هنفضل صحاب

الفصل العاشر

الشباب مشيو و اتفقو و زياد بقي يقابل مريم علشان المهمة و نور عرضت علئ حلا بعد ما حلتها تتحسن تنقل عند نور و تقعد معاها و البيت بتاع حلا هيتباع  و الكل رجع لشغلوا و حياتوا زي الاول

____________________

عند فيلا ريتاج الشفعي
توجي: ايادددد أوف بقي هات الموبايل يا ايادد
اياد:بس يا بت سبيني اتصل و هدهولك
توجي:اوففف بقئ رخم
روز بغضب:في ايه بس ايه قلت الأدب دي
توجي:يا مامي هو الاخ..ايه ده احم مين هنا يا مامي 
روز :دي مامت يوسف يا حبيبتي....طنط امل
امل:ازيك يا حبيبتي عامله ايه كبرتي و بقيتي قمر مشاءالله
توجي:مرسي ياطنط انا داخله جوه بقي
امل:ها قولتي ايه عل موضوع اللي قولتلك عليه
روز :انا عنفسي معنديش مانع بس هي بقي هبله و دماغها زي الجزمه
امل:متخفيش هنعرف نحل الموضوع ده
روز :يارب انا عايزه افرح بيها بس هي كلمتني عن يوسف قبل كده ف اشك انها هتوافق عادي
امل :هي قمر و يوسف لما يعرف اكيد هيوافق  لأنه عارفها فمتخفيش
روز :احنا نخطط و نشوف ازاي نخليهم يتقبلوا
امل :علي بركه الله يبقي هنشوف هنعمل ايه و نبلغ بعض
روز:تمم يا قمرر

امل كانت شايفه يوسف بيكبر و عايزه تجوزه و زي اي ام مصريه عايزه أحفاد
امل :حبيب ماما صحصح معايا يلا عشان نفطر
يوسف قام و هو مستغرب :حبيب ماما! و فطار! عايزه ايه يا لولو انا حافظك
امل :ماشي يا بكاش.. انا جايبالك عروسه
يوسف رجع نام تاني :انا مرتبط يا ماما..
امل ضربته بالمخده :نهارك اسود من ورايا يا واد
يوسف :يا ماما فهمتي ايه بس.. انا مرتبط بشغلي و المرضي بتوعي
امل:دول مجانين مش مرضي
يوسف :و مين بسلامتها دي
امل :ريتاج
يوسف :اه حلو..... مين!!!
امل :ايه.. تعرفوا بعض من و انتوا صغيرين و البنت متتعايبش و حلوه و لطيفه و مصممة ازياء شاطره و مشهوره كامله من مجميعه
يوسف :ماما ريتاج اختي مستحيل اتجوزها.. ده من سابع المستحيل... سابع ايه.. ده من سبعتاشر المستحيلات
امل :ولا... بلاش غلبه يلا قوم و هتتجوزها مفيش نقاش
يوسف كان عارف ان مامته هتفضل تزن عليه و متأكد ان ريتاج مش موافقه زيه بس كان بيحاول يشوف هيتصرف ازاي
__________
روز :توووجيي يا توجيي
توجي :ايوه يا مامي في ايه
روز :تعالي عايزاكي في موضوع
توجي :نعم يا مامي
روز :في عريس متقدملك
توجي :مامي.. انا كلمتك في الموضوع ده كتير انا مش موافقه
روز :اعرفي هو مين الاول
توجي :ومين الرزل ده
روز :بنتتت... ادب.. ده دكتور كبير عيب كده
توجي :يا مامي مين هو يعني مجدي يعقوب مثلا
روز :لا يا خفيفه يوسف
توجي :يوسف مين
روز :ابن طنط امل و اظن عارفين بعض من زمان و هو دكتور اد الدنيا..
توجي:لو اخر راجل مش هتجوزه سبيني ونبي يا مامي دي ظروف تكلميني فيها في موضوع زي ده
روز :ايه يعني هو الفرح بكره.. مجرد خطوبه
توجي :لا يعني لا
روز :مفيش لا.. في اللي انا اقوله
دخلت توجي الاوضه و فضلت تعيط و طبعا كلمت البنات و قرروا يتجمعوا عند نور
__________
فريده :ايه يابنتي جيبانا علي ملي وشنا ليه
فرح :مسيبانا شغلنا ليه يابت في ايه
مريم :ادوها فرصه تفتح بؤها
توجي :مصيبه
حلا: ايه هي
توجي : مامي عايزه تجوزني يوسف
نور حست بقبضه في قلبها و عينها بدأت تدمع
توجي قامت قعدت جنبها
توجي :صدقيني والله العظيم مش في دماغي و عمري ما هوافق يا نور انتي اختي مستحيل اعمل كده
فريده :مش وقته لازم نشوف حل
نور : و الحل ايه
مريم :الاول لازم نعرف رأي يوسف
فرح:حد يكلمهم يجوا عشان نشوف
نور :مش انا
فرح :ولا انا
حلا :مش قادره
مريم :مفيش غيرها
فريده :بتبصولي كده ليه🙂
فرح :كلمي يوسف
فريده :مليش دعوه يكون مالك جنبه
مريم :هكلمه انا
و مريم كلمته و قالتله يجي و طبعا كلهم جم
يوسف :انا عارف القعده دي ليه
غيث :طب ما ترسينا ياعم بدل ما جايين علي ملي وشنا كده
يوسف :مامت توجي و مامتي عايزين يجوزونا لبعض
الكل اتصدم و بذات ليث.. مكنش عارف هو ليه ادايق بس الاكيد ان هو خلاص حبها
ليث :يعني
فريده :اظن واضحه
فرح :مش جايبنكوا تتصدموا.. اتصرفوا
مالك :و انت رايك ايه يا يوسف
يوسف :يبني توجي اختي استحاله انا و هي نبقا لبعض
توجي :ده رايي
ليث بدأ يفرح شويه ان هي رافضه :ما انتوا الاتنين رافضين يبقا تقدروا تقفلوا الحوار بسهوله
عمر :ايوه بظبط
يوسف لاحظ ان نور مدايقه و هو عارف انه اكيد بسبب الموضوع ده كان باصصلها و هي كانت بتتفادا نظراته
مريم :طيب بما اننا متجمعين يبقا اكلم زياد يجي عشان نبدا نشوف هنعمل ايه
فريده :اه كلميه يجي
حلا :كفايه الفتره اللي قعدينها دي لازم نركز
فرح :الله اكبر
مالك و عمر كانوا بيغلوا بس الفرق ان عمر عارف و مالك مش عارف اي حاجه خالص.. كان مدايق عشان فريده مقربه اوي من زياد و بيتعاملوا كتير و بيتكلموا
زياد جه و قعدوا كلهم سوا و مالك و عمر مكانوش طايقينه بس عمر كان بيداري و مالك لا
زياد :وصلتوا لحاجه
فريده :انت فاهم غلط احنا مبدأناش في حاجه
زياد :لسه زي ما انتوا بطئه
مريم :بس البطء بيجي من وراه خطه متينه تقدر تجيب كل حاجه في ثانيه
فرح :لازم نفكر كلنا و نشوف هنعمل ايه
ليث :هو انتي يا مريم امن دوله ولا داخليه
مريم :انا لو امن دوله كنت حكيت كل حاجه بالساهل كده!! لا طبعا داخليه بس في مهمات بطلعها تبع امن الدوله
عمر :بردو هنعمل ايه
مريم :اللي احنا ممكن نستفاد منهم اوي مالك و ليث و غيث
مالك طبعا فرح جدا فرحة الاهبل عشان هيبقا جنب فريده
مالك بفرحه :ازاي
فريده وشوشت مريم :يا عيني ده طلع اهبل
مريم بهمس :بس يابت بلاش عبط
مريم :احم.. بما انكوا رجال اعمال مشهورين يبقا تعرفوا ناس نقدر نجيب منهم معلومات عن اي حركه غريبه او حاجه زي كده
زياد :و طبعا احنا علينا التنفيذ
فريده :ايوه يا زياد بس انت جيش
زياد :بصي الضروره احكام
فريده :اقنعتني
مالك رجع يغلي تاني
قعدوا بتكلموا شويه و بيحاولوا يشوفوا هيعملوا ايه
زياد :استأذن انا بقا عشان اتاخرت
سلم علي البنات و الشباب و مشي
عمر و مالك كان فاضلهم ثانيه و يطلعوا نار من ودانهم و عينهم بتطلع غضب
واللي انقذ الموقف انه التليفون بتاع مالك رن
مالك: عن اذنكوا هرد
الكل: اتفضل
مالك طلع البلكونه
عمر : يوسف بعد اذنك عايزك ثانيه
يوسف : حاضر ....ايه
عمر: واضح انه مالك قافش من زياد عشان فريده بتكلمه و كده فعايزك معيا نفهمه و لا ايه
يوسف: اه طبعا انا كمان كنت بفكر في كده اصلا ..يلا
راحوا عند مالك في البلكونه
مالك: ايه في حاجه ولا ايه
يوسف: عايزين نتكلم معاك شويه و اظن انه مبقناش اغراب يعني ولا ايه
مالك: اه طبعا يا باشا اتفضلوا
يوسف: بص انا و عمر خدنا بالنا انك قافش من زياد عشان فريده بتتكلم معاه و كده هو مش احنا بس الصراحه هو الكل يعني فكنا عايزين نفهمك حاجه
مالك: احم ....هو باين اوي كده
عمر: يا سيدي ولا يهمك عادي يعني الكل عارف انه لولا الظروف دي كنت هتبقوا مخطوبين
مالك: انشاء الله ادعي انت بس ...انا بردو مش فاهم زياد ايه علاقته بفريده و ايه حكايته اصلا عشان مش مطمنله
عمر: ماشي يا سيدي بص انا و زياد و يوسف و مريم نعرف بعض من سنين و بحكم انه مريم و فريده و البنات بشكل عام صحاب جدا فكان اللي بيدخل حياه مريم هما بيعرفوا و احنا كنا اقرب من ما ممكن تتخيل بس زياد كان قريب منها قبلنا بكام شهر و في الفتره دي حبها و اتغير بشكل غريب بسببها و ممكن تكون شايفه ظابط جيش محترم كده فهي ليها فضل كبير في كده و هو راح و اعترفلها و دخلوا علاقه فعلا بس مكملتش شهر حته علي بعضه و بعدت عنه لانها كانت مبتحبوش و بما اننا كان يربطنا في النهايه تمرينات و كده كانوا بيشوفوا بعض و هو فاتحها كذا مره و ديما ردها واحد استني بتاع عشر سنين و يحلها الف حلال و بالفعل فضل مستني و في الوقت دا كنا قربنا من بعض و كنا معرفين احنا تلاته بشكل عام انه اد ايه علاقتنا كويسه و انا و مريم اننا مختلفين و حبينا بعض يا سيدي بس مكملناش المهم فريده دلوقتي بتتعامل معاه كده لسببين اولا انه هي طول عمرها تلقائيه و هو بالنسبه ليها اخ مش اكتر ثانيا عشان تبين لي اد ايه انا كنت قليل الاصل و انه هو اللي وقف جنبها يعني فريده و زياد مجرد اخوات فاهم
مالك: لا دا انتوا شكلكوا حكايه فعلا انا عايزه اعرف كل حاجه
يوسف: دي حقيقه بس مش وقته كل حاجه هتتعرف ...(بص لعمر) ....و الكل هيعرف الحكايه ولا ايه يا عمر
عمر: اه اه اكيد
زين،: بتتكلموا في ايه يا شباب
مالك: لا ولا حاجه ...في حاجه ولا ايه
زين: اه مريم عايزنا كلنا
عمر: ماشي يلا
راحوا عندهم
يوسف: ايه في ايه
مريم: اقعدوا بس كده و انتوا يا بنات قوموا اعملوا حاجه نشريها عايزه الشباب في حوار
البنات : حاضر....و قاموا
مريم: اقفلوا الباب كويس مش هتسمعوا حاجه بلاش حركات العيال دي
فرح: احم طيب اوكي من عنيا
ليث: ايه يا مريم كنتي عايزنا في ايه
مريم : انتوا بقيتوا زي اخواتنا دلوقتي و انا واثقه فيكوا و الدليل انه انتوا قاعدين وسطنا اهو
غيث: اكيد يا مريم
مريم: طيب حلو اوي انا واخده بالي كويس اوي كل واحد فيكوا بيقرب ازاي و بيتلحلح ازاي ه و بيتعصب ليه دا غير اللي بيكرهوا زياد طبعا ، بصو انا مقدره انه مشاعر و انتوا متقدروش تتحكموا فيها بس اكيد مدركين انه الظرف مش مناسب يعني للكلام دا فياريت نمسك نفسنا شويه و الاهم من كده البنات بتكره العلاقات بسبب حجات كتير يعني انتوا كده بتكرههم فيكوا مش اكتر فياريت تخفوا شويه اما زياد فمتخفوش هو مجرد اخ للبنات مش اكتر اتفقنا ولا ايه
مالك: اتفقنا و انا بعتذر عن تصرفاتي
عمر : وانا كمان بعتذر لو عملت اي حاجه تتدايقكوا
مريم: مظنش انه الموضوع يخصك بشكل خاص يا دكتور عمر يعني مفتكرش انه ليك حد من هنا تحبه ولا ايه .....يلا يا بنات تعالوا