سنغدو رفاتاً ويبقى الأثر...💔

على دين خليله😻

بيقولك مرة واحد أخويا .. أخويا ولا !!

النهاردة وانا رايح اصلي .. شوفت واحد بيجر اخوة على كرسي بعجل ولما قربنا من باب المسجد

شاله بحضن بسيط كدة، لحد م دخل بيه في الصفوف الأولي وحطه عل كرسي بلاستيك عشان يقدر يصلي

المنظر كان فيه روحه طيبة تخليك بجد تحمد ربنا على اللى انت فيه وان ليك رجلين تقدر تمشي بيهم وأنعم الله عليك بحاجه زي دي

بس مش دة المهم ف اللى بحكيه، المهم بعد الصلاة شوفتة وهو بينقل من ع الكرسي البلاستيك، للكرسي بعجل برة المسجد عشان يجرة للبيت

'' ولبسه الكوتشي ، وربطه كمان وكان حاجه زي الفل وضحكهم وهزارهم كان جميل جدا ''

فدخلت سوبر ماركت وانا مروح فؤجت إنهم جوا بيشتروا حاجه .. ولما مشيوا بقول لصاحب السوبر ماركت

- والله ياخي بتخيل إن الأخ القعيد على الكرسي بعجل دة معندوش اخ! كان زمانة
بيصلي أو بيتفسح إزاي
= مهو فعلا معندوش اخ ههههه

- اومال مين البيجرة دة؟!!!

= يااااة ، دة اكتر من أخ ، دة صديق عمرة من الجامعه يعرفه من الجامعه يعني من قريب أصله ساكن في الشارع اللى ورايا

فانا أعرف كدة يعني وهو دايما عامل زي ضلة كدة مبيسبهوش!

تذكرت حديث النبي ﷺ : المرء على دين خليله فلينظر أحدكم من يُخَالِل.

فما بالكم بصاحب ، صادق زي دة ياخذك للمسجد والصلاة ، وأنت أساسا مبتمشيش على رجليك

ومش محسسك إنه شايلك جِميله أو لة عندك حق! ويكون زي ضي عينيك في كل حاحه، وتهزر

تخيل واحد يخرجك ، ويربطلك الكوتشي من غير كسوف ويشيلك بدون إحراج وتتسند عليه؟!! ياة وألف ياة والله

بجد حسيت إني لو عندي واحد زي دة يكفي العالم كله عندي من أي حد 💙

" وبك اظلل نفسي، حتى أصبحت نفسي انت " ❤️
منقول😻