هنفضل صحاب

الفصل السادس

فريده بصدمه:بصوا مين هناك
البنات بصت و بصدمه :عمر!!!
فرح:يلهوتيني
حلا:وات زا هيل
توجي :مريم مينفعش تنزل خالص
فريده:انتي عبيطه انتي ناسيه أن مريم اللي هتسلم حور و كمان لازم تنزل
حلا:يبقا عمر اللي يختفي
فرح :هنقتله يعني انتي متخلفه نخفيه ازاي
ريان و يوسف راحوا للبنات
ريان:واقفين تتوشوشوا ف ايه
حلا:ها... بنتوشوش في ايه... ولا حاجه.. روح لمعازيمك
يوسف :اكيد في عمر اللي لسه داخل
ريان :اه ده عمر جه هو و مالك اهو يلا نسلم يا يوسف
فرح:طب هنمشي احنا
_________
مالك :ايه يا معلم كمية البنات اللي في الحفله دول
عمر :عاديين يعني
مالك بص على فريده و سرح و حس ان قلبه خلاص دقلها هي
كانت واقفه بتعدل الورد و بتزبطه راحلها
عمر :انت رايح فين يعم
يوسف و ريان راحوا لعمر
ريان :حمد الله على السلامه يعم كل ده تاخير
عمر :اعذرني الطريق كان زحمه
يوسف :يلا ندخل مش هنتكلم هنا يا عريس
و دخلوا و وقفوا يتكلموا و يهزروا و البنات كانت كل واحده بتعمل حاجه بس كلهم متوترين من اللحظه الحاسمه اللي هتبقا عباره عن براكين
مالك :احم... مالك تاج ياسين رجل أعمال و مد ايده عشان يسلم على فريده
فريده بصتله من فوق لتحت و رجعت بصت للورد تاني
مالك اتحرج و لم ايده :طب ردي طيب اي حاجه كحي اهمسي
فريده بجديه :في ايه!
مالك :ولا حاجه يعني... حفله... خطوبه.. و حاجات و حركات بصراحه الفستان الأسود رائع انا عن نفسي بحبه جدا
فريده بجديه و عصبيه :انت عندك مشكله!!
مالك :اه قلبي
فريده باستغراب :افندم!
مالك :قلبي مسكين
فريده :حرارته أربعين؟ انت عبيط ولا شكلك كده
مالك :احم اسف
خد بعضه و مشى
فريده في سرها :بلاوي بتتحدف علينا
اجتمعوا البنات و وقفوا سوا
نور لاحظت فريدة ومالك وراحتلها: كان عايز ايه دا
فريده: كان بيستظرف عادي
ريان و الشباب راحوا لهم
ريان: ايه يا جماعه هي مريم مش هتنزل حوري ولا ايه
توجي: اسمها حور ها حووووور
ريان: بس يا عيله يا رخمه انتي
قطع كلامهم عمر و مالك اللي راحوا يقفوا معاهم
ريان: اه صحيح دا مالك تاج ياسن رجل اعمال و دا عمر ابو العزم دكتور اورام
مالك: طب مش هتعرفنا
ريان : دول صحاب اختي و زي اخواتي البنات بالظبط
مالك و هو سرحان ف فريده: يعني الحلاوه دي اختك
فريده: ريان يا حبيبي شوف صحابك ها
حلا بغيظ : ازيك يا دكتور عمر
عمر : تمام الحمد الله 
ريان،: هي مريم فين كل دا
عمر بدأ يتوتر و قلبه بدأ يدق بسرعه و في اللحظه دي النور اتقطع معدا نور صغير كان علي حور و هي نازله و ورها مريم و البنات كلهم طلعوا عشان ينزلوا سوا كلهم المكان كله كان بيبص عليهم و بيتفرج كانوا اقل ما يقال عنهم سبع حوريات
ريان مكنش مصدق نفسه اللي خلت قلبه يدق نازله اهو اودام عينه زي الملاك
يوسف كان منبهر بنور هو عارفها من سنين بس اول مره ياخد باله انها بالحلاوه دي
غيث كان باصص لفرح و كأنه اول مره يشوفها مع انه كان حافظ شكلها بس جملها كان مختلف
مالك كان في دنيا تانيه اصلا مش مركز في حاجه غير في فريده و في جمالها اللي سحره
زين و ليث اعجبوا بيهم و خصوصا حلا و توجي
اما عند عمر كان اول مره يشوفها من سنين مكدبتش زمان اما قالتلوا هتندم
عمر في نفسه: احلويتي و انا ندمت ....لا لا لا فوق انت قفلت الصفحه دي خلاص ...بس ايه الحلاوه دي يا شيخه لسه زي ما انتي بدر منور
زين: ايه يا ريان الحلاوه دي
ريان : ها
مالك: ها ايه لا فوق يا يا سطي انت العريس
ريان :اه صح فوقت اهو
حلا: بسم الله الرحمان الرحيم مالك يا حبيبي
ريان : مالي ايه بس ايه دا ايه الحلاوه دي
فرح: دي اقل حاجه عندنا
ريان : هيييييييييح
فريده: معلش بس احترم اننا سناجل لو سمحت و عاكسنا كلنا
ريان: حاضر بعدين بعدين
مريم من وراهم : وسعوا كده اما ادي البت للواد .....تحطها في عينك احسن ما اشيلهملك
ريان: في قلبي يا باشا
ريان خد حور من مريم و باس راسها وراحوا يرقصوا و في اللحظه دي مريم و عمر وقفوا اودام بعض كانت لحظه طويله اوي مريم حست فجأه انه قلبها وجعها تاني مكنتش عارفه تعمل ايه ، كل حاجه حصلت زمان بتفتكرها و بعد صراع كبير جواها
مريم: ازاي حضرتك يا استاذ عمر
عمر: استاذ! مريم انا عمر
مريم: عن اذنك يا استاذ عمر تقدر تتفضل تقعد
مشيت مريم و محدش خد باله بالنار اللي ولعت في لحظه واحده بس
واحد بس اللي شاف اللي حصل و هو يوسف
عدا اسبوع من احلى ايام حياة البنات
الحب بين حور و ريان بيزيد يوم عن يوم و دايما البنات و الشباب سوا
مالك كان بيحاول يقرب من فريده و دايما هي مش مدياله اي اهتمام
زين كان بيحاول يلطف مع حلا بس كانت بتفكر في الأكل و بس 😂
ليث محاولش يقرب من توجي لأنهم دايما نائر و نئير
يوسف و نور كانوا بيحاولوا يقربوا بس نور كانت خايفه
فرح كانت بتدايق لما بتشوف غيث و في نفس الوقت بتفرح و غيث كان جواه شعور الندم انه ضيعها من ايده بس خايف يقرب تخذله
اما بقا مريم و عمر كان بينهم حرب بارده.. هدوء ما قبل العاصفه.. بصات عمر لمريم كانت بتقول سامحيني بس مكنش قادر ينطقها مريم بصاتها كانت بتقوله انت لسه مشوفتش حاجه
عدا اسبوع كامل و كل الصراعات دي موجوده و قرروا انهم يعملوا عزومه في بيت المزرعه و كلهم موجودين
ريان :العزومه دي يا جماعه عشان اقلكوا اني قررت اعمل كتب الكتاب يوم الخميس اللي جي
كلهم اتصدموا و فرحوا جدا و باركولهم
غيث :فرح.. ممكن نتكلم
فرح:نتكلم!! هه.. احنا مفيش بنا كلام.. خلصت يا غيث
سابته و مشيت و هو بيئنب نفسه مليون مره
____
توجي :هات الطبق يا رخم
ليث:انا اللي خته الأول
توجي :هااات ده بتاعيي
ليث :هديكي بيه في وشك والله
ضربها في كتفها بهزار
توجي :عيب.. عيب لما تمد ايدك على واحده بنت 🙂
ليث :امشي يابت
توجي :ماشي انا هوريك
و مشيت و سابته و هي متغاظه
ليث :نينيني يلا يا شبر و نص
____
مالك :بعتلك فولو على الانستا
فريده بضيق :هقفل الاك خالص 🌚
مالك :هو انتي مش طيقاني ليه
فريده :انا معرفكش اصلا عشان اطيقك أو لا
مالك :طب ماا.. نتعرف
فريده خبطت بايدها على الطرابيزه و اتكلمت بهدوء :استاذ مالك.. انا مبتعرفش.. ريح دماغك مني مش هتعرف توصلي.. عن اذنك
سابته و مشيت بس هو تقريبا كان بيحبها بجد مكنش عند مع نفسه
____
يوسف :عامله ايه
نور بصتله بطرف عينها :كويسه
يوسف:احم..و... مريم.. عامله ايه
نور :كويسه بردو في حاجه يا د. يوسف؟
يوسف :نور بلاش ألقاب احنا كنا صحا....
نور :اديك قولتها كنا.. عن اذنك يا دكتور
مشيت و سابته و هو باصص عليها
_____
زين :حلا انتي حلوه و كل حاجه بس هو انتي واخده الاكل عندك هوايه
حلا:هتبصولي كمان في اللقمه اللي هاكلها 🙂
زين :خالص.. انا بستفسر بس.. اصلك بسم الله مشاء الله داخله على الساندوتش الرابع يعني
حلا :انا لسه بسخن يعني عشان انتوا ضيوف مش عارفه اخد راحتي
زين في سره :اومال لو مش ضيوف بقا كنتي كلتي عفش البيت
حلا :بتقول حاجه
زين :بالهنا و الشفا🙂
سابته و طبعا دخلت المطبخ
____
ريان مسك ايد حور و باسها :وحشتيني يا حوري
حور اتكسفت : بكاش اوي احنا مع بعض كل يوم
ريان بنظرة حب :بتوحشيني و انتي معايا
حور : وانت كما....
و في اللحظه دي خرج اصوات طلقه ورا التانيه
مريم: حووووووور ريااان
صوت ضرب النار لسه شغال و البنات واقفين في حالة صدمه زي ما يكون حد دلق عليهم ميه سقعه.. اتكهربوا
الولاد كل واحد كان بيحاول يخبي واحده عشان متضربش حتى لو هيضرب مكانها
العصابه كانت مكونه من 6 أفراد كل فرد فيهم ضخم و معاه سلاح
دخل مالك و يوسف و ليث من الباب الخلفي للبيت مالك لقا كرباج خده و راح ناحية واحد من اللي بيضربوا النار خنقه بيه بس الراجل كان قوي مالك زقه برجله من ضهره وقعه على الأرض و لف الكرباج حوالين رقبته تاني لحد ما بدا يفقد الوعي خد منه المسدس ضربه طلقه في رجله فقد وعيه يوسف مسك بندقيه كانت متعلقه جوه بس للأسف كانت ديكور ضرب بيها واحد على دماغه بس مأثرتش في اوي الراجل مسك ايد يوسف لفها ورا ضهره و كان بيخنقه يوسف داس على رجله و ضربه برأسه في وشه و اداله بركبته في بطنه وقع على ركبته ضربه بالبندقيه فقد الوعي و فضل ينزل دم من دماغه
ليث جه من ورا الراجل التالت و خنقه و مسك ايده اللي فيها المسدس و فضل يخبطها في ركبته لحد ما المسدس وقع في الأرض ضربه ليث بالبوكس في وشه و خد المسدس و ضربه طلقه في كل رجل
اما عمر كان مرخص معاه مسدس للطوارئ طلعه فضل يضرب بيه و جت طلقه في كتف واحد منهم جري عليه عمر وقعه على الأرض و فضل يضرب في لحد ما فقد الوعي و خد المسدس بتاعه و بتاع الراجل حدف واحد لزين مسكه و زين بدأ يضرب بي بس لسوء الحظ الطلق خلص جرى زين و راح للراجل من ضهره زقه برجله وقعه على الأرض مسك زين المسدس اللي معاه و ضرب الراجل على دماغه قبل ما يقوم
خد مسدس الراجل و راح لغيث اللي كان اتصل بالاسعاف و كان مستخبي جوه المزرعه نفسها عشان عارف انه لو طلع هيضرب راح زين اداله المسدس و طلعوا هما الاتنين زين كتف الراجل من ضهره و غيث فضل يضرب في لحد ما الراجل مستحملش و وقع على الأرض و كل العصابه بقوا على الأرض