قبل كل شي نتفق انو اشرف مستعد يخلي الوراه والقدامو علشان رفيقه دربو جوان 😍بتحمل ااي شي علشانها وبعمل المستحيل علشان ضحكتها.♥واول ما جاتو المكالمه منها وهي بتبكي قاوم النعاس وشال مفاتيح عربيتو وجرري علي بيت جوان
(علي العلم بانو اشرف بككككره زول يصحيه من النووم)
اول ما وصل باب بيتهم رن ليها وهي عرفت انو وصل♥ما كلفت نفسها بس شالت طرحه امها الكبييرة وجدعتها فيها ولبست شبشب الحمام وطلعت برااحه....وصلت الباب الخلفي للبيت ولقت اشرف متكل علي عربيتو ومربع يدينو وواقف...اشرف كان لابس برمودة بالرمادي وتيشيرت بالاسود عليه خطين بالرمادي في الكم 😍ولابس في رجولو كروكس بالون الرمادي♥
جوان:ارح نقعد في الحديقه
اشرف:جوان انتي مجنونه ولا بتتجنني فيني كيف ادخل بيتكم نص الليل 😒
جوان:اشرف م تحسسني اني جابراك تجي دا كلو علشان صحيتك من النوم يعني 😢ادخل ياخ شنو هو الماصح? يعني الصح اني اقيف معك في الشارع
اشرف:الصح انك تنتظري الصباح ونتلاقي
جوان:اشرف م تكتر كلامك الفيني مكفيني 😭هنا جوان اتفقعت بالبكاء...واشرف م قدر يتحمل علي طول دخل حديقه بيتهم.....كان في مرجحانيه كدا قعدو فيها الاتنين♥
اشرف:جوان انتي ففي شنو مالك احكي لي
جوان:تخيل يا اشرف قبيل بعد نزلتني شفتو يا اشرف والله ومعاه نففس البت ديك 💔
اشرف:جوان انتي الموضوع دا مش قفلناه خلاص...يحرق هو وتحرق المعاه 😒صدقيني لو هان عليه حبكم الدام 3سنوات انا ما بتهون علي دموعك في الثانيه دي♥ انا هسي يادوب فهمت انتي مالك.. جوان انا اتكلمت معاك كتير في المووضع دا وقلت ليك البهون عليه زعلك ما بستاهلك يا جوان♥عارفك هسي انتي منفسنه والفيك مكفيك ومضايقه وكديستك قايمه انا دا كلو عارفو وبستحملو♥بس دموعك دي يا سجم الرماد انا ما بستحملها 💔البشوفك قيبل بتاكلي في البيتزا ما يشوفك هسي 😂
جوان ضحكت من دون ما تحس♥وقالت ليه داير تذلني علشان اكلتني ليها يعني
اشرف:لا م عاوز اذلك بس عاوز اشرف الضحكه الهسي دي 😍😍
جوان:تااني قعدت تبكي شديييد.....وبتقول:اشرف انا سافرتا علشان انساهو وانسي معاناتي التانيه وبرضو م نسيتو 💔انا كنت بتمني يكون هو معاي في محنتي ديك بس لا انا م لقيتو 💔انا اديتو اي حاجه عاوزها ودا كان جزائي منه 💔💔
اشرف ما حاول يسكتها.. لانو عارفها لما تبكي حترتاح♥وبعد 10دقايق من البكاء قال ليها:جوان كل شي قسمه ونصيب وبعد دا لو هو عاوزك برجع ليك...لكن الكسرك مرة بكسرك مرتين والعملو معاك م هين علشان كدا حاولي انسي انا عارف انها صعبه بس انتي قدرها♥
جوان:مسحت دموعها وحست انها ارتاحت بعد م اتكلكت مع اشرف♥وقالت ليه:عارفه اني جبتك في وقت متاخر بس ما بيدي 😢
اشرف:م بشاكلك هسي♥بشاكلك بعد تروقي 😂😂 كدي استني نسيت حاجه في العربيه.....وعلي طول طلع ناحيه عربيته وجا راجع بعد دقيقتين♥
جوان:اشرف دا شنو?
اشرف:لما نفسياتك تقوم وتتصلي لي في وقت زي دا انا بالعادة بعمل ليك شنو 😒😒
كان ماسك كرتوونه بيتزا في يدو اليمين وباقه بيبسي في اليسار 😍وقال ليها عارف ماف حاجه بتروح زعلك غير البيتزا والبيبسي ديل....يلا ارح اكلي 😍
جوان:اشررررف 😭😭😭😭انت سمح ياااخ
اشرف:وااو بتقولي انا سمح? قصدك سمحه البيتزا الجبتها ليك 😂😂اكلي ياخ اكلي.....وبالفعل جران مودها اتغير 180درجه واكلت البيتزا كلها براها واشرف بعاين ليها طبعا وهو ميت ضحك 😂😂😂😂بعد شويه شالت البيبسي منو وشربتو من دون ما تديه 😂وبعد اكلت وشربت قالت ليه:علي فكرة انا ما كنت جيعانه اكلتا بس علشان اجاملك 😃😃
اشرف:جوان تجاملي شنو هو انا قطعه وحدة ما اكلتها معاك 😒
جوان:انت قايل شنو يا اشرف يلا البيتزا دي.....
اشرف:جوان اسكتي خلاص م تفتحي اسطوانه انا ما اكاله وما بحب الاكل خلاص حفظتها 😀😂
بعد نقاش وشكل اشرف قام علي حيلو ودخل يدينو في جيوب البرمودة وقال ليها:انا ماشي يا جوان ان شاء الله هسي مبسوطه بهد قطعتي نومتي وانا شغال بكرة من7الصباح 😊😊
جوان:اي مبسوطه لانك غيرتا مزاجي ياخ كنت مضايقه 😭
اشرف:المهم هسي الموضوع دا قفلناه ي جوان وما حنتذكرو تاني تمام? وقبل ما يودعها طلع من جيبو شوكلاتين كادبوري واتنثين جلاكسي 😍😍واداهم ليها
جوان:اشرف يااخ 😭😭😭والله بريدك
اشرف:وهو بنكش في شعرها...انا ذاتي والله 😂😂 ارح قدميني للباب طيب
واول ما وصلو ناحيه الباب اشرف ثبت جوان وقال ليها اقيفي قبلك م تطلعي برة خلاص بمشي بعد دا♥وبالفعل مشي هو وودعها وهي رجعت قعدت في المرجحانيه براها♥
بس بعد ثلاثه دقايق اشرف اتصل وقال ليها اقيفي في الباب نسيتي حاجه في عربيتي انتي♥
طلعت حوان جمب الباب واستنت اشرف جا راجع قالت ليه مالك انا ما نسيت حاجه معاك 😔
اشرف وقتها دخل العربيه وطلع ومدا ليها مصحف ملون 😍وقال ليها:اي م نسيتي شي عارفك بس انا نسيت اديك ليه♥عليك الله ي جوان كل م تحسي اني مخنوقه طلعي امصحف دا واقري منو♥ 😍انا اديتك ليه لاني بحبو وعارفك بتحبي المصاحف الملونه♥ويلا خلاص خشي وبطلي اوفر رياكشن حقك واعمليه لي بعدين في التلفون♥
جوان كانت مبسوطه شديد♥وبالفعل دموعها جرت من الفرح وشكرتو وجرت دخلت الببت وهو كان منتظرها لحد ما اتاكد انها دخلت جوة♥
جوان كانت في غايه الفرح واشرف كذلك♥كان مبسوط انو غير ليها مزاجها 😍 وبعد العملو دا كلوووو هو كان متشاكل مع حبيبتو 💔وعليه مشاكل الدنيا كلها فوق راسو وعلما بانو كان بعد بكرة سنويه ابوه المتوفي 💔بس هو لما يشوف اختو وصحبتو زعلانه بتجاوز اي شي علشانها♥♥♥
بجد في علاقات كدا مريحه نفسيا...خصوصا لو كانت بين ولد وبنت وكانو اصحاب لدرحه بعيدة 😍😍يااخ يتحسهم زي المرتبطين ♥بس هم لا مستحيل يفكرو يرتبطو سوا لانو علاقتهم فاتت مسمي الحب دا 😍
اشرف بعد دور عربيتو ومشي كان زعلان شديد علي حاله جوان وقلبها المكسور......بس قال يلا كلو مع الزمن بهون♥ بس اثناء ما هو شاارد في موضوع جوان فجاءه قعد يكح شدييد لحد ما وقف العربيه ....شرب مويه بس لسا اشرف بكح بطريقه غريبه بعد شويه اشرف وهو بكح انتبه لانو في دم سايل من فمه 💔اشرف اخد منديل ومسح الدم وفضل واقف مسافه ربع ساعه حتي قدر يتحرك 💔💔💔💔💔💔💔💔💔
يتبع.......
