سنغدو رفاتاً ويبقى الأثر...💔

ي عم عالج نفسك..😭💔

ياعم عالج نفسك الأول وبعدين دور على صحاب !

رابع يوم جامعه وأحنا فى السكن المدينه، سمعنا فى الطرقه خناقه جامدة جدا

- ياعم والله ما هتقعد فيه والله لتغوووور

'' طلعنا برة لقينا لمه ''

- صلوا على النبي يا جماعه لا إله إلا الله فى ايه بس
= الزفت المنيل دة

- ممممتقوللللش ممممنيل ومممش تتتشتم

'' كان بيتكلم بتعلثم ولسانه تقيل ''

= اتكتم يالااااا 
- فى ايه براحه عملك إيه

= عمال كل شويه يكلمنى عن لبسه ، عن جزمته كل شويه يجى يحكى فى اي حاجه انا اتخنقت يا عم

خدوة عندكوا وهاتوا حد تاني يجي مكانه، مش هيقعد معايا أنا الولا دة

من هنا لهنا فعلا حصل كدة واخدته عندى الاوضه أنا وصحابى، وأول ما دخل وقعد بحاجته ومحتاله

قعد فى الأرض وحط وشه ما بين رجليه وهو عمال يعيط ويبكى بصوت عالى

- أهدى طيب مالك أهدى.. أهدى...

قام اخد بعضه ودخل نام بدون ولا كلمه !
ونزلنا الكليه ومقبلتوش غير تانى يوم

'' لقيته بيبلس ويعدل شعرة كدة وبتاع فقولتله بحسن نية ''

- حلوة القصه بتاعه شعرك دى ياعم

'' بصلى بلهفه وقرب بسرعه للمرايا ''

= بجد احلف
- آه والله يابنى

= انا انا انا... انا هنزل الجامعه واجى ببببببقى ماشي
طيب

'' لما جه من برة قعد ينادى عليا بصوت عالى من أول ما دخل من بابا الاوضه ''

- نعم مالك
= مممممفيش، يننننفع نكون أصحاب

- إحنا صاحب فعلا 😅
= بـ بـ بجد والمصحف

- آه والله .. نعم معاك
= اس سس ستنى

'' طلعلى من جيبه كرمله ادهالى ''

- إيه دة
= خليها معاك تبقي تتتفكترنى لما تتتخنق منى
- اتخنق منك ليه بس تقول كدة

-= كككككلهم مش بيحبونى .. بس انا بحبكوا

'' وقعد معايا وفضل يتكلم اكتر من ٣ ساعات ''

- بابا مات وأنا عندى ٤ سنين كككككنت بحبه بس الله يرحمه
= طيب ربنا يرحمه أكيد فى مكان أحسن
- ممممم أكيد

'' شويه وسابنى أنام ودخل المطبخ يطبخ، وطلع لقيته عامل برجر وبانية ''

وكنت مرهق جدا ونايم جه صحانى وأنا اضايقت جدا

- انا مش بحب آكل، أكل اما بحبه لوحدى وعملت حسابك

'' وهو قدامى بيتكلم، علامات التوتر باينه عليه ويفرك بأيديه اليمين فى ال تى شيرت من تحت كدة ''