وبعد جوان رجعت غرفتها واستعادت الزكريات السيئه دي كلها.....زادت في البكاء 💔💔وبعد نص ساعه كدا استغفرت ربها وقامت اتوضت علشان تصلي ليها ركعتين♥
وبهناك في الهول محل كل العائله قاعدة
محمد:لا انت كمان ليك عين تجي بعد العملتو فينا
يوسف:عاين ليه بنظرة استفزازيه كدا 😒واشر باصابعينو علي جهه ايمان وقال ليه....جاي اتكلم مع اختي
هنا ايمان علي طول كوركت وقالت ليه:اختك? هو انت بتعرف للخوة شئ? 😒😒بتعرف ليها شنو وريني بس....بتعرف تحرق قلب اختك بس ما اكتر .....بتعرف للانانيه والحقد يا يوسف 💔💔💔ما تقول كلمه اختي دي تاني....لانها حرام تتقال في لسانك والله
يوسف:انا م جاي افتح دفاتر قديمه عليك الله...كلها كلمتين داير اسمعك ليهم وخلاص
محمد:عندك كلام قولو لي انا وما عندك شغله بيها.....واجهني انا وخليك زي الرجال 💪💪😒😒
يوسف:اسمعو هنا امبارح وانا بقلب في شنط ابوي القديمه لقيتو كاتب وصيه بانو مسجل المصنع الكبير باسم جهاد ولدك لانو الحفيد الاكبر في العائله علشان كدا جيت اوريكم الحاصل علشان تنبهو ولدكم دا يبقي قدر المسوؤليه ويخلي الطيش الي هو فيه دا.....اما باقي ورثه ابوي انا البعرف اقسمها لاني اكبركم
هنا محمد بدون تردد قاطعو في الكلام:اسمعني هنا كويس....ولدي دا اكتر شاب مسوؤل وهسي لو قرر انو يتزوج انا بزوجه لانو قادر انو يمسك بيت ويكون اسره♥وانو زول معتمد علي نفسه ولا لا دا شي ما بتحدده انت والله.....بدا كلو اخير منك انت العمرك كم واربعين سنه وعايش دور المراهق وتفكير عقيم وما قادر تتحمل مسوؤليه نفسك حتي خلي اخواتك.....غايتو خسارة تكون انت اكبر واحد للمرحوم والله 💔💔
يوسف:انا وريتكم غابتو لانو دي وصيه ولو ما اتنفذت بكون في حرمه 👐
ايمان:خلاص يعني انت بتعرف الحرام من الحلال 😊
وهنا علي طول طلع يوسف من الهول واخد مفاتيح عربيتو ومشي وفي اللحظه دي جهاد كان يادوب جاي داخل ولمح يوسف من بعيد وهو سايق العربيه....علي طووول جا جااري ودخل البيت
جهاد:امي دا الجابو شنو هنا....عندو شنو في بيتنا انا مش قلتا ليكم لو دخل البيت دا تاني انا رجلو دي بقطعها ليه??
محمد:تعال ياولدي تعال وقول بسم الله♥♥اقعد جمبي علشان نتفاهم
"محمد كان حنين شديد مع اولادو ما بفرق بينهم نهائي واكتر حاجه مميزة فيه انو كان بحترم زوجته ايمان احترام شديد♥ودا سبب دوام زواجهم الاتعدي الاتنين وعشرين سنه 😍😍"قعد جهاد جنبو وخت يدو في كتفو♥ وقال:
جهاد يا ولدي اي اسرة بكون فيها مشاكل....وعارف انو العملو يوسف دا ما هين ....ونحنا عاقبناه في السنين الفاتت وكونو انو انا دخلو السجن دي كفيله بانها تخليه ما يقرب علينا تاني.....هسي هو جا علشان جدك طلع كاتب وصيه بانو مسجل المصنع الكبير باسمك انت♥نسبه لانك الحفيد الاكبر فيه عائله ناس دهب♥وهسي انا ياولدي بقول ليك انت عندك حريه الاختيار لو عاوز تشتغل في مصنع جدك المرحوم اشتغل ولو ما عاوز دي حاجه بترجع ليك♥في النهايه دي بقت حاجه من املاكك انت ونحنا ما حنوريك تتصرف كيف لانك زول مسوؤل وواعي♥
هنا جهاد بقا مدهوش من كلام ابوه.....مصنع شنو الي هو مكتوب باسمو وشغل شنو المفروض يشتغلو.....بس حسب الكلام في راسو وقال لابوه:انا ما حادخل زول غريب علشان يدير لينا اعمال العائله يا ابوي وما حاخلي المصنع دا يتباع لانو جدو تعب فيه شديد علشان يطورو كدا♥انا م عندي مانع اني اشتغل فيه يا ابوي بس انا هسي ما جاهز وعندي مشاريع تانيه بعمل فيها♥
محمد :اخد زمنك ووقتك وشوف انت داير تعمل شنو وانا معاك♥
جهاد سلم علي ابوه في راسو وطوالي سال من جوان وقال:امي جوان اكيد في غرفتها صح?ليه خليتوها تشوفو يا امي ياخ 💔💔
ايمان:هو جا داخل طوالي ونحنا فجاءه لقيناه قدامنا وهي من شافتو جرت غرفتها وبدت تبكي هسي ماشه عليها انا
جهاد:خليك ي امي م تطلعي ليها انا ماشي عليها♥
وفعلا جهاد علي طول طلع لغرفه اختو....دق الباب وبعد قالت ليه اتفضل حتي هو دخل ليهاا♥
لقاها قاعدة المصلايه وكان باين علي وشها الحزن والبكاء 💔💔هنا جهاد ضعف شديد لما شافها بالمنظر دا بس اتماسك وقال ليها:كدي قومي تعالي اقعدي جمبي في السرير
قامت جوان علي حيلها وقعدة جمب جهاد♥طوالي هنا جهاد ضماها عليه شديييد♥♥وقال ليها:انا مدام جمبك ماف زول بقدر يلمس سبيبه من شعرك ..وماف زول حيقرب منك ي جوان انتي بس خليك قويه يا اختي علشان تتجاوزي الحصل وانا عارفك انتي قويه شديد♥
جوان اكتفت بانها تنزل دموعها وخلاص 😔💔وما اتجاوبت معاها بس كانت ساكته.....وعمي الصمت لمدة 10دقايق لحد ما نامت في حضنو♥ هنا جهاد علي طول رفع راسها وخلاها نرقد في السرير وهو قام علي حيلو عاوز يطلع...بس جوان مسكتو من ايدو قالت ليه خليك معاي لحد م انوم♥
جهاد م اتردد وطوالي رقد جمب اختو وختاها في حضنو لححد ما نامت وهو نسي نفسو ولقي روحو نام كمان 😍♥
وفي غرفه ايمان ومحمد:
ايمان:انا شايفه انو قعدت جوان دي في البيت والفراغ م حيخليها تنسي وحترجع تتذكر تاني...لانو حتي سفرتها لي لوس انجلس ما خلتها تنسي
محمد:صح كلامك انا ذاتي قلت كدا....احسن تمشي تشوف الماجستير علشان تبدا تحضر...وانا بقترح انو نشوف دكتور نفساني احسن ي ايمان
ايمان: كدي نقنعها بالماجستير اول وناجل موضوع الدكتور دا شويه 😞😞
محمد:ربك يسهل
وفي صباح اليوم التاني♥♥
جوان فتحت عيونها كدا لقت جهاد لسا نايم جمبها 😍♥اتبسطت شديد منو....صحتو من النوم وقالت ليه:جهاد يلا اصحي ناس ماما بكونو منتظرننا بالشاي♥اسبقني انت علي بال ما اخد لي دش سريع وانزل
جهاد:خلاص تمام......وخت يدو في رقبتو وقال ليها:مخدتك دي اصلو ما مريحه ياخ 😒جبتي لي وجع الرقبه وقعدتي غايتو انتي 😒♥
جوان ضحكت عليه وقالت ليه:خلاص تاني جيب مخدتك ونوم معاي 😂😂😂😂هو م اشتغل بيها وكان ماشي علي ناحيه الباب وهنا جوان قالت ليه:جهاد انا بحبك شديد 😢♥
جهاد:ارح ارح انزلي الحبكانات دي بعدين 😂😂بس هو بينو وبين نفسو كان بقول:انا بحبك اكتر♥♥بس هو مبسوط شدديد علشان خلالها تصحي مبسوطه بالرغم من زعلها النامت بيه 💔
(بجد الاخوان ديل نعمه من ربنا ....حاجه كدا بتخلي البنت مبسوطه ومطمنه بالرغم من انو بتشاكلو كتير واي شي بس وقت الجد ما بتلقي غير اخوها دا معاها)
جوان اخدت شور وصلت الصبح وجاتهم نازله♥لقت ابوها وامها و جود بشربو في الشاي♥صبحت عليهم وشالت كبايه الشاي وقعدت جمب جود اختها♥
شويه كدا وتلفون ابوها اتصل....كانت دي جواهر اختهم الكبيرة 😍😍اتصلت ليهم بالايمو علشان تسلم عليهم
جواهر:بااابا اذيك انا مشتاقه ليكم شديييد يااااخ 😭😭😭😭بختكم بتشربو في الشاي مع بعض وانا هنا براااي 😭😭😭😭😭
ايمان:يا بنت جواهر مالك امس م اتصلتي علينا والله قلقتا عليك ان شاء الله كويسه وراجلك كيف طمنينا عليكم
سلمو عليها كلهم وقالت ليهم عاوزة جوات تسلم عليها 😍😍فعلا جوان اخدت التلفون واتونست مع جواهر....بس جواهر بعتت ليها مسج وقالت ليها خشي الغرفه انتي و جود انا عاوزاكم
طوالي جوان فهمت انو اختها عاوزاها بس ابوها قاعد م قدرت تقول....وطوالي جوان قالت ليها:طبعا ي جواهر م شفتي جبتا لبنتك همس شنو 😍😍دقيقه اوريك ليه في غرفتي....تتعالي معاي يا جود...وبالفعل طلعو واول ما دخلو الغرفه جواهر قالت ليهم:عاوزة اقول ليكم حاجه بس خجلتا من بابا 😶😶😶
جوان:بسم الله في شنو يا جواهر مالك
جواهر:جوان و جود انتو حتبقو خالات تاني 😍😍
طبعا جوان اتصدمت وبقت تقول ليهر:كذاااااابه يا جوااااهر كذاااابه 😍😍😍😍انتي حامل? ااااي يا جوااهر الف مبرووووك انا م مصدقه 😍😍😍وقامت حضنت جود اختها وبقو فرحانين شديد هم الاتنين 😍😍😍ومن الفرحه قفلو الخط في وش جواهر وجرو علي امهم بهناك 😂😂😂
ماااما يا ماااما جووااهر حاااامل 😍😍😍هسي كلمتنا والله
ايمان:اصلو م بصدق الحمد لله ياااخ 😍😍
محمد 😍😍الحمد لله والله فرحتنا كلنا....هنا جهاد جا طالع من غرفتو وسامعهم بصرخو وفرحانين قال ليهم مالكم في شنو من الصباح??
جود نطت فيه قالت ليه:حتبقي خاااالو من جديد 😍😍😍
جهاد:جواهر حامل 😍😍😍😍
جوان قالت ليه ااااااي 😍😍😍😍حااامل اختك 😍😍
جهاد اتبسط شديد وعلي طول اتصل لجواهر 😍وفعلا اكدت ليهم موضوع الحمل ووكدا.....بس م طولت المكالمه لانها مشغوله وكدا
ومن هنا محمد استاذن وطلع شغلو وكمان لحقتو ايمان علشان تمشي الشركه♥اما جهاد فكان ماشي يجيب حاجات من السوق طلبتها من جود اختو♥
فضلو جود وجوان ففي البيت براهم 😍♥وبعد الظهر كدا جوان تلفونها رن
ردت بصوت فيه فرح ♥اشرررف 😭كيييفك
اشرف:انتي وحدة سجم بالمناسبه وماسورة كبيرة ياخ
جوان:م كدا ي اشرف بحكي ليك الحاصل لما اجيك تمام? اها اطلع ولا عليك شويه?
قال ليها اطلعي خلااص ولما تجهزي اديني تلفون علشان اوصل قبلك تمام?
قالت ليه خلاص حلو♥وبالفعل اشرف وجوان مخططين انو يتلاقو الليله لانو ليهم زمن من بعض و وجوان من رجعت من السفر م شافتو
جوان فضلت واقفه تختار في اللبسه وبعد معاناه طويله شديد اختارت ليها بنطلون اسود هاي ويست معاه بلوزة بيضاء 😍😍وطرحه باللون الكريمي واسبورت بالكريمي كمان 😍لبست لبستها وكانت انيقه كالعادة ورفعت شعرها فووق ولبست طوق باللون الاسود وحلق صغير بالاسود♥ وجدعت الطرحه في رقبتها واكتفت بانو تخت قلوز علي شفايفها وتكحل عيونها وطلبت ترحال♥واول م وصلت باب الشارع نست الكيس الشايلاه لاشرف رجعت جابتو تاني وركبت العربيه ومشت♥
وصلت المطعم المتفقين عليه وبالفعل لقت اشرف مستنيها هنا♥واول م شافتو عيونها طلعو قلوب 😍وقالت لي اشرررف 😍😍ياخ والله مشتاقييين
اشرف:كان م اخرتيني وخليتيني استني ساعه اصلك م بترتاحي 😂حمدلله علي السلامه ياخ 😍
جوان قعدت في الكرس القصاده وعلي طول اشرف قال ليها:بقيتي سمحه يا جوان
جوان:بالله🙃اصلا انا م سمحه ولا كيف ي اشرف🙂💔 يلا والله م اديك الحاجه الجبتها ليك😒💔
اشرف:لالا انتي من يومك سمحه والله بهظر يا بنت😂😂
جوان قالت ليه م تتغزل فيني😌💜
اشرف:لا كدا عاجبك ولا كدا عاجبك😂😂انجزي عاوزة تاكلي شنو💜
طبعا بعد تفكير طويل طلبو الاكل وبقو يتونسوا💜😍 حرفيا جوان كانت مبسوطه شديد لانها شافت اشرف لانو هو الوحيد البغير ليها مزاجها💜وبعد خلصو قعدتهم طلعو برة المطعم واشرف اصر انو يوصل جوان بعربيته.
واثناء الطريق وهم بتونسو اشرف وقف في محل ونزل جاب ميلك شيك وقال لجوان انزلي نقعد برة العربيه😍وفعلا نزلت جوان وفضلو يشربو في الميلك شيك....وشويه كدا جوان ختت الميلك شيك في راس العربيه ودخلت جوة جابت الكيس من المقعد الوراء وادتو لاشرف😍💜قالت ليه ديل جبتهم ليك معاي💜 اشرف اتبسط شديد وفتح الكيس ولقي الهديه عبارة عن ترينسوت باللون الاسود وتيشيرت بالاسود عليه ماركه اديداس من قدام باللون الابيض😍وبوتيل لونها اسود عليها نفس الماركه باللون الابيض ومعاها فريم للشمس باللون الاسود😍 وجراب لتلفونه باللون الاسود💜😍وقالت ليه ديل علشان تمشي بيهم الجيم وتعمل بيهم الرياضه المجنناك دي😍
اشرف كان مبسوط جدا وقال ليها:با سلاام ي جوان عرفتي تجيبي لي الهديه البتناسبني ياخ😍😍قالت ليه:الله يخليني ليك😌👏🏻
قال ليها المرة دي امين بالجد😂😂ارح اركبي قبل المغرب ما ياذن ليك علشان م تتاخري💜
ركبو العربيه واشرف وصلها البيت بس قبل م تنزل فتح درج العربيه القدام وطلع ليها شوكلاتته كادبوري😍💜واداها ليها قال ليها عارفك بتحبيها امس شفتك منزله استوري وقلتي نفسك فيها 😍💜جوان شالتها وهي مبسوطه خالص وقالت ليه:اووول مرة اكتب نفسي في حاجه وتجيبها لي😂😂شكرا ياخ قال ليها اصلو الزول م يعمل ليك حسنه هسي ذاتو حقو اشيلها منك😒😂جرتها منو وقالت ليه خلاص ي سجم بهظر😂💜يلا سلام
نزلت وهي ماشه في الطريق ومبسووووطه شديد😍💜
بس ياااا فرحه ماااااا تمت💔💔
يتبع......
