هنفضل صحاب

الفصل التاسع عشر

عدا كذا يوم و هما في اسكندريه
كانوا من احلي و اسعد ايام مالك و فريده.. مكنش محسسها ان هي تعبانه و دايما معاها
عمر كان بيحاول يتكلم مع مريم بس هي جواها شعور بيقولها ان في حاجه هتحصل قريب و مخوفاها
ليث كان دايما قريب من توجي و بيحاول يعترفلها بس مكنش عارف ازاي
غيث كان بيحاول يتكلم مع فرح و يفهمها انه محبش غيرها و مش هيحب غيرها بس هي مش راضيه تصدقه
زين بيقرب من حلا كتير بس طبعا عندها الاكل نمبر وان في حياتها
يوسف كان مستني رد نور عليه و يا ترا هتوافق ولا هترفض
رجعوا كلهم القاهره و قرروا بعد كده يتجمعوا في بيت المزرعه و ميقفلهوش
توجي :سيب شنطتي يا سخيف
ليث :انتي ملبوسه.. مش انتي قولتيلي خد حطها علي الترابيزه
توجي :غيرت رأيي عادي يعني مش حوار
ليث :مش هرد عليكي.. تدري ليش؟ عشان انا مؤدب
توجي :جداااا ده انت بتنقط ادب يا جدع
ليث :ان كان عاجبك
توجي :و لو معجبنيش يعني هتعمل ايه
ليث شدها من ايدها و وقف اودام كل اللي قاعدين و هي مش فاهمه في ايه
ليث :ركزوا معايا.. في واحده هبله كده اول ما شفتها قولت دي هربانه منها يس شويه شويه ببرائتها و طفولتها شدتني ليها.. حبيتها.. حبيتك يا توجي.. ايوه حبيتك متستغربيش.. حبيت كل حاجه فيكي.. حبيت تفاصيلك.. وشك الابيض لما تيجي تعيطي و اللي دايما لونه احمر.. شكلك البرئ و انتي نايمه في العربيه شبه الاطفال.. حتي خوفك.. لما بطنك توجعك و تاخدي جنب تعيطي.. شعرك النازل علي عينك.. عينك اللي بتقفل لما بتضحكي.. كل حاجه فيكي.. بحبك.. ايوه بحبك.. و بطلب ايدك اودامهم كلهم
مد ايده ليها.. تسمحيلي تكوني ليا لوحدي.. بطلب ايدك من مريم.. ونبي وافقوا
كلهم كانوا مبسوطين جدا و توجي فرحتها مكنش ليها حدود
مريم :انا موافقه الدور و الباقي علي المفعوسه دي
توجي :هوافق بس بشرط
ليث :تؤمري
توجي :تجبلي مصاصه كتير كل يوم
ليث :بس كده.. طبعا اجبلك
توجي :خلاص موافقه
ليث حضنها و شالها من فرحته انها وافقت
مالك :بتقلدني يعني
ليث :ملكش دعوه انت
مريم :انت بتحضنوهم و انا قاعده كده عادي كيس جوافه ولا ايه
حلا باستها في خدها :جوافه قمر والله
مريم :ماشي يختي كلي بعقلي حلاوه
مالك :خلاص نعمل خطوبتي انا و ديوديو و ليث و توجي في يوم واحد
فريده قلعت الشبشب و حدفته علي مالك :لو قولت ديوديو دي تاني هسفخك بالقلم
مالك :هه اسف.. قفوشه اوي
فرح :جدعه يابت اديله متسكتيش
توجي :طيب هاتلي مصاصه بقا
ليث :انا غلطان تصدقي بالله
توجي :خلاص اسحب كلمتي بقا
ليث :طب اسحبيها كده عشان اسحب روحك منك
توجي :يا مامي.. ده طلع عبيط يا جماعه
ليث :انا عبيط ولا انتي اللي هبله
توجي :انا هبله يا ل....
مريم :خلااااص جتكوا البلا بتكبروا تتهبلوا مش تعقلوا.. مفيش خطوبه غير بعد العزا و العزا بعد حقهم خلاص خلصنا
فريده :احسن بردو مش مؤهله نفسيا
نور:مش مؤهله ايه يعنيا!!
فريده :نفسيا
سما :سكتوها يا جماعه
ضي :اقتلوها
فريده :غوري يابت انتي و هي
عمر :ابقا هاتلها مصاصه كتير احسن تبلعك يبني
ليث :انا هفلس بسبب المصاصات دي انا عارف
توجي :ان كان عاجب يعني
ليث :عاجب يباشا
فريده :رجاله تخاف متختشيش
مالك :جماعه انا مسيطر بس هي اللي مهزئه
فريده حدفت عليه الشبشب التاني :انا اللي مهزئه يا حلوف
يوسف :هو مش المفروض انتوا في حكم المخطوبين فين المحن
مريم :لا لا دي تربيتي مفيش الكلام ده غير بعد الجواز
مالك :ايوه بس مش لدرجة اني اقولها امبارح امتي هاكل من ايدك تقولي لما تتشل!!
فريده :انت اللي بتقول كلام غير منطقي
مريم :عندها حق
ليث :انتي ناويه تبقي كده
فرح :لا لا متخافش
ليث :الحمد لله
نور :توجي ولا ممحنه ولا دبش
حلا :مبتتكلمش اصلا
ليث:اصلا!!
توجي مسكته من هدومه:عندك مانع
ليث :يسطا اعمل اللي يريحك
كلهم ضحكوا و هزروا سوا
بعد اسبوع قعدو و راحو بيت المزرعه و قعدو كلهم هناك
ليث: قولي لامك اني جيلكم بكره
توجي: امك؟؟ اسمها طنط
ليث: لا امك بقي ان كان عاجبك
ودخل زياد
:أهلا بالحبايب
زين: أهلا يا عم
غيث:اقعد يا اخويا
البنات:أهلا
عمر بصلو :زياد ممكن اتكلم معاك شويه
زياد: اكيد تعالي ننزل تحت في الجنينة
ونزلو تحت
عمر: بص انا عارف انك مش طايقني بعد الدبش اللي انا حدفته في وشك، واني كنت بعاملك وحش دايما، وبقولك انا اسف علي كل حاجة واي حاجة متزعلش مني.
زياد: لا مفيش حاجة ياعم انت اخويا وكل حاجة.و انا كمان اسف علي القلم الخماسي ده
بس كنت حابب اوضح علاقتي انا ومريم، مريم دي تبقي اختي مش اكتر من كده بس انت بقي اللي غبي و بتفهم غلط
عمر :خلي قلبك ابيض بقي
طلعو فوق وقضوا اليوم وجه اليوم اللي بعديه اللي ليث هيروح يطلب ايد توجي من مامتها.
روز :انت يابنتي قومي نضفي معايا هو عريسي و لا عريسك
توجي : في ايه يا مامي
روز: في زفت علي دماغك قومي يا بت جهزي نفسك ده ايه الخلفه السوده دي قومي يا توجي
توجي:خلاص يامامي قايمه
توجي راحت اوضتها: اممم....اعمل شعري ويفي ولا ستريت.
روز:يلا يا زفته بدل ما اخليكي ستريت علي الارض
توجي :يوووه بقا
الجرس رن وتوجي راحت تفتح، وكانو البنات.
مريم: ازيك يا طنط.
سلمو علي مامة توجي كلهم.
فريدة: تعالي يابت لما نجهزك.
نور: انا هساعد طنط.
الباقي راحو يجهزوا توجي.
توجي: لا انا مش عايزة شعري ستريت خليه ويفي.
فريده :اخرسي يا توجي مش عارفه احطلك زفت.. بيحطوه ازاي ده
توجي :مليش دعوه عايزه شعري ويفي
فرح: ماشي اتهدي بقي.
حلا: عندكو اكل ولا مش هناكل.
توجي :عندك في المطبخ خشي كلي
مريم: هناكل اصبري، افتحيلي بقا دولابك اما نشوف هتلبسي ايه
توجي :لا
فريده: ايه.. هتقابلي الواد بالبيجامه
توجي :انا خايفه اتجوز
حلا :انتي شوفتيه جاي بالمأذون.. انجزي بقا
توجي :يووه حاضر
توجي جهزت و لبست دريس كافيه قصير و عليه هيلز ابيض و سيبت شعرها والباب رن.
روز راحت فاتحت : أهلا يا عريس اتفضل..... أهلا يا عمو
اتفضلو... 
ودخلو و قعدو
روز: أهلا وسهلا ازي حضرتك
ليث: الحمدلله ياطنط
روز باستغراب : طنط لا يا حبيبي قولي روز عادي
امال فين اهلك يا حبيبي
ليث: معنديش غير  جدي ربنا يخليهولي اهلي ماتو من وانا صغير و جدو هو اللي رباني و يعتبر كل اهلي
روز : ربنا يخليهولك يا حبيبي
الجد: خلينا نخش فالموضوع علطول احنا جايين نطلب ايد بنتك ريتاج ل ليث ابني
روز: طبعا ده يشرفنا بس مش نتفق الاول
بين البنات
حلا: امك هتبوظ الجوازه
مريم : دي روز، مفيش حاجه تعدي غير لما تحط التاتش بتاعها
فريده: الواد هيطفش
عند ليث
الجد : طبعا كل حاجه تطلبيها هنعملها الفيلا موجوده و كل حاجه جاهزة
روز :و الشبكه؟
ليث :اللي حضرتك و العروسه تقولوا عليه و احنا موافقين
روز :خاتم الماس
ليث :موافق
روز :و انسيال الماس
ليث :موافق بردو
بين البنات
فريده :حلو الشبكه دي هطلبها من مالك
مريم :امك بتقوله قوم امشي بشياكه
حلا :اتلحلحي كده و خدي العصير و خشي
توجي :لا ونبي بلاش انا هوقعه عليهم والله
نور :انجزي بقا هتبقي ست بيت ازاي
فريده : و هي ماسكة الصنيه هي اللي هتخليها ست بيت ايه يعني مش لازم
مريم :ادي دقني ان ما انتوا الاتنين روحتوا معانا يوم الفرح مش تاني يوم بقا
توجي :طب حد غيري يدخل
فرح :هو احنا اللي عرايس ولا انتي
توجي :فريده كمان عروسه تخش هي
فريده :سبيني في حالي وحيات روز
توجي :كلاب.. هاتي يختي
و توجي دخلت و قعدت
ليث :انا مقدر ان حضرتك بتضمني لتوجي مستقبل بس ده كتير
روز :انا بتكلم بالاصول
ليث :الاصول مبتقولش اني اجيب فيلا في الجونه و فيلا في زايد ده غير اللي هنعيش فيها.. انا هجيب علي اد مقدرتي و الفيلا اللي هنعيش فيها ممكن اشطبها من دلوقتي
روز :خلاص تفتحلها حساب في البنك
بين البنات
مريم :انا داخله الوليه هتطفش الواد
ليث :ايوه بس...
مريم :ايه يا روز احنا بنشتري راجل و بعدين دي كلها شكليات و تيجي بعدين يعني
الجد :مظبوط كده
روز :اوك
ليث بفرحه :نقرا الفاتحه بقا
و قروا الفاتحه و كانوا مبسوطين جدا
اتفقو علي كل حاجة وتوجي كانت فرحانة جدا وليث كمان.
بعد ما عدا اسبوع و طبعا مالك و فريده عايشين جو العشق المفقوع و توجي قافره ليث كل يوم عشان يجبلها حاجه حلوة و هو رايح يشوفها و غيث حاول كتتيير يتكلم مع فرح ولكن لا حياة لمن تنادي و زين كان بيحاول يقرب من حلا و حلا لاول مره تتعلق بولد بس طبعا مبتبينش و يوسف طلع عينه في اقناع نور انه مش هيزعلها انه بيحبها و نور بدأت ترتاح له اما بقي مريم و عمر بدأوا يرجعوا زي زمان بس مريم المره دي حطت حدود كويس اوي بس قلبها مكنش بيطوعها ...قرروا انهم يتقابلوا يتناقشوا هيعمله ايه عشان النصراوي رجع ...
______
مريم: زي ما اتفقنا يا يوسف اول ما نخلص كلام تعمل انت الحوار دا
يوسف: علي الله نفلح
مريم: غوووور ياض
الكل جه حته زياد و قعدوا
مريم: طيب يا جماعه دلوقتي النصراوي رجع مصر و خلاص ناوي علي عمليه كبيره
زياد: في معلومات جاتلي انه لسه ميعرفش بالبنات اللي هربناهم و الولد حته
عمر: سيلا خبت عليه اكيد هي و ادم ابنه و من الواضح انه لو عرف ممكن تبقي نهايتهم
مريم: في معلومات وصلتلي ان الشحنه اللي جايه دي هتبقي مخدرات و اسلحه و اطفال او بنات بس مش اكيد وانها هتبقي بيعه كبيره جدا و هتكسب النصرواي ملايين و بالتالي هو قرر انه يروح بنفسه يحضرها
سما: و بعدين
مالك: مش محتاجه زكاء هنرقبهم و نمسكهم بالجرم المشهود
ليث:سقفه للمحقق كونان يا جماعه كده
فريده: هو دا مينفعش ولا ايه؟!
ضي: اكيد يعني مش سهله مش لعبت بلويس و حراميه
فرح: اه اكيد لازم اللي يتابعهم يبقي حد معاه تصريح بدا و دا معناه....
غيث: انه مفيش غير مريم و زياد
زين: حته تقريبا مينفعش زياد
حلا: ازاي يعني
يوسف: عشان زياد ظابط جيش مش دخليه يعني ملوش دخل بكل دا
نور: اتفق معاك في دي
عمر: يعني ايه يعني مريم اللي هتعملها لوحدها
زياد: اه مريم هي اللي هتعمل العمليه لوحدها و اظن انه مش هيبقي معها عدد كبير من العساكر كمان
مريم: بالظبط كده ممكن يبقي معيا خمسه سته ولا حاجه و بعدين يجي دعم
عمر: لا طبعا مينفعش ايه دا مستحيل
فريده: اكيد مش هتروحي لوحدك
يوسف و هو بيبص لعمر: ممكن يا زياد تروح معها حاول يعني هي هتبقي في امان
عمر بغيظ: و اشمعنا يعني
مريم: باااااس خلاص كفايه خلصتوا نقاشات اما نعرف المعاد امتي الاول يحلها الف حلال
سما و هي بتحاول تقلل التوتر :طب نغير الموضوع بقي
مريم و هي بتبص ليوسف: اها اظن كده
يوسف فهم: طب هستأذن بقي
نور: ايه دا ليه كده ...ما احنا لسه هنقعد
يوسف : تعبان و مخنوق شويه ....عن اذنكوا
نور: ايه يا سطي رايح فين كده انت شايفنا قراطيس لب يعني ما تقول في ايه مالك
عمر و فهم من نظرة مريم اللي بيحصل: اممم اه صحيح في ايه بقالك فتره مش عجبني ليه كده
يوسف: اللي شاغل بالي شكلوا مش ملكي و اللي خنقني تقريبا انه بيبعد ....سلام
نور: يوسف استني هنا ...عايزه اتكلم معاك دقيقه تعالي الجنينه
يوسف: ماشي ...نعم
نور: هو انت كنت تقصدني
يوسف: امال هقصد امي يعني هو في غيرك اللي مطلع عيني و مش محسساني انه موجود و كأنك كرهاني
نور بتلقائيه : انا و الله ابدا بالعكس ...احم يعني اقصد
يوسف: مسكتك ....بالعكس ايه بقي
نور: امشي يا يوسف غووور و ادتله ضهرها
يوسف مسك ايديها: استني هنا انتي هتقولي الكلمه و تتطلعي تجري
نور: ايه دا انتي اد الحركه دي
يوسف: يا ستي بقي شيلي ام وش الدبش دا و بصيلي كده ....انا تعبت والله كفايه بقي يا سيتي بقولك ايه انا طول عمري بارد و رخم اه والله بس عمري ما كنت اتخيل حد ارخم مني و ابرد مني كمان متبصليش كد بس عشان بخاااف .....عارفه بقي اهيه الضحكه  اللي مبتجيش غير كل فين و فين دي هي اللي خلتني احبك انتي برخامتك بقي ببرودك ببابا غنوبك بس حبيتك و حيات امي اللي هي حماتك بحبك و هشيلك في عيني الاتنين يا سيتي ....نزل علي ركبته،........اتجوزيني بقي طلعتي سرسفيلي يا شيخه
الكل بدأ يصفر و يسقف و نور اتكسفت طبعا
نور: ايه دا انتوا هنا من امتي
ضي: لا من ساعت امشي غووور يا يوسف😂
يوسف: اخلصي لحسن رجلي وجعتني بقي
نور: و انا موافقه و.....
يوسف: وحيات مريم لاتقولي ايه
مريم: ولا متحلفهاش بحياتشي الله
نور: بحبك يا عم الزفت يا رب نخلص😂
يوسف: الله و اكبر ظهر الحق ...وحضنها
عمر: لا معلش افهم انتوا ليه بتحضنوا
مالك : اما ربنا ينولك اللي في بالك هتفهم
عمر: يا اخي انا بحبك لله في لله ..يسمع من بوقك لباب السما
زياد: مكشوف و مفضوح يا واد
سما: وياريته نافع يا اخويا
حلا: مين هيشرب شاي معيا
يوسف قلع الجزمه و حدفها بيها: غووووري يا حلا من هنا غوووري
زين: والله تستهلي تعالي تعالي نعملهم طقم شاي😂
دخلوا قعدوا جوا و عملوا الشاي و قعدوا يدردشوا