هنفضل صحاب

الفصل الرابع عشر

مالك و فريده خلصوا و ركبوا العربيه و اتحركوا ناحية المستشفي و دخلوا المستشفي و طول ما هما ماشيين فريده ماسكه في مالك و خايفه و مالك بيحاول يهديها
مالك :يابنتي اهدي اتعاملي عادي
فريده :يا مالك خايفه
مالك :متخافيش طول منا معاكي
فريده بصتله و حست فعلا انها مطمنه و بعدين ابتسمت بخجل
مالك :الله الله منتي حلوه و بتتكسفي زي باقي البنات اهو.. اومال مصدرالي وش الكلب علطول ليه
فريده :مش وقتك يا مالك خالص
مالك :حاضر.. تعالي نسال اي حد
فريده بخوف :لا بلاش ممكن يروحوا يقولوا لسيف الواديدي و نتكسعب احنا
مالك :طيب تعالي ندور ف اي حته يمكن نلاقي حاجه
فريده :ماشي يلا
دخلوا مبني كان عباره عن دور واحد و بدروم و نزلوا البدروم لقوا تلات اوض و الدنيا ضلمه و المكان محاوط بشبابيك و كلهم مقفولين بخشب و المكان مش داخله شمس
فريده مسكت في دراع مالك جامد و غمضت عينها :يا ماميييي صرصار يا مالك صرصاررر هياكلني
مالك بضحك:متخافيش مش هياكلك انا هموته
فريده:ونبي بسرعه
مالك :حاضر حاضر اهدي ده صرصار
مالك سرح شويه في شكلها الطقولي و هي مغمضه عينها و ماسكه في من خوفها
مالك:لو هتبقي كده يبقا اتخضي علطول
فريده سابت دراعه :سوري بس كنت خا...
مالك شد ايدها و مسكها:ششش مفيش سوري
فريده :مالك مش وقته.. فوق هنروح في داهيه
مالك :حاضر يا فصيله.. علي فكره شكلك حلو اوي و انتي خايفه
فريده بخجل :اسكت بقا يلا
مالك ضحك :يلا.. ادخلي دي و انا هدخل دي
فريده :وحيات امي ابدا رجلي علي رجلك
مالك بضحك :جايب بنت اختي معايا
فريده :نينيني رخم
دخلوا اوضه لقوا مفيهاش حاجه و ريحتها وحشه و كلها تراب موجود بس سرير و عليه دم بس دم قديم و كرسي مكسور و شباك مقفول زي باقي البشابيك بالخشب
طلعوا و دخلوا تاني اوضه لقوا فيها تلاجه كبيره و فيها برطمنات ازاز و جواها حاجات و الارض مليانه دم و سرير مليان دم و ادوات عمليات علي ترابيزه
فريده بخوف :يا مامييي ايه ده يا مالك
مالك :ينهار اسود.. دي مشرحه تقريبا.. اكيد ده المكان اللي بيعملوا فيه عمليات المشبوهه اللي هي بتاعت الاعضاء
فريده :مالك المكان مرعب اوي
مالك :متقوليش مالك ونبي هكتب عليكي حالا
فريده ضربته في كتفه :مش وقتك... ايه ده في اسامي ناس اهي
مالك:اكيد الناس دي اصحاب الاعضاء دي
فريده :طب يلا بسرعه قبل ما حد يجي
مالك:ماشي هصور الاول
و صور مالك كل حاجه و خرجوا من الاوضه و جم يمشوا سمعوا صوت جاي من الاوضه التالته
دخلوا الاوضه لقوا ولد حوالي 18 سنه مربوط في كرسي
الولد :ونبي مشوني من هنا
مالك:انت مين
الولد: مش وقته فكوني بسرعه و هحكيلكوا كل حاجه
مالك و فريده فكوه و خدوه ركبوا العربيه و مشيوا
________________

ليث و توجي خلصوا و راحوا علي المخزن اللي متفقين عليه و ركنوا العربيه بعيد شويه و دخلوا لقوا سيلا (الدراع اليمين لكمال النصراوي) قاعده علي كرسي و اودامها واحد علي ركبته ايده مربوطه
سيلا :قولتلك يا وائل.. شغلي مبيتغلطش في
وائل :انا اسف اخر مره صدقيني
سيلا :تؤ تؤ تؤ
راحت ساحبه مسدس و ضربته بالنار
سيلا :يلا يا حسن شيله جنب اخواته.. علي ما اخد البريك فاست بتاعي زي كل يوم ارجع الاقي الشغل ماشي كويس.. مبنهزرش احنا
حسن :اوامرك يا بوص
ليث و توجي جريوا ناحية العربيه و ركبوا لقوا سيلا طلعت ركبت عربيتها و مشيت فمشيوا وراها
توجي :احييهه احييه واحد اتقتل اودامي
ليث :اهدي دول مبيهزروش يعني لو خدت بالها اننا وراها هتفلقنا اتنين وش
توجي :عايزني اشوف واحد بيتقتل و اسكت انت عبيط انت كمان
ليث:بصي احنا هنفضل وراها طول اليوم بس لازم يكون من بعيد لبعيد
توجي :دي اكيد عينها في وسط راسها
ليث :متخافيش.. طول ما احنا مع الصح يبقا اكيد ربنا معانا
توجي :يارب يا ليث
راحت سيلا الكافيه فضلوا مستنينها نص ساعه و بعدين خرجت مشيوا وراها لقوها رايحه مخزن في مكان مقطوع و ركنت عربيتها و دخلت و هما ركنوا بعيد و مشيوا ناحية المخزن
لقوا راجل قاعد علي كرسي و هي واقفه اودامه
الشخص :يعني ايه يا سيلا.. ايه التهريج ده.. انا محدش بيغلط هنا
سيلا بدلع :متخافش يا باشا خد حقه خلاص
الشخص :ركزي في شغلك يا سيلا مش عايز غلط.. كمال النصراوي مبيغلطش
سيلا :اسفين يا باشا.. ركز انت في منصب البوص اللي مترشح في
ادم (ابن كمان النصراوي) :لسه مش اكيد.. جاتلي طراطيش كلام انه مرشح رئيس المافيا
سيلا بدلع :و هو يستاهلها اوي يا باشا
ادم :اهم حاجه الصفقه تمشي زي ما هي.. البوص مش فاضي و انا اللي بقيت بباشر اليومين دول
سيلا بدلع اكتر :عيب عليك يا باشا.. اومال انا بعمل ايه
ادم :مش عايز دلع يا سيلا.. ركزي مع رجالتك شويه
سيلا : حاضر يا باشا همشي انا بقا يا .. هنسلم الصفقه بليل الساعه 11 بظبط في  مرسي المراكب
ادم :عال اوي.. مش عايزه غلط يا سيلا
سيلا :متخافش يا باشا.. سلام
مشيوا ليث و توجي جري ناحية العربيه و هي طلعت ركبت عربيتها
ليث :احنا لازم نكلم مريم
توجي :ماشي بسرعه
ليث كلمها و حكالها هما سمعوا ايه
مريم :حلو اوي.. خليكوا وراها و ابعتلي شير لوكيشن عشان اجي في المعاد
ليث :ماشي حاضر
بعتلها شير لوكيشن
توجي :قالتلك ايه
ليث :قالت خلينا وراها
توجي :بس انا خايفه
ليث بصلها جامد :متخافيش.. انا معاكي
توجي فرحت ان هو جنبها و معاها و بقت مطمنه و هو جنبها دايما
توجي :طب يلا وراها
ليث :يلا
و مشيوا وراها
_______________