هنفضل صحاب

الفصل السادس عشر

مريم طلعت من الاوضه و مفيش علي وشها اي ملامح و بتبصلهم ببرود و وقفت وسطهم: محدش هيكمل موضوع النصراوي و كله ينسي الحوار دا انا بس اللي هكمل فيه و محدش يتدخل
فريده :اهدي بس كده و استهدي بالله
حلا :شكلها شربت من اللي انا خدته ولا ايه
زياد : ممكن تهدي
توجي:شكلك مجنونه دلوقتي
مريم: اللي سمعتوه هو اللي هيحصل
يوسف: انتي بتقولي ليه
فرح : طب انت مستوعبه انت بتقولي ايه
مريم وصوتها علي : هو انا باين انه انا مجنونه يعني ولا ايه في ايه
نور: لا مش مجنونه بس النت بتقوليه ده مستحيل
فريده :اهدي يا مريم احنا مقولناش حاجه بس ايه سبب القرار ده
حلا قامت وقفت و صوتها بيعلي :قرار ايه و زفت ايه عايزاني اسيب حق اخويا
مريم:وطي صوتك يا حلا و القرار دا من قبل ما ضي تيجي اصلا و انا وخدها
ليث: طب فهمينا وجهه نظرك
مريم: مفيش وجهه نظر هو دا اللي هيحصل
فريده بعصبيه و زعيق و وقفت :لا معلش احنا عايزين نفهم.. احنا مش تحت امر معاليكي
حلا: لا يا مريم فوقي كده احنا مش عساكر تحت امرك
فرح: مريم طب انت فاهمه انت بتقولي ايه و ده قرار غلط اصلا
مريم: اللي قولتله هو اللي هيتنفذ فاهمين
مالك :صلوا ع النبي يا جماعه في ايه
غيث :ده شيطان و دخل بينكوا
توجي: لا مش هيتنفذ يا مريم
ضي :يا جماعه اهدوا انتوا مبتقفوش لبعض كده
فريده بعصبيه :بس يا ضي.. احنا تحت رحمتها
حلا :ده حق اخوياا يا مريم انتي اتجننتي
مريم: هيتنفذ يا توجي و رجليكوا في رقبتكوا
زياد: مريم انتي مش في وعيك دلوقتي
مريم : مش في وعي ليييه يعني شايفني بشد في شهري يعني ما انا زي الفل اهو
نور : هو ايه الاهدوا انتي عيزانا نسيب حقهم عادي
حلا بعصبيه و زعيق و عينها بدات تدمع :بص يا حضرة الظابط احنا مش هنفضل ماشيين في الموضوع ده انتي مش هتفضلي تؤمري فينا و احنا ننفذ احنا لينا راي
فريده بعصبيه :و غير كده انتي مش امنا تفضلي تبيعي و تشتري فينا زي منتي عاوزه لا احنا كلنا زي بعض.. كلنا نفس المستوي.. مش هتفضلي طول عمرك تعملي كده احنا لينا شخصيه و لازم ننفذ قرارنا
نور :مينفعش تيجي تاخدي قرار كده و احنا زي خيال المأته ننفذ و خلاص
توجي :مش هنطيعك كل مره انتي مش واصيه علينا مثلا
ضي :ما كفايه يا بنات
سما :والله عال بقوا انتوا واقفين قصاد بعض
حلا :ايوه..انا مش هسيب حق اخوياو اختي.. انتوا فاهمين.. حتي لو هروح لكمال النصراوي اقتله بايدي
مريم: لا انا امكوا التانه و الوصيه عليكوا و اللي هقوله يتنفذ
فريده وبدأت تزعق بشكل اقوي: لا يا مريم فوق و لا انتي استحليتي الموضوع انتي مش امنا انتي صاحبتنا مش عشان اسمك متسجل ماما و بنسمع كلامك تبقي الوصيه علينا و امنا
سما :بس يا فريده بقا
فريده : لا يسما.. فوقي مش اللي ربنا حرمك منه هتخديه مننا يا مريم
زياد بغضب و مسك ايديها جامد: في ايه يافريده انت اتهبلتي ايه اللي انت بتقوليه ده مينفعش كده
فريده بزعيق و وجع من مسكة زياد : سيب ايدي يا زياااد.. مكلش دعوه بيا متلمسنيش ايدييي
مالك شد ايد فريده من ايد زياد :براحه يا زياد مش كده
زياد بزعيق :مش راضيه تفوق من اللي هي بتقوله ده.. اتجننت رسمي فريده شدت ايدها منه :قولتلك ملكش دعوه يا زياد انا بقولك اهو.. احنا مش هنفذلك الامر دا مش عشان سيبناكي تعملي اللي انتي عايزاه و حسسناكي انك امنا تعيشي فيها لا فوقي و متبصلناش و كأننا ولادك اللي مش هيجوا اصلا
سما:اخرسي بقا يا فريده.. الله.. حصل ايه لكل ده
ضي :عماله تجرحي بالكلام كفايه
فريده :انتوا مالكوا اصلا
زياد :مفيش حاجه اسمها كده.. احنا صحاب من زمان.. فوقي بقا
فريده حست انها عكت اوي في الكلام طلعت ركبت عربيتها و فضلت تعيط و مالك طلع وراها
مريم بصتلهم و عينها بتدمع:حد هيزود كلام تاني
حلا: متخديش علي كلامها انتي عارفها بتبقي غبيه كده
مريم: بس هي مغلطتش صح هي كل كلامها صح انا فعلا نسيت اللي ربنا حرامني منه و قررت اشوفوا فيكوا انا اسفه انه كنت بتعامل كده و انا قررت القرار دا عشان مكنتش عايزه حد منكم يحصله حاجه ...بدأت دموعها تنزل...بس شكرا علي انكوا كنتوا بتستحملوني و تتعملوا معيا كده و علي العموم انا مش حابه ابقي حمل عليكوا اكتر من كده بس بردو محدش له دعوه بالنصراوي و بلغوا فريده اعتذاري
مريم خدت شنطتها و مشيت و الكل بيحاول يهديها و جايه تركب العربيه حلا مسكتها من ايدها
حلا: مريم اهدي انتي عارفه اننا منقصدش
سما: ممكن تيجي تقعدي بس و نتفاهم
مريم: مظنش بقي في كلام بعد اللي فريده قالته بس تعرف مش هي بس اللي صح عمر كمان صح انا فعلا علي طول حمل عليكوا و كنت حمل عليه مش غريب انه مشي زمان و هيمشي دلوقتي عن اذنكوا ...و ركبت العربيه
زياد: طب هتروحي فين كده
مريم: هروح المكان اللي مش هتوصلولي فيه سلام
__________
مالك ماسك ايد فريده و عمال يطبطب عليها و يمسح علي شعرها
مالك :ممكن تهدي... عشان خاطري اهدي
فريده :انا جرحتها اوي يا مالك.. انا غبيه.. غبيه اوي.. طول عمرها مستحملاني و عمرها ما اشتكت.. انت بجد غبيه.. خدني يارب احسن من العذاب ده
مالك:بس بعد الشر عليكي.. انتوا صحاب عمر اكيد هتتصالحوا
فريده :لا يا مالك انا جرحتها اوي.. ربنا ياااخدني بقااا
مالك حط راسها علي كتفه و فضل يطبطب عليها
مالك :بس بس اهدي و كل حاجه هتتحل
فريده:لا اكيد مش هتسامحني
مالك :هتسامحك انا متاكد.. تعالي ندخلهم جوا.. و بعدين بقا تعمليلي فنجان القهوه بتاعك ده
فريده بعياط :الله يخربيت القهوه بتاعتي
مالك :تعالي بس يلا.. وبعدين كفايه عياط بقا بليتي الشميز دموع.. امشي بي ازاي في الشارع بقا دلوقتي... وبعدين يلهوي ايه ده لوحدنا في العربيه
فريده ضربته في كتفه :ما تلم نفسك بقا كفايه الشبشب اللي اتحدف عليك جوا.. تحب تجربه تاني
مالك:لاا برستيجي اتدمر يا امي كفايه كده.. يلا بقا ندخل
فريده و مالك دخلولهم جوا
زياد :ايه جايه تاني ليه.. جايه تكملي علينا كلنا.. ها احنا اودامك اهو.. قولي بقا كل عيب فينا
مالك:زياد في ايه ما تهدي شويه
زياد :انت مكنتش واقف و هي بترمي دبش ازاي
نور :زياد عنده حق.. رميتي دبش كتير اوي
فرح :مكنش ينفع اللي انتي نيلتيه ده
حلا :كان كفايه عمر عليها
مالك :يا جماعه خلاص في ايه.. مش كلكوا عليها كده
فرح بسخريه :و بعدين هي بس اللي عندها حاجه.. ما انت...
توجي حطت ايدها علي بوء فرح قبل ما تكمل عشان عارفه هي هتقول ايه
توجي :بس يا فرح مش كده
ضي : برافو انتي كمان في صفها
توجي :بس يا ضي انتي مش فاهمه حاجه
فريده كانت واقفه تعيط و مالك كان عارف هي هتقول ايه
فريده :تمام يا جماعه.. شكرا يا فرح
خرجت برا و ركبت عربيتها و مالك طلع وراها و ركب جنبها و هي دورت العربيه و مشيت
مالك :اهدي يا فريده هتخبطي في حاجه
فريده :خايف علي نفسك انزل و سبني في حالي
مالك :طب اقفي و انا هسوق
فريده :انت هتسكت ولا اخش بيك في شجره
مالك :احنا كده هنخش الجنه مش هنخش في شجره
فريده :اسكت بقا
مالك :انزلي يا فريده
نزلت فريده و بدلت مع مالك فضلوا ساكتين كتير و ماشيين مش عارفين رايحين فين
فريده :وديني علي البحر
مالك: ايه
فريده: هتوديني ولا انزل اروح لوحدي
مالك: خلاص ماشي
راحوا علي البحر و وقفت فريده تكلمه و كأنه شخص
فريده للبحر: انا عارفه انه انت صاحبها اللي اما بتتخنق بتيجي تحكيله انا اتغبيت اوي بس هي عارفه انه بحبها والله و مقصدش اللي قولته هي امي التانيه بجد انا بس قهرتي علي جور و ريان هي اللي خلتني اعمل كده ......وبدأت تصرخ بصوت عالي.....يااااا رب حملها تقيل شيل عنها ياااا رب
مالك: فريده كده كفايه تعالي اروحك بقي
فريده : وديني عند نور
مالك: متأكده
فريده : هتوديني ولا اروح لوحدي
مالك: يا شيخه بقي مش حافظه غيرها ...اتفضلي هوديكي
ركبوا العربيه لحد ما وصلوا و الهدوء سيد المكان
فريده دخلت لقت الشباب مشيوا و هي كانت قالت لمالك يمشي
سما: انا داخله انام تصبحوا علي خير
فريده : سما لو سمحتي اسمعيني بس دقيقتين
سما: اسمعك .....اسمعك يا فريده تاني و اقف معاكي تاني
ضي: المره دي غير انتي عيرتيها بالنقص اللي عندها
فرح: و اودام الشباب كمان
نور: لا و هي كانت لسه متخانقه مع عمر و محتاجه اللي يقف جنبها
حلا: مش انتي بس اللي غلطتي كلنا غلطنا عشان اتكلمنا من غير ما نفهم و طلعينا فيها و نسينا انه هي ضهرنا و سندنا
توجي: مريم عملت كده عشان خايفه علينا يا فريده خايفه احسن حد فينا يحصله حاجه اه نسينا اقولك بعد ما مشيتي زياد قلنا انها مكنتش عايزه تحكلنا عن موضوع البنات بالتفاصيل و انه اللي قالته مجرد حجات من علي الوش عارفه ليه عشان منخفش و منزعلش و لا نفكر كتير و هي اللي قالت للشباب يحطوا مسافه عشان احنا مش كويسين الفتره دي
فرح: يعني هي عملت كل حاجه عشانا
ضي: و تيجوا في الاخر و تعملوا كده فيها
فريده: انا عارفه كل دا وال....
سما: انتي متعرفيش حاجه ولا انتوا تعرفوا مريم مبتنمش كويس من يوم وفاه ريان و حور انا اللي كنت ببات معاها و شوفت مريم بتعمل حساب لكل حاجه عشانكوا دي حته معرفتش تزعل عشانكوا بجد والله حرام عليكوا
فريده : انا عارفه والله انها بتعمل كل حاجه عشانا احنا من غيرها زي ما نكون من غير ضهر انا عكيت و الله العظيم ما كنت اقصد انا اتعصبت بس سعتها مفهمتش انا اسفه والله عمري ما هقصد اوجعها
البنات حضنوا بعض و قرروا يناموا و بكرا يروحوا يصلحوها و تكون هي هديت
صحيوا تاني يوم و فطروا موبايل فريده رن
فريده:الو.. صباح الخير
مالك :صباح النور.. قولت اطمن عليكي
فريده :الحمد لله كويسه.. مش هتيجي ولا ايه
مالك:عايزاني اجي
فريده :يعني.. انت و الباقيين و كده
مالك :واقعه اوي
فريده :بس يا حيوان انت.. يلا بسرعه متتاخرش
مالك :اتحايلي عليا شويه
فريده :اقسم بالله سخيف
مالك :تشكري يا زوق
فريده :ماشي يخويا انجز
مالك :اخوكي ايه الفال الوحش ده
فريده :انجز يا محنو
مالك :حاضر.. عشر دقايق و هبقا اودامك
فريده:ماشي.. باي
مالك :احلي باي دي ولا ايه
فريده :ما خلاص يا محنو بقا
مالك :غوري يا فريده.. سلام
فريده :سلام
الباب خبط و فريده راحت تفتح و كان عمر
عمر :صباح الخير
فريده بقرف :اهلا.. خير
عمر :عايز اقابل مريم
فريده :مش موجوده.. و حتي لو مش موجوده مش هتقابلها
عمر زقها :وسعي كده.. مريييم يا مرييم
فرح :انت اتجننت يا عمر
سما :في ايه صوتكوا عا... ايه ده انت ليك عين تيجي هنا
عمر :انا جاي لمريم.. وسعوا بقا
فريده شدته من دراعه بس طبعا هو اقوي منها كان كافي انه يلفت نظره بس :بقولك ايه.. اسمعني بقا كويس.. محدش هنا غريب كلنا عارفينك و عارفين حوار زمان.. انت فاكر انه بالساهل انسا يا دكتور كله راح من ايدك مهما حصل انا مش هسيبك تأذي اختي تاني انت فاهم ولا لا
عمر مسكها من دراعها جامد :انتي بتعلي صوتك عليا ازاي يا فريده.. اتجننتي ولا ايه
فريده :انت هتسيب الموضوع الاساسي و تمسك اني بعلي صوتي.. جت علي رجولتك.. ولا رجولة ايه الظاهر انك متعرفش اصلا معني المصطلح
عمر بغيظ راح ضاربها بالقلم
مالك جه هو و الشباب و مالك لما شاف القلم دمه غلي و ضربه بالبوكس
مالك :بتمد ايدك عليها.. بتتشطر عليها.. روح اتشطر علي حد تاني
سما :اطلع برا يا عمر احسنلك
فرح :ده انت مجنون رسمي
توجي :لو مطلعتش بره حالا انا هكلم البوليس
عمر بغيظ :ماشي.. هطلع بس مسيري راجع
طلع عمر بره و مالك فضل يهدي في فريده
غيث :الحل ايه اكيد هيجي تاني
يوسف :سيبوه عليا انا عارفه بيطلع يطلع و ينزل علي مفيش
مالك :مفيش ايه يا عم ده خلي وش البت عامل زي كيس البوكسينج
يوسف :هي اللي استفزته
فريده :يوسف ههزقك انت كمان
يوسف :طب ممكن تهدوا عشان نشوف حل
ليث :هي مريم فين صحيح
ضي :من ساعة ما مشيت امبارح محدش يعرف عنها حاجه
يوسف :يلهوي و قاعدين عادي
فريده :هي اكيد في حته فيها بحر.. لما بتدايق بتروح للبحر
مالك:زيك كده
فريده :مش وقتك يا مالك
مالك :شكلك يفطس من الضحك
فريده :واطي واطي
نور :و تفتكروا فين
حلا :نروح نسال طنط اكيد تعرف هي فين
فرح :يلا نلبس و نروحلها
فريده :يلا
مالك :اساعدك
فريده :بس يا سافل
مالك :قصدي في المشي
حلا :ربي عيالك يا مالك ونبي
زين :احنا اكيد مش هنيجي
ليث :نيجي فين احنا نقعد ف اي كافيه و هما يحصلونا و نتحرك سوا
غيث :طب البسوا عشان نوصلكوا
البنات :ماشي