هنفضل صحاب

الفصل الرابع

وقفوا كلهم يحضنوا و يبوسوا بعض و فجأه سمعوا صوت زغروطه بصو كلهم لاقوها نور
حور:ايه دا نور انتي بتزغرطي؟!
حلا : مالك يا نور انتي تعبانه و لا ايه.
فرح: دقيقه يجماعه نفهم.
نور: لا انا بحب افصلكوا كداا.
فريده ضربتها في كتفها : هتتشتمي يا نور.
مريم: يا جدعان اكبروا شويه
حور:يكبروا ازاي يتحرقوا فيها
ريان : طب ممكن نركز في ام الجوازه
توجي: احنا نعمل الخطوبه علي طول هييييييي
مريم: مش فرح امك هو يا توجي😂
ريان:  لا يا ستي انا موافق والله و يا ريت كتب الكتاب يبقي اسرع
حور: ممكن نعمل الخطوبه علي الاسبوع الجاي🙂
فريده : انتي حامل يابنتي و مخبيه علينا، مستعجلين كده ليه
فرح: يا كسفاتك يا قرمط.
مريم: باااااااس كفايه الخطوبه الاسبوع الجاي
حلا:أهم حاجه البوفيه يا جماعه ممكن اروح بالبيجامه
ريان لحور:هنتفضح عليا الطلاق و هنروح في داهيه
نور: انا هروح ارقص وابقوا حصلوني
فريده :خديني معاكي يا اوختشي
توجي: هيبقي شكلي حلو اوي، اول حاجة هشتري فستان، وهعمل شعري، وهجيب شوز حلوة كمان وايه تانيي.....
فريده : ايه حيلك حيلك
ريان : هتكل انا بقي علي الله و نبقي نقعد و نظبط بعد المهمه الجايه حور تعالي علشان عايز اتكلم معاكي
مريم:واخدها تستفرد بيها يا ولا
فرح: لا بقولك ايه بعد الفرح الكلام ده، اه امال احنا عيله متسمحش بالكلام ده.
فريده : احنا صعايده عيب استحي يا واد
فرح:فريده فوقي احنا من اسكندريه
حلا: تؤتؤ خيبت ظني فيك يا ولا مفيش جواز
ريان: ايه مجاري و اتفتحت يلا يا حور وريا معاد
مريم : روحي بس متطوليش
ريان : قومي يبنتي معايا لحسن اتشل
حور:جيالكوا
حور و ريان مشيوا و كانت حلا راحه وراهم
مريم: حلا تعالي يا حبيتي تعالي ربنا هديكي
حلا: عايزه اسمع الله😂
فريده: تسمعي ايه بيقولوا كلام عيب 😂
نور : طب تعالوا ناكل تعالوا
عند حور و ريان.
حور فضلت باصه في السقف
ريان : للدرجادي السقف احلى مني
حور: اقول ايه يعني
ريان: بحبك وحشتيني اي حاجه كده
حور بخجل:علفكره انت قليل الأدب
ريان : هو انا لسه قولت حاجه😂
حور: لا متقولش خليك ساكت احسن
ريان : طب انا اعاكس و انتي مترديش
حور وشها جاب ألوان و خدودها احمرت : رياان!!
ريان بحب:عيون ريان
مريم بصوت عالي: مخلاص يا عصفورين الجنه كفايه
فريده : غلط المحن على القولون
ريان : هي جوازه سودا انا عارف الله يخربيتكوا طلعتولي منين
حور: يا باشا بيطلعوا من اي حته دا انت عندك ست حموات
ريان:يارب الصبر من عندك  يارب أطير انا قبل ما اتشل يلا باي يا حوري وانت غوري في داهيه😂
ريان راح علي المكان اللي هيتجمع فيه الشباب
ريان: ايه يا شباب مش يلا و لا ايه بقي
يوسف : يا ابني انت اللي جاي متأخر و بعدين تعالي اعرفك الاول
ريان : عارف طبعا مالك و غيث و ليث صحابي و من أشهر رجال الأعمال في البلد
مالك : تسلم يا رجوله والله
يوسف : الله الله ده في علاقات من ورانا بقا 😂
غيث : اه ليك شوق في حاجه 😂
يوسف : بطمن بس😂👍🏻
ضحكوا كلهم
مالك : طب مش تعرفنا يا يوسف مين الباقي
يوسف : اه ده عمر دكتور أورام و زين دكتور جراحه
ريان سلم عليهم : تشرفنا يا جماعه
عمر بضيق : طب ممكن نبدأ الماتش
يوسف : اه يلا يلا
لاحظ مالك أن عمر دايما مضايق و مبيضحكش معاهم و مخنوق
بدأو يلعبوا و هزروا و طبعا خظوا علي بعض و بقو صحاب ما عدا عمر فضل واخد جنب كده
ريان : اه اه مش قادر خلاص مش قادر
غيث: يا بني انت مش ظابط يا بني تعبت بسرعه كده ازاي
ريان:انبر فيها بقئ
يوسف: لا ياعم محدش هينبر يا باشا
ريان بتكبر :طبعا
عمر: طيب يا شباب انا لازم امشي
زين: ايه يا بني في حاجه ولا ايه
عمر و هو بيديله ضهره و ماشي: لا بس ماما عايزاني
ريان : طب استنئ بس هقول حاجه بعديها امشي
عمر: ايه
ريان: انا عازمكوا كلكوا علي خطوبتي الاسبوع الجاي
كلهم فرحولو مع انهم كلهم لسة ميعرفوش بعض اوي، بس عمر فيه حاجة، افتكر حاجة، في حاجة هزته، فرح لريان بس في حاجى طفياه من جوا، كلهم ملاحظين بس بيعدوا الموقف
عمر بخنقه : الف مبروك عن اذنكوا و مشى
مالك في باله كان بيفكر ايه اللي ممكن يخلي عمر بالمنظر و الخنقه دي قطع تفكيره يوسف :هو كده علطول معلش هتتعود
اكتفي مالك انه يبتسم و خلاص
ريان : طب يا جماعه كان يوم جامد جدا أن شاء الله نعمله تاني
مشيوا و كل واحد راح علي بيته
بعد مرور تلات اسابيع في بيت حلا و ريان يجمع البنات و الشباب لكن الحزن هو سيد الموقف