
