بعد جوان انهت مكالمتها مع اشرف نزلت تحت ولقت امها جهزت الفطور♥ونادتهم علشان يفطروا...وبالفعل اجتنعو كلهم وفطرو وفضلت جوان تحكي ليهم عن الحصل معاها في لوس اجلس وكل المواقف الحصلت ليها 😂.....انتهو من جلستهم وعلي طول اجتمعو في الهول وبدو يشربو الشاي واكيد عاملاهو جود 😂💖
بعد ونسه وضحك كدا جرس الباب رن وكالعادة جوود جاريه تشوف دا منو الفي الباب بس جهاد حمر ليها (نظام انا قاعد وبفتحو انا 😒)علي طول قعدت وواصلت شراب الشاي بتاعها من سكات....وجوان مدت ليها لسانها وقالت ليها تستاهلي 😂😂
جهاد فتح الباب ولقي بت مزة كدا جميله جمال ما طبيعي 😍قالت ليه اهلين جهاد 😌كدي زح لي مشتاقه ليها الزفته دي 😂 وما ادت جهاد فرصه يقول ليها اتفضلي وعلي طوول زحتو وجرررت جررررري وبسرعه البرق وصلت الهول وبقتت بتنادي علي جوان 😍
اسيل:جواااان يا سجم ما قدرتا انتظر للمغرب واجيك مع ناس ماما اشتقت ليك ياااااااخ 😭😭😭😭😭 وحضنتها شدييييييييييد عليها
جوان جات ضمتها كمان وبقت تبكي معاها شديييييد 😭😭😭😭
يلا اسيل دي انتيمه جوان 😍صحبات من 3اساس ولهسي مع بعض 😍حتي الجامعه دخلو سوا ونفس المجال كمان 😍😍😍اسيل شريكه جوان في اي شي...ةاي زول بشوفهم بقول هم اخوات♥حتي في عرس جواهر اخت جوان...كانو مطقمين سوا 😍والعيله كلها بتعرف اسيل♥
المهم بعد حضن وبكاء استمر ربع ساعه حتي اسيل انتبهت لابو جوان قاعد وامها قاعدة.....مشت سلمت عليهم وطوالي من دون عزومه شالت سيرموس الشاي وكبت شاي لروحها 😂😂😂(الصحبه الزي دي مشكله خلاص 😂)
ايمان:يا اسيل غايتو بالغتي معانا عديييل يعني بيتنا دا لما جوان تكون مافي ما بتجينا عاد دا كلام شنو يا بتي والله زعلانه منك جنس زعل 😔
اسيل:والله ما كدا يا خالتو بس مع عرس ود عمتي وكدا انشغلتا واصلا مشيت المعمورة قعدتا معاهم شهر ويادوبي جيت الليله
جوان:طمنيني ياخ ناس بيتكم كيف اشتقت ليهم ياخ 😭
اسيل:ارح ارح غرفتك دا ما وقت ناس بيتنا...تهالي احكي لي الشمارات وفي حاجات كتيييرة فايتاك طبعا....ارح نطلع وجيبي معاك صينيه الكيكه الجبتها معاي دي عارفاك بتحبي كيكه الشوكلاته عملتها ليك 😌
وشالت كبايه الشاي بتاعتها وعلي طول طلعو غرفه جوان
ايمان:غايتو اسيل دي اصلها ما بتعقل 😂😂والله ذكرتني يا محمد انا طولتا من امها دي كدي اتصل ليها اشوف اخبارها شنو
وفعلا شالت تلفونها واتصلت ليها وام اسيل قالت ليها خنجي نشرب شاي المغرب معاكم♥
منها محمد طلع غرفتو وجهاد و جود مشو يلعبو بلستيشن لانو جود اصرت انو جهاد يعلمها 😒
وفي غرفه جوان:
اسيل:يلا يا جوان تعالي سريع احكي لي الحاصل شنو هناك ووريني الملابس الجبتيها والميكاب عليك الله 😍
جوان:ااي ااي اصبري وذكرتيني طبعا جبت ليك جيم سوت رهييييب 😍😍😍وجبتا لروحي واحد قلتا نطقم بيه انا وانتي سوا في عيد ميلادك لانو قررب 😍
اسيل علي طول قامت وحضنتها وبدت تقيس في الجيم سوت وقالت ليها:واااي مقاسي بالظبط يا جوان 😍😍
وبعد شويه جوان طلعت ليها كميه من الميكاب والعطور البتحبها شديد وقالت ليها اشتريتهم ليك قلتا علشان م تحتاجي تشتري من هنا علشان عرس امنه اختك وكدا 😍😍وجبتا لينا قماش للفستاين علشان نقصو قصه ظاااابطه رايك شنو 😍😍
اسيل:وااي يا حوان مقادرة اصدق شكرا ياخ ريحتيني شديد كنت شايله ليه هم القماش دا 😭😭
المهم اسيل قعدت مع جوان مسافه وقعدو بتمكيجو ويتصوروا مع بعض......وحكو لبعض الشمارات بالتفصيل الممل♥وبعد المغرب كدا اهل اسيل جو البيت وشربو الشاي واتونسو شويه وعلي طول طلعو وساقو اسيل معاهم
جوان:يا خالتو عليك الله الليله خليها تبيت معاي والله الصباح بركبها ترحال بخليها تجيكم بدري 😭😭😭😭عليك الله يا خالتو وعد مني
ايمان:انتي يا مها خليها تبيت هنا الجديد شنو دا ما بيتها برضو♥بكونو مشتاقين لبهض واصلا ونستهم ما بتخلص خليها عليك الله الصباح بخلي محمد يوصلها والله
مها(ام اسيل) :غايتو انتي يا جوان لتزم كل ما نجي تحنكيني وتخليها تبيت معاك......لكن خلاص مدام مصرة خليها بس الصباح تجيني بدري علشان انا طالعه مع خالتها السوق
جوان :حااضو يا خالتو مها 😍وجات باستها شدييد وساقت اسيل وجرتها من يدخا وطلعو الغرفه تاني 😍
فضلو يتونسو مساافه طويله وساهرو مع بعض واثناء حديثهم
اسيل:جوان ما حابه افتح الدفاتر القديمه دي لكن طمنيني انتي كويسه? انشاء الله قدرتي تتجاوزي الموضوع السافرتي علشانو دا?
جوان:من غير ما تحس دموعها جات جاريه...مسحتهم سريع وقالت ليها:اسيل دا ما وقت الكلام دا اسي انا ما صدقت بديت اتناسي الموضوع دا ما تقللي علي المواجع بليز 💔
اسيل:خلاص خلاص حاضر سكتا.....يلا وريني لاقيتي اشرف 😍
جوان:اسيل انتي ما نصيحه? هو انا حيت اول امس الاقيه متين بس وريني 😂لكن بكرة بطلع معاه خلاص ما عندي شي
اسيل:هسي مان منك فايدة وخليتيني ارتبط مع اشرف دا بتموتي? وااي فيه سماحه تللخم 😭😭♥
جوان:اسيل انا ببلعك صحن الاندومي الماسكاه دا 😒اكلي خلينا ننوم ياخ انا ذاتي القال لي اخليك تبيتي معاي شنو 😭😭اكلتي الاندومي كلها تاكلي السم
اسيل: بالهنا علي قلبي 😌😌😌جايباها من قروشك? هل جايباها من قروشك وريني بس 😒
جوان:عايني خلص البتاملي ففيه دا واطفي النور لانو حاصحيك بدري تختاري معاي لبسه+م تخاولي تلبسي بجامتي السوداء لاني بقتلك يا اسيل انت كلمتك 😌
اسيل:وهي كملت صحن الاندومي كلو....حردتا ليك ذاتو وختت الصحن في التربيظه ومشت فتحت دولاب جوان وبالفعل لبست بجامتها السوداء 😂😂😂😂(غايتو بتصحي بتوريه ليها) ورقدت نامت 😪😪
وفي اليوم التاني حوالي الساعه 9صباحا الكل صحا من النوم وصبحو علي بعضهم وشربو الشاي سوا
ايمان:ياجوان الليله خيلانك وخالاتك ديل جاين يسلمو عليك قالو علشان كدي لو طالعه توصلي اسيل وصليها بدري ووتعال♥
هنا جوان حست بانو الدنيا ضيقه شديد ودقات قلبها زااااااادت بسرعه رهيييبه وجست جسمها ما شايلها لما امها قالت انو خيلانها جاين 💔ما عرفو تعمل شنو ورفعت راسها عاينت لامها جوة عيونها وقالت ليها حبابهم يا ماما 😊 وعلي طووووول جرت غرفتها
اسيل:غايتو يا خالتو الحصل معاها ما هين بس الله يصبرها 😔
وعلي طول طلعت اسيل ولحقتها في الغرفه.....لقت جوان بتتكلم مع اشوف وبتقول ليه انها حاتتاخر شويه لانو اهلها جيان وكدا
اسيل حست بالدموع في عيون جوان 💔وقالت ليها انتي اقوي من كدا ♥يلا انتي خليك وانا حتطلب ترحال وارجع براي♥وحاولي اتجنبيه لو لاقيتيه تمام? يلا حبيبتي بيناتنا تلفون♥
جوان:اكتفت بانها تحضن صحبتها وتودعها ♥
نزلت جوان ولقت ابوها طالع علي الشغل 😔
جوان:بابا ممكن الليله تخليك في البيت?
محمد:ليه يا بتي?
جوان علي طول نزلت راسها في الارض ومسحت الدموع الفي طرف عينيها:خالاتي و خيلاني 💔💔💔💔جااااين
هنا محمد طواااالي خت مفاتيح العربيه وغير مسارو واتجه هلي الهول♥ومن كلام بتو فهم انو في الساعات الجايه ما حيكون في امان وهي ما حتكون متطمنه فقرر انو يقعد معاهم 😔
حوالي الساعه3 كدا جو هالات جوان كلهم 😍😍وهي استقبلتهم بكل حب وعلي طول قعدت معاهم ومن جمبهم ما زحت ♥
واثناء الونسه كدا سمعو صوت كشكشه مفاتيح من اتجاه الباب...جوان رفعت راسها ولقتو دا خالها يوسف
هنا عما التوتر علي جو البيت كلووو والكل نظراتو اتوجهت نحو جوان 😞
وفي اللحظه دي جوان حست بانو قلبها نزل في بطنها بججد 💔وجسمها مخددر ورجولها ما شايلاها بمعني الكلمه 💔وما قدرت تسيطر علي نفسها وعلي طول قامت
يتبع..........
ي جماعه ما تنسوا خالها يوسف دا اخو امها المن ابوها
