سنغدو رفاتاً ويبقى الأثر...💔

الخشوع💗

-
- أنا بصلي ولكن مش برتاح في الصلاة - 

- حاولت أخشع مش عارف .. تفكيري في الهموم و ضغوطات الحياة بتغلبني .. -
-
بداية ،،
أعرف لمين بتصلي !!
إن الصلاة لله .. للذي أكرمك ،ستر ذنبك، أنعم عليك بالكثير كالصحة والأهل والعقل وغيرهما ، أستجاب لك ، أكرم مثواك و فضلك على الكثير من العالمين .. ف اعبد ربك كأنك تراه .. فإن لم تكن تراه فهو يراك :")💙..

حتى الوضوء له خشوع .. حتى الوضوء لازم يتحس بيه ..
أنا ممكن أتوضأ بسرعه و السلام عشان أخلص ..
لكن لما أعرف إني لما آجي أمسح على الاجزاء المفروضة عليا في الوضوء لازم أعرف إنه ده تطهير ليا من الله ..
شوفت مقطع محرم بس لما غسلت وجهي بيغفر لي الله اللي شوفته لأنه المياه لمست عيني ..
بدأت أخوض في أعراض الناس أو شتمت حد بس لما أتمضمضت المياه طبيعي لمست لساني ف بأذن الله مغفور ذنبي ..
وهكذا ..
تأملها .. إنها فقط المياه التي تمسك تطهرك ..
الوضوء عبادة زي أي عبادة ..
إن الرسول يعرف قومه يوم القيامة من الوضوء .. ازاي ؟
أثار الاعضاء اللي الوضوء بتلمسها في جسمك هتظهر على هيئة نور ابيض يوم القيامه ف يعرف الرسول وقتها إنك من أمة محمد .. فلا تستهين بالوضوء فهو يلزمه الخشوع كسائر العبادات :")💜.
-
لما بتتوضأ بخشوع بيكون قلبك أختلف عن حالته قبل الوضوء ..
بتجه للصلاة.. بس ليه مش بحس بيها ؟ ليه مش برتاح رغم إنه الرسول كان ببقول عنها لما يتعب " أرحنا بها "

العبادة تأمل ..ليه متتأملش كل حركة و كل كلمة ؟!

أول الصلاة ..الله أكبر .. و لما أركع بكبر و لما بسجد بكبر و لما برفع من السجود بكبر .. ليه كل التكبير ده !
لو تأملتها هتلاقي إنه الله عاوز يوضح للعباده بأنه أكبر من أي شئ .. أكبر من حزنك اللي ملازم قلبك .. أكبر من همك اللي بياكل في روحك .. أكبر من حلمك اللي خايف منه .. أكبر من ذنبك اللي قلقان منه .. أكبر من رزقك اللي بتخاف عليه .. الله أكبر من أي شئ سلبي أنت بتشعر به أو اي شئ قلقانه منه  ..
صلي ولما تكبر تأمل كبر الله من أحزانك وهمومك ..

لما بتيجي تقول دعاء الاستفتاح .. " اللهم باعد بيني و بين خطاياي " .. تأملها لحظة .. راجع ذنوبك ذنب تلو الاخر .. ألا تريد من الله أن يبعدك عنهم ؟!

اقرأ الفاتحه .. تمهل شوية .. أقف عند آية "إياك نستعين " أنت هنا بتتبرأ من قوتك و بتتوكل عليه و بتستعين به .. تأمل بس للحظة إنك بتستعين به في كل أحوالك.. رزقك ، حزنك ، أحب الناس .. حلمك ونفسك .. !
قف تاني عند آية " أهدنا الصراط المستقيم .. صراط الذين أنعمت عليهم " شوف لفظ الدعاء .. بتدعي الله إنه يهديك للصراط المستقيم و الا تعرج عنه و أن تكون من الذين ينعم الله عليهم .. فاذا أنعم الله عليك فسلام على الدنيا ومافيها :")💙.

أحفظلك سور قصيرة بحيث تركز في القراءة في كل صلاة و تتمهل ..

أما الركوع ؟
بتقول " سبحانك ربي العظيم "
ما معنى العظيم ! هو اسم من اسماء الله تعالى و هو بيدل على أن الله كامل العظمه .. هو الذي يعظم عباده .. عظيم في أفعاله فلا يظلم عبدآ ولا ينسى مظلومآ .. عظيم في نعمه و عطاءه و كرمه ..
تأمل عظمة الخالق للحظة فقط .. تأمل عظمته في مداواة حزنك و جبر كسرك و شفاءك من مرضك ! :")💜

عند الرفع من الركوع .. " سمع الله لمن حمده "
تأملها أيضآ .. إن الله يسمع لك .. يسمع دعواتك
.. الحمد في السراء و الضراء .. ف أشكروه في النعم و في البلاء " عجبآ لأمر المسلم .. إن أمره كله خير " :")💜

عند السجود .. " سبحانك ربي الأعلى "
اسم من اسماء الله أيضآ .. هو الأعلى .. كامل الصفات .. هو الأعلى في أفعاله .. صفاته .. كرمه و عوضه .. :")💜!

* وقال ابن رجب :" إذا ذل العبد لربه بالركوع والسجود ، وصف ربه بصفات العز والكبرياء والعظمة والعلو ، فكأنه يقول : الذل والتواضع وصفي ، والعلو والعظمة والكبرياء وصفك ، فلهذا شُرع للعبد في ركوعه أن يقول :" سبحان ربي العظيم " وفي سجوده : " سبحان ربي الأعلى " *

وعند التشهد الأول و الاخير فاستحضر قلبك .. إنك تثني على رسولك و من يثني عليه ف يثني الله عليه عشر مرات .. تأملها ! :")💜.
-
و هناك حديث قدسي ولكن للأسف مش متذكره بالنص الكلام ..لكن فيما معناه " إنه العبد لما يهرول في الصلاة .. الملائكة بتقول لربنا إنها مش عاوزه تكتب له الأجر بسبب استهانته في الصلاة أو عدم خشوعه فيها .. ف الله وقتها بيقولهم - فيما معناه - " إني أستحي ألا أكتب له الأجر و هو قد جائني .."
سبحانه ! يخجل منك و هو الغني عنك !
أوجدت رحيمآ سواه ! :")💙.
-
مستحيل تعرف تذاكر منهج إلا وأنت فاهم اللي بيتكلم عليه و إلا هتروح لا هتحل ولا هتجاوب .. كذلك العبادات و خصوصآ الصلاة .. أفهم معانيها و تأمل حركاتها و أعرف لمن تصلي ولمن تدعو ! :")💙