سنغدو رفاتاً ويبقى الأثر...💔

من أفضال الصلاة

*مِن أفضال الصلاة*💛

_نفسك تبطلي الذنوب اللى بتعمليها؟!.. نفسك ربنا يغفرلك ويمحو لكِ خطاياكِ؟!

=طبعااااا

_يبقى عليكِ بالصلاة

=ما أنا بصلي.. بس ازاي الصلاة تمنعني من الذنوب يعني؟! 🤔

_قال الله تعالى: "إن الصلاة تنهى عن الفحشاءِ والمُنكر"
الصلاة هتمنعك إنك تفعلي المنكرات والفواحش 😄💚

_ممكن أسألك سؤال؟!
لو انتِ بتغتسلي ٥مرات في اليوم.. هل هتحسي برائحة كريهة أو عرق أو ماشابه؟!

=لأ طبعا.. دول ٥مرات.. يعني هبقى ببرق كده😂

_تعرفي إن السؤال ده النبي صلى الله عليه وسلم سأله للصحابة رضوان الله عليهم،  بس مكنش الهدف من السؤال لمعرفة  فضل الإغتسال مثلا!.. لأ كان النبي بيوضح فضل شئ تاني..

تعالي نعرف ايه هو

_يلا بيناا

= عن أبي هريرة رضي الله عنه  قال.: قال رسول الله صلى الله عليه وسلم: «أرأيتم لو أن نهراً بباب أحدكم يغتسل منه كل يوم خمساً، هل يُبْقي من درنه شيئاً»، وفي رواية عند مسلم «هل يبقى من درنه شيء؟ قالوا: لا يبقي من درنه شيئاً قال: كذلك الصلوات الخمس يمحو الله بهن الخطايا»."رواه البخاري ومسلم"

=ياااه يعني الخمس فروض اللى بصليهم في اليوم يمحوا ذنوب اليوم كله!!

_بالظبط كده.. يعني ربنا عزوجل يمحو خطاياكِ بالخمس صلوات.. متخيلة كمية الراحة بقاا اللى هتبقي فيها في أخر اليوم.. وشعور إنك كل الذنوب اللى عملتيها"بقصد وبدون قصد"قد غُفرت لكِ بإذن الله🥺💙

=ده تخيل الشعور في ذات نفسه مريح اصلاً..
أصل معنى إن مفيش ذنوب.. يعني مفيش إبتلاءات.. لإن الإبتلاءات اللى بنقع فيها من الذنوب والمعاصي.. مفيش ذنوب يعني مفيش حُزن وضنك وبكاء بلا سبب.. مفيش ذنوب يعني في راحة وسعادة وبركة..
الله.. الشعور في ذات نفسه مريح جداا🙈🧡🧡🧡

_طيب عندي ليكِ مفاجأة كمان 😉

=ايه هيااا بسرررعة؟!!!

_فاكرة الأمنيات اللى بتتمنيها من سنين ولسه متحققتش!؟.. طيب فاكرة الكُروبات اللى بتدعي إن ربنا يفرجها ولم يأتِ الفرج بعد؟!..

=انتِ بتقلبي عليا المواجع ليه😔💔.. ايوة لسه فاكراهم 😔💔

_انا هديكِ بشرة دلوقتي🙈🧡.. هااانت.. ودعواتك هتستجاب.. الحل في الصلاة💛💛

=بجد.. إزاي؟!

_تعالى نشوف قول المولى عزوجل في الحديث القدسي
👇💛
"يقولُ اللهُ عز وجل قسمتُ الصلاةَ بيني وبين عبدي نصفين نصفُها لي ، ونصفُها لعبدي ، ولعبدي ما سأل فإذا قال : { الحمدُ للهِ ربِّ العالمين } قال : حمدني عبدي ؛ فإذا قال : { الرحمنِ الرحيمِ } قال : أثنى عليَّ عبدي ، فإذا قال { مالكِ يومِ الدينِ } قال : مجدني عبدي ، فإذا قال : { إياكَ نعبدُ وإياكَ نستعينُ } قال : هذه الآيةُ بيني وبين عبدي ، ولعبدي ما سأل ، فإذا قال : { اهدِنا الصراطَ المستقيمَ صراطَ الذين أنعمتَ عليهم غيرِ المغضوبِ عليهم ولا الضالين } قال : فهؤلاء لعبدي ولعبدي ما سأل"  صحيح

تخيلي لما الله عزوجل يقول "ولعبدي ما سأل".. طيب تخيلي إنك كل آية بتقرأيها ربنا بيرُد عليكِ وبيحدثك.. طيب تخيلي إن الله عزوجل بيحدثك في الملئ الأعلى.. يااااالله🥺🧡

=انا عمري ما كنت أتخيل إن ده ممكن يحصل.. ربنا بيرد عليا انا؟!  المذنبة؟!  العاصية؟! .. ده انا كنت بقرأ السورة في ثانية كده.. عمري ما استشعرت المعاني دي🥺💔

_طيب يااجميلة.. أديكي عرفتي أهوه.. وده هيساعدك جدااا في الخشوع😍🧡.. مش عايزة تسلمي من الصلاة وانتِ دعوتك مستجابة ولا ايه😉💚

=عااااايزة طبعا.. وهبدأ من دلوقتي😄💛💛💛

_استناااااي.. يابنتي استني هقولك على حاجة أخيرة..

=بسرررعة علشان انا هجري اتوضئ دلوقتي.. ده فيها إجابة دعاء يابنتي الله😍🙈💚

_عايزة بس أفكرك إن زيي ما الصلاة بتمحو الذنوب والمعاصي وبتحصنك من الشهوات والفواحش.. كمان ترك الصلاة سبب في دخول النار.. بل إن في وادي في جهنم لتارك الصلاة.. اسمه وادي" سقر" 😔💔
قال تعالى:" ما سَلَكَكُم في سقر قالوا لم نكنّ من المصلين"

=انا ليه حاسة برجفة في جسمي؟! 😔

_خلينا متفقين إن أول حاجة هنتحاسب عليها يوم القيامة هي الصلاة.. واحنا عايزين جنة مش نار.. عايزين نعيم مش جحيم.. عايزين إجابة دعاء مش طرد من رحمة الله.. عايزين غفران وليس الدخول في النيران ..

لازم نعرف إن الصلاة دي هي الصلة التي تَصِلك بربك "هي الصلة بين العبد وربه يقف بين يديه يكلمه ويناجيه".. فإذا إنقطعت تلك الصلة فكيف ستكون حياتنا؟! 💔

لا تتهاونّ في الصلاة.. فهي سبب في دخول الجنة💚 وهي صلتكِ بربك💛فلا تقطعي تلك الصِلة مهما حدث😄💚

#للجنة_نسعى💛🌟
#ولعبدي_ما_سأل 🌸🧡

  _حفيدة عائشة _