احيانا يدخل البعض الي حياتنا صدفه♥او ربما هبه من الله ليخبرنا بان هناك من يشابه ارواحنا♥.
ليس من الضروري ان يمتلك كلا من الطرفين الحب المتبادل♥هذه هي نظريتي التي اؤمن بها دائما♥ فقد يكفي ان يمتلك احد الطرفين الحب ويمتلك الاخر الشعور بالامان 😍
--------------------------------------------------------------------------
الاحساس الكان بتحس بيه جوان تجاه ادهم هو احساسها بالامان اكتر من الحب♥كان الحب البتحس بيه اضعف من الامان♥كان همها كلو انو ادهم يكون جمبها وحوالينها دائما وفعلا دا الحاصل كلو
جوان وادهم علاقتهم اتطورت بسرعه لانو جوان لفت المحتاجه في ادهم وكذلك هو♥
مر شهر ونص وفي خلال الفترة دي ادهم خلا جوان تتعلق بيه اكتر من الازم♥وتقريبا كدا كان هو حافظ كل تفاصيلها♥
وفي يوم سبت:
جهاد:جوان انا م مصدق انو ابو تمني وافق 😍😍
جوان:انت ناقصك شنو علشان م يوافق 😍
جهاد:اها حتلبسي شنو للخطوبه 😍
جوان:حنطقم انا وجود سوا 😉😉
جهاد:يا سلام 😍😍
جوان:اممممم جهاد ممكن اطلب منك طلب🙃
جهاد:ماااا بمشي بجيب ليكم فستاتينكم يا جواااان ما بمشي انا وريتك
جوان:ابرد ياخ فساتينا جبناها اصلا 😒عاوزة اقول ليك ممكن اعزم دكتور ادهم?
جهاد:دكتور ادهم الواحد دا?
جوان:ايوا
جهاد:حبابو الف ي جوان يتفضل.....بس غريبه يعني
جوان:لالا ساي والله لانو هو وقف معاي كتير وكدا يعني
جهاد:خلاص م عندي مشكله♥
جوان رجعت غرفتها واتصلت علي ادهم♥
-الو
-يا اهلييين جوان 😍
-كيفك
-انا كويس انتي كيفك
-انا كويسه شديد يا ادهم 😍تخيل بعد بكرة خطوبه جهاد
-والله كذابه 😍عقباااالك ياخ
-لااازم تجي 😍
-اجي البيت مرة وحدة 😂
-لالا م عاملنها في البيت....حنعملها في المزرعه 😍
-يا سلاام 😍
-ادهم النبي فييك تعال 😭
-حاضر يا جوان حاجي 😍
-😍فرحتني يلا اقفل خلاص انا وراي ميه شي
وفعلا قفلت الخط والبيت كلو كان مبسوط بخطوبه جهاد وتمني♥
مرت اليوم الاول بسلام وكانت جوطه للترتيبات واخيرا جا الموعد المنتظر♥
حوالي الساعه7اهل جهاد واهل تمني اجتمعوا في المزرعه 😍وكانت مرتبه وجميله علي الاخر...
علي اليمين في مسبح كبير جدا وكان فيه بالونات بالالون♥وعلي اليسار في اشجار كتيرة ومزينه كمان وجمبها مرجحانيه كبيرة♥اما في الجانب الخلفي فكان في بيت علي شكل قطيه كدا 😍من برا كانو مبني من القش وكان حوالينو من برة زهور بالالوان المختلفه♥وفي نص المزرعه كان في كراسي كتييرة مرتبه بطريقه حلوة وملبسنها باللون الابيض والاسود♥وقدام في كراسي ملكيه علشان يقعدو فيها جهاد وتمني 😍
وما هي الا دقايق والمزرعه ضججت بالاغاني♥
بس جوان واختها كانو لسا م وصلو المزرعه وعلي طول ايمان اتصلت لجوان
-جوان انتو وين يا بنات
-جاين يا ماما الكوافير كان زحمه بس
-يلا اسرعو الناس كلها بتسال منكم
-نحنا جاين خلاص
انهت مكالمتها وعلي طول ادهم اتصل♥
-اخت العريس
-مرحب مرحب 😌
-وين انتي هسي وصلتو المزرعه?
-لا يادوب متحركين من الكوافير
-جايبكم منو
-بطلب في ترحال هسي بنجي م بنتاخر
-الغي الرحله انا جايه عليكم♥مش الكوافير الوريتيني ليه داك ولا مشيتو واحد تاني?
-ياهو نفسو...م تعذب نفسك نحنا بنجي
-خلاص ي جوان م تكتري الكلام جاي عليكم ♥
وبالفعل مضي اقل من ربع ساعه ولقوا ادهم واقف ليهم برة♥
جميلتنا كانت متٲلقه بفستان باللون البنفسج 😍اوف شولدر كدا نازل من اكتافها♥وكانت فاكه شعرها وعامله اطرافو كيرلي♥ولابسه سلسل رفيع بتاع فضه معاه الحلق تبعه والخاتم♥
ادهم:يا ارض احفظي من عليك♥
جوان:كيف طالعين 😍
ادهم:اسلم علي جود وبعدين اوريك
جوان:جود دا دكتور ادهم
جود:ي اهلين 😍اتشرفنا
ادهم:مبسوط اني شفتك 😍
جود:وانا مبسوطه اكتر♥
ادهم:اتفضلي
فتح ليها الباب الوراء وركبت بس وهو جاي يفتح الباب القدامي لجوان....قرب من اذانها شويه وهمس ليها:
ما عارفك وارثه الجمال دا من منو♥وعلي طول قال ليها اركبي وما اداها فرصه ترد ليه♥
ركبو كلهم واول م وصلو المزرعه جود طوالي نزلت وقالت لادهم
الليله منورنا 😍😍😍وطوالي جرت لناس جهاد جوة
ادهم:جوان حاعترف ليك بانو انتي الليله احلي من اي مرة شفتك فيها 😍
جوان:بجد 😍
ادهم:الله يحفظك♥يلا ننزل?
جوان:حاضر
نزلو الاتنين وادهم زي عادتو متالق باجمل اطلاله♥وكان لابس بنطلون بني ومعاه قميص ابيض ومن فوق عليه لابس سوت صغير بالبني♥
وصلو الاتنين وطببعا محمد ابو جوان شاف ادهم وطوالي سلم عليه بحرارة 😍لانو سلفا عارف انو دا الطبيب الكانت بتتابع معاه جوان♥
وبعد شويه جوان لقت اسيل وفضلو يتونسوا ويقطعو سوا 😂😂😂
مرت زي ساعه كدا وبعدها جهاد لبس تمني الدبله وباسها في راسها 😍😍
كانت الاجوآء في منتهي الروعه♥ وفي حين الكل مشغول محمد ابو جوان ساق ادهم وبقو يتمشو حوالين المزرعه
محمد:والله يا دكتور ادهم انا م عارف اشكرك كيف والله الحاله الكانت فيها جوان دي بتقطع القلب
ادهم:يا عمي م تقول كدا انا م عملت شي غير واجبي♥وجوان كانت محتاجه دعم نفسي ما اكتر
محمد:الله يديك العافيه يا ولدي♥يوم شرفنا بزيارة في البيت عليك الله
ادهم: ان شاء الله يا عمي ربنا يسهل 😍
تمو جولتهم حوالين المزرعه وبعدها محمد استاذن من ادهم بسبب مكالمه جاتو♥وبعدها جوان شافت ادهم واقف جمب حوض السباحه وطوالي مشت عليه
جوان:شايفاك كنت مع بابا 😍
ادهم:اي فعلا كنا بنتونس من قبيل♥
بس فجاءه ادهم انتبه لانو الحلق بتاع جوان حيقع منها♥ومن دون ما ينبها زح شعرها علي الجنبه وصلح ليها الحلق وقال:شكلك كنتي مستعجله وما قفلتيه كويس
جوان:حست باحراج شويه بس اتجاوزت االموضوع وقالت ليه شكرا فعلا م انتبهت♥
اتونسوا سوا ووبعدها رجعو لناس امهم وشويه كدا ادهم استاذن ومشي♥
انتهت حفله الخطوبه والكل قرر انو رجع البيت♥
في عربيه ادهم:
بجد م ممكن حتي طريقه مشيتها زيها♥انا بجد م عارف البحصل معاي شنو ياخ اانا بفقد توازني عديل لما اشوفها ♥م ممكن حتي كمان نفس الاسلوب البتتكلم بيه وحركات يدينها. بتشبهاا 😔
