هنفضل صحاب

الفصل الثالث عشر

البنات صحيت الساعه 9 و كل واحده خدت شاور و لبسوا و جهزوا و مستنيين الشباب
فريده :هما اتاخروا كده ليه
فرح :دي بقت عشره و ربع
مريم :الصبر زمانهم في الطريق
فرح موبايلها رن
فرح :الو... ايوه جاهزين.. خمس دقايق و نبقا تحت.. باي
نور :يلا بينا.. باي
البنات :باي
مريم :هكلم يوسف اقوله يكلم عمر يجي عشان هيباشر معايا انا و زياد و هنعمل شوية حاجات
فريده :ماشي
فون توجي رن
توجي:الو.. صباح النور.. ايوه جاهزه.. نزلالك.. باي.. ليث جه انا نازله بقا.. باي
نزلت توجي
حلا :وانا و انتي عاق باين
فريده :زمانهم جايين
فون حلا رن :الو.. ياعم جاهزه من بدري.. مااشي.. سلام.. باي باييي
نزلت حلا
فريده :وانا الضفدعه المطلقه يعني.. يخربيتك يا مالك
مريم :يابنتي اهدي علي الواد شويه.. شكله بيحبك
فريده :انا نسيت الحب خلاص.. مش عايزه اتعلق و يمشي تاني
فون فريده رن
فريده :الو.. ياريتني كنت جبت في سيرة تلات الاف جنيه.. ماشي نازله.. باي
فريده :باي بقا احسن مالك جه
مريم :ماشي باي
نزلت فريده لمالك
مالك :اوبا.. صباح العسل
فريده :صباح النور.. يلا بينا
مالك :يلا تحبي تفطري فين
فريده :اي حته
مالك :اوك.. هوديكي كافيه قمر شبهك كده.. و لو اني اغير احسن حد يعاكسك بالحلاوه اللي انتي فيها دي
فريده :ركز في الطريق يا مالك
مالك :اول مره اعرف ان اسمي حلو كده
فريده :يبني اسكت انت مبتزهقش
مالك:عمري.. اسمعك اغنيه
فريده:اوك
"مستحيل اقبل في حقك اي كلمه.. انتي اعلي منهم فوق انتي نجمه و اللي يسالني عليكي بقول دي نعمه مستحيل اوصف جمالك مهما اقول"
مالك كان بيغني مع الاغنيه و بيبصلها و كان فرحان جدا انها معاه
فريده كانت مطمنه جدا و هي معاه و كانت فرحانه بس بردو شعور الخوف لسه جواها و بتحاول تقرب بس جواها صوت بيقولها لا و صوت تاني بيقولها ده غير قربي
مالك :يلا وصلنا المطعم
و نزل فتحلها الباب و مسك ايدها نزلها
فريده بضحك :انت يبني طالع من روايه
مالك :انتي ملكه و لازم تتعاملي معاملات الملكات
فريده :كلام كبير اوي ده
مالك :طب يلا بقا ندخل عشان ناكل.. ورانا يوم طويل
دخلوا المطعم و قعدوا و طلبوا الاكل
مالك :لو تديني بس ريق حلو.. مش هتندمي
فريده بتنهيده :مالك انت طيب و جدع جدا.. بس انا اسفه علي تعاملي معاك
مالك :طب ممكن نبقي صحاب.. افتحيلي قلبك.. احكيلي و انا كمان هحكيلك
فريده :مش هينفع يا مالك.. معلش
مالك :ولا يهمك انا متاكد انك هتثقي فيا و هتحكيلي.. اصل انا متسابش يبنتي
فريده بضحك :واثق في نفسك اوي انت
مالك :طبعا يبنتي مفيش مني
فريده :ايوه انت هتقولي
الاكل جه
فريده :يلا ناكل انا جعانه جدا
مالك :من ساعة ما عرفتك و انتي مبتبطليش اكل و كمان مش تخينه و المصيبه انك رفيعه
فريده :خمسه عليا يعم.. هتبصلي في اللقمه كمان
مالك :بالهنا يقمر
__________
ليث :عامله ايه
توجي :كويسه انت عامل ايه
ليث :كويس جدا طول ما انتي كويسه.. تفطري
توجي :ياريت والله جعانه جدا
ليث :بس كده.. احلي اكل لاحلي توجي
توجي باستغراب :انت تعبان يا ليث؟
ليث :عشان بقول انك حلوه يعني.. ايه المشكله ما انتي فعلا حلوه
توجي بكسوف:ركز في السواقه احسن
ليث بضحك :حاضر هركز.. اشغلك اغنيه
توجي :ماشي
"صدقني خلااص من بين النااس.. حبيتك و اخترتك ليه.. طول منا وياك.. اودامي ملاك.. خليتني مغمضش عنيا"
ليث كان حاسس باحساس غريب بس كان حلو و كان مبسوط جدا انه جنب توجي
توجي من جواها كانت فرحانه بس حاسه ان في حاجه غريبه حلوه و كانت مطمنه و هي معاه
وصلوا المطعم و نزلوا و دخلوا قعدوا و طلبوا الاكل و فضلوا قاعدين كتير
ليث :ياتوجي خلصي بقالنا ساعه قاعدين.. ايه البطء ده
توجي :بااكل... ايه ماكلش يعني.. اموت من الجوع و لا انت واخدني تجوعني
ليث :يابنتي اجوعك ايه ناس جت و مشيت و جت و مشيت و احنا لسه قاعدين.. ورانا شغل يبنتي
توجي :معلش معلش
ليث :ده زمانهم خلصوا و احنا لسه بناكل
توجي :استغفر الله العظيم.. يبني سبني اخلص بقا
ليث :انا اسف.. بس بسرععه
توجي :اهو الاكل يا ليث.. يلا يا ليث و نمشي و انا جعانه بس والله هفضل اقولك نجيب حاجات في الطريق
ليث :لا لا و علي ايه كملي بس بسرعه
توجي :حااضر
__________
حلا: ايه يا عم كل دا تأخير ليييه
زين: في حاجه اسمها صباح الخير مش موجوده في قاموسك دي؟!
حلا: صباح النور اتأخرت ليه يعني برضو كنت تقول بدل ما انا صاحيه بدري علي الفاضي
زين: اصل...
حلا: خلاص مش مهم انا جعانه قولت هتفطرني يا ريت نخلص عشان هموووت من الجوع
زين: ممكن اتكلم طيب ...هطفحك حاضر هو دا اللي هامك يا شيخه
حلا: يلا بسرعه
زين: لا مش سواق ابوكي متعصبينيش
حلا: طيب بسرعه
و فضلوا يهزروا مع بعض كتير حلا كانت علي طبيعتها و مبتفكرش كتير في التعامل معاه و زين في الاول كان شايل هم هيتعامل معاها ازاي بس عرف انه احسن حاجه يتعامل بطبيعته زيها...وصلوا المطعم و طلبوا الاكل
زين : ممكن سؤال
حلا: اسأل
زين: هو انتي كل الاكل دا بتوديه فين يعني ....ما انتي مش تخينه اوي بردو ...ايه السر عايز افهم انا
حلا: يا اخي قول الله و اكبر
زين: الله و اكبر ه ممكن تفهميني
حلا: افهمك ايه انا نفسي معرفش السبب عادشي يعني😂
زين: طب اتفضلي كلي عشان نخلص و نقوم
حلا: طيب متزوقش
__________
نور و فرح نزلو ليوسف و غيث
يوسف : ايه يا جدعان كل ده تاخير
فرح و نور رفعوا حاجبهم
غيث: هتتشلوح دلوقتي
فرح: لا سمعني كده تاني هما مين دول اللي متأخرين
نور:لا بقولكو ايه يلا، قالك متأخرين قال
يوسف :خلاص يا وحش انت و هي
يوسف: اركب يابني ورا
فرح: هو مين ده اللي يركب ورا
غيث: انا فيها حاجه
نور: ايدا انا وفرح هنقعد ورا.
يوسف: ارجع يابني ورا وخد فرح معاك.
فرح بتنهيدة: اما نشوف اخرتكوا ايه.
نور ركبت ومشت الموضوع عشان ميتاخروش.
فرح كانت بتبص لغيث بصات غضب او قتل
يوسف بهزار: لا قومي اقتليه احسن
غيث و نور :ايه ده ليه
يوسف : بص هي بصالك ازاي
غيث بص لفرح لقاها بصاله بصة اللي هو انت ميت
غيث : لا استهدي بالله كده مش عاوز اموت دلوقتي ان لسه صغير
فرح : ليه شايفني ماسكه سكينه في ايدي
نور : يادي النيله مش هنخلص
يوسف: بسسس انا هشغل اغاني اسكتو خلينا نسمع
نور قاطعت يوسف: مبحبش اغاني عربي متشغلش.
يوسف: بصلها ومردش عليها وشغل برضو.
"انت اول كل حاجه و البدايه في كل شئ.. حب اول مره يجييي لما قلبي كاان برئ.. انت اول كل حاجه و انت عارف كنت ايه.. انت اول حد يمشي و دمعتي تنزل عليه"
غيث: ياه يفرح.
فرح: ايه مالك.
غيث رد وقال لا ولا حاجة ركزي فالاغنية.
نور: يعني حتي ايه الاغاني دي بالله عليك، يلا مش مهم براحتكو خليني ساكتة.
و صلو المطعم 
يوسف : وصلنا يلا ننزل
نزلو و دخلوا قعدوا 
فرح : يلا بقي نطلب لحسن جعانه
غيث: ما تاكلينا احسن
فرح بصتلو من فوق لتحت  و مردتش و اتنرفز علشان هو بيكره البصه دي 
نور: لا لا هتتخانقو تاني لا
يوسف : ممكن نطفح و نقلبها مدبحة بعدين
فرح :يارب الصبر
نور: كلي وانت ساكته ياختي خلينا نلحق اليوم من الاول
غيث: كلي يبنتي كلي
و قعدو كيلو
غيث و يوسف : كفايه بقي خلينا نمشي
فرح : الله مش بناكل
نور :بصو مش هنرد عليكو،
انا اصلا شبعت ماكنتش جعانة.
يوسف: لا انتي كلي مش عايزينك تقعي مننا فوسط الشارع.
نور بصتله بصة تفلق الحجر: قصدك ايه.
يوسف: طب بس متبصيش كدا.
نور: براحتي.
فرح :يلا يا جماعه سديتو نفسي كتكم القرف مشوار مهبب
غيث: كل ده و سدينا نفسك يلا ياختي يلا 
و مشيوا وركبوا العربية.
__________
مريم: الو
زياد: صباح الخير ...فينك كده
مريم: في بيت المزرعه تعالي و عمر المفروض جاي
زياد: مريم انتي واخده بالك بتعملي ايه
مريم: تعالي يا زياد تعالي
قفلت مع زياد و شغلت الاغنيه و هي وقفها تعمل الفطار
"مبيسألش عليا ابدا ...ولا بتشوفوا عنيا ابدا....ياما ناديته و اترجيتوا انه يحن شويه ابدا ...مبيسألش مبيسألش .....مبيسألش عليا ابداا"
الجرس رن و كان عمر
مريم: اهلا بيك يا دكتور اتفضل في الجنينه علي ما احضر الفطار
عمر: اساعدك في حاجه
مريم: لا شكرا يا ريت تتفضل
بعدها بشويه مريم جهزت الفطار و لسه جايه تقعد الجرس رن مريم راحت تفتح
مريم: اهلا اتفضل يا باشا مواعيدك لسه بايظه
زياد:  عندك حق، هو جوا ولا ايه
مريم: اه جوا اهو متلقح
زياد: كده زودتي العيار حبتين ولا ايه
مريم: ادخل يا زياد ادخل يا خويا بلاش قهر ....دخلوا
زياد: صباح الخير يا عمر
عمر: صباح النور ...ماكنتش اعرف انك جاي يعني
مريم: ممكن نبدأ ناكل عشان جوعت
قعدوا وفطروا
زياد: اول مره اعرف انه اكلك حلو اوي كده
عمر: لا هي من زمان و هي بتعرف تتطبخ حلو الله و اكبر يعني بس بجد تسلم ايدك
مريم: بالهنا و الشفا هعمل بقي شاي و نقعد نشوف هنعمل ايه
زياد و عمر : تمام