هنفضل صحاب

الفصل السابع

الضرب خلص و الدنيا بقت سكوت
بس صمت البنات مطولش.. صرخه طلعت من جوه قلوبهم على صاحبتهم اللي واقعه سايحه في دمها و اخوهم من و هما صغيرين هدومه كلها دم و عيونهم مليانه دموع و الاتنين مبتسمين
دخلوا الشباب على المنظر في صدمه و سكوت وسط صراخ البنات
مريم بعياط و بتجري عليهم :حور ريان قوموا قوموا يلا ونبي عشان خاطري.. يلا
يا حووررر
حلا:ريان قوم يا ريان عشان خاطري متسبنيش لوحدي يا ريان.. مين هيطمني يا ريااان لاااا عشان خاطرييي.. شوفت أن انت موفتش بوعدك ليا.. شوفت
توجي تقريبا قربت تفقد الوعي من اللي بيحصل و هي مش مصدقاه :ممتوش صح.. بتعيطوا ليييه مماتوششش عايشين.. وقعت على ركبتها و مكانتش قادره تبطل عياط ولا مصدقه حاسه انها في حلم
فريده :قوموا ونبي انتوا عايشين اكيد ممتوش لااا... اسعاااااف بسرعههههه... انتوا متعيطوش لا هما عايشين.. لاااا اسعاااااف
الولاد كانت عنيهم مليانه دموع من المنظر
مالك :اتمالكوا كل حاجه قضاء و قدر والله
فريده :اخرسسسس متقولش كده هما عايشين
فرح :هو ريان دايما كده.. اه بيحب يخضنا بس صح.. هو.. هو هيقوم.. ه.. هيقوموا دلوقتي.. حور يلا قومي يلا انتي مش كنتي بتحلمي باليوم ده عشان خاطري ونبي قوم يا ريان
نور كانت بتحاول تهدأ عشان تهديهم بس هي مكنتش قادره تتكلم و بتخاف من الدم فكانت مصدومه و جسمها بيترعش و وشها بيبيض و شايفها بتزرق و بتحاول تهدي نفسها بس يوسف خد باله و عشان دكتور اتعامل مع الموقف و فضل يهديها و هي بتهدا
ليث :لازم نكلم الإسعاف عشان يطلعوا تصريح دفن من المستشفى
مريم:اسكتتتتت دفن لمين دول عايشين
عمر : وحدوا الله انتوا مؤمنين
غيث :انا طلبت الإسعاف و جايين
بعد ربع ساعه من العياط و الصريخ و الصدمه جت الإسعاف و شالتهم بس كان القدر لعب لعبته و روحهم كانت في سابع سما
ركبت مريم مع عربيه الإسعاف و مالك و فريده و زين و حلا في عربية مالك و فرح و نور و توجي في عربية يوسف و غيث و ليث و عمر في عربية عمر و ماشيين ورا عربية الإسعاف
وصلوا المستشفى و دخلوهم العمليات
الدكتور خرج من اوضه العمليات: البقاء لله الحالتين ماتوا
مريم : هما مين دول اللي ماتوا
فرح: يعني ايه ماتوا يعني
حلا : لا لا لا ريان مش هيسبني لوحدي
توجي : مفيش حاجه من دي حصلت انتوا كدابين
حلا فقدت الوعي تماما هي و توجي و فريده دخلوهم اوضه و علقولهم محاليل و دخل مالك و زين وراهم
نور رجعتلها نفس حالتها وراحت تقعد لوحدها
وفضلت تقول بصوت واطي: لا محصلش لا ممتوش لا
راح يوسف عشان يحاول يهدي الحاله دي فرح راحت تحضن مريم ومشعارفين هيعملو ايه
فرح: مريم خليهم يقوموا يا مريم هما بيسمعوا كلامك بس
مريم: هما هيقوموا اه وسعي كده ...انتوا مغطين وشوشهم ليه كده هيتخنقوا حور يا حبيبتي قومي قومي بصي مش هخلي حد منهم يدايقك ب الكلام ....ريان ريان قوم يا حبيبي يلا قوم بص هخليك تقعد معها ب براحتك خلاص بقي كفايه كده عرفت غلاوتك يا عم بقي قوم مش هتسبونا لا مينفعش قووم انت و هي بقي
الممرضة :لو سمحتوا اتفضلوا اطلعوا عشان هيروحوا التلاجه
فرح :لا لا اسكتي
مريم :انتوا كدابين دول عايشين مماتوش.. والله بحبكوا قوموااا مش هقسا عليكوا تاني والله
عمر و غيث راحوا يجروا علي مريم و فرح عشان يطلعوهم
غيث : يلا فرح قومي
عمر: مريم اهدي اهدي
مريم و فرح دخلوا في حاله هستيريه
بحكم ان عمر دكتور طلب من الممرضه تجبله حقن مهدئ
بدأ يدي الحقن لفرح و مريم و بدأوا يهدوا و يغيبوا عن الوعي و ناموا
عدا ست ساعات و هما قاعدين في اوضتين
نور و يوسف قاعدين في الاستقبال و معاهم ليث و زين و غيث و مريم و فرح في اوضه معاهم عمر و فريده و توجي و حلا في اوضه و معاهم مالك
ليث ليوسف و نور: لازم نبدأ نجهز للدفن
يوسف: نور ليث عنده حق بس انا مش عارف هينفع تيجوا بالحاله دي ولا لا
نور : لازم نيجي دول اخواتنا
يوسف :الله يرحمهم.. لازم دلوقتي نطلع تصريح دفن
ليث :ايوه عشان نقدر ندفنهم
عمر من وراهم: تمام انا هروح اجهز كل حاجه ، يوسف تعالي دقيقه
يوسف: حاضر
عمر: مريم حالتها مش كويسه و انا متأكد انه مش هيبقي سهل تحضر الجنازه
يوسف: محدش هيقدر يمنعها و انت عارف سبها يا عمر هي بتعرف تقف علي رجلها كويس
عمر بتنهيد :عارف يا يوسف
_____
حلا فاقت بس كل اللي بتعمله أن هي باصه في السقف و مبتنطقش و دموعها بتنزل و بس
توجي فاقت بس ضمت رجليها و حطط رأسها بين ايدها و عماله تعيط
فريده قامت عدلت نفسها و بتعيط قعدت جنب حلا و بتحاول تتكلم معاها
مالك :هي فايقه بقالها ربع ساعه تقريبا و مش بتتكلم
فريده بعياط :يعني ايه مش بتتكلم.. انت مش فاهم حاجه اسكت حلا كويسه
توجي قامت فضلت تهز في حلا براحه :حلا فوقي ونبي
مالك :انا هنده ليوسف
مالك نده ليوسف و ليث و نور و دخلوا و مريم و فرح فاقوا و راحولهم الاوضه بس مريم كانت مبتتكلمش و في عالم تاني وسط عياط البنات علي موت ريان و حور و كمان الحاله اللي حلا فيها
يوسف حاول يتكلم مع حلا بس هي مبتردش
يوسف :عندها صدمه عصبيه من اللي حصل
توجي :ليه يارب كده
فريده :عملنا ايه عشان يحصل فينا كده
_____
سبها يا عمر هي هتعرف تقف علي رجلها كويس..... عملنا ايه عشان يحصل فينا كده ..... ليه يارب كده.......هي هتعرف تقف علي رجلها كويس .....ليه كده ....هتقف علي رجلهااا ...عملنا ايه عشان يحصل فينا كده.....هتعرف تقف علي رجلها
فرح: مريم اصحي يا مريم مريم
___________