شافت عربيه سوداء مظلله واقفه بالناحيه الشرقيه للظلط وشبابيكها فاتحه....وهنا شافت الزول الما بغباها.....ياهو ذاتو نفس الطول ونفس العرض قالت لنفسها امكن شبهتو ساي😔 بس الخلاها تتاكد انو دا هو.....العلامه الفوق حاجبو🥺💔 شافتها لما اتلفت علي ناحيه شباكو وهو بتكلم بالتلفون وخاتي يدو ف قزاز العربيه😔😔💔 هنا قطعت الشك باليقين وكان احساس جوان عبارة عن خوف ممزوج بلهفه اشتياق💔 وفيه احاسيس كتيرة متلخبطه....احساس بالندم والخوف والخيانه في نفس الوقت💔بس االاحساس الكان مسيطر عليها اكتر هو احساسها بالحب💜✨.
بعد صراع طويل جدا جوان قدرت تتجاوز قساوة الموقف دا وكانت بتلملم في قلبها المكسور علشان تمشي....بس الحاجه الخلتها تقيف......انها شافت بنت جميله جدا في العشرينات من عمرها وفي كامل اناقتها💜فاردة شعرها لنص ظهرها ولابسه فستان باللون الاسود عليه ورورد باللون الابيض ولابسه طوق بالابيض في شعرها✨ وسبورت بالابيض كمان✨ جات البنت وبكل ثقه فتحت باب العربيه وركبت قدام وهي مبسوطه.....هنا سمعتو بقول ليها
-اتاخرتي ياخ مستنيك من قبيل انا🥺
-اسفه والله بس م كنت عارفه البس شنو😔💔
-كل حاجه عليك حلوة😍 ولبستك رهيبه كمان
-عجبتك😍فرحتني ياخ
-يلا علشان م نتاخر
بعد الحوار دا....جوان قالت ياريتني ما طلعت وياريتني ما جيت السودان ياريتني ما اتولدتا اصلا😭😭😭😭😭😭💔 اللهم قوووة😭
وبالفعل مشت وهي بتمسح في دموعها وبتحاول تتناسي الم الموقف دا🙂 ....دخلت البيت واول م وصلت لقت امها وابوها ماف في جود وجهاد بس💜
دخلت الغرفه علي طول لقت جود بتركب في الستارة وبتغني😍 يا جميييل يا جمييل ياااسادة 💃🏼 حبك جنني زيااادة💃🏼😍
جوان:خلي بالك المجننك دا ما يخليك تقعي من السرير🙂
جود:بسسم الله جيتي متين انتي يا بنت😂😂 ....واااي اشتريتي كادبوري😍😍جبتيها لي مش😍😍
جوان:جود دي جابها لي اشرف وما بدبك زحي كدا😒
جود:جوان انتي ثقيله هسي انا مش بعمل ليكم الشاي دايما😔وبمشي ليك الدكان لما جهاد يكون ماف🙁 مش بكوي ليك هدومك لما تكوني طالعه متاخرة😔 ليه انتي قاسيه يا جوان انا مش اختك ي جوان😭😭💜 انا البخليك تنومي جمب المكيف مش🙁 شكرا يا جوان م ععاوزة🙁💔
جوان:واااي بارعه في التمثيل انتي يا جود ما تفتحي لي الاسطوانه دي بالله خلااص🙂✋🏼 لما افتحها بديك🙂
جود:لالا ي جوان انا نفسي فيها اسي🥺
جوان:فتحت الشوكلاته وادت جود منها.....وقالت:خلاص ي جود ارتحتي هاك انا ااصلا كنت حاديك قبل ما تقولي لي🙂
جود قامت ونطت في جوان من الفرح😂😂😂😂قالت لليها اصلا عارفاك م بتاكليها من غيري وكنت حاشيلها منك كلها لكن حنيت عليك😂😂😂😂💜جوان ضحكت وطوااي نزلت راسها في التلفون🙃
جود:جوان انتي مالك زعلانه?م من عوايدك تطلعي مع اشرف وما ترجعي مبسوطه😕
جوان:لالا بس الشارع كان زحمه وانا تعبتا شديد بس
جود:م مصدقاك لكن مم مشكله.....يلا انا عملتا شاي ارح نشربو لانو بابا وماما حايتاخرو في الشغغل الليله😔💔
جوان:يلا انزلي حبيبتي اغير والحقكم.......ونادي جهاد اخوك وبما انو ماما متاخرة خليه يجيب اندومي ناكلها
جود:اصلا كلمتو قبيل وجابها ومنتظرنك ناكلها سوا😂😂💜😍
جود نزلت وسابت جوان في الغرفه وامورها جايطه شديد.....بس قامت وغيرت ملابسها وصلت ونزلت لاخوانها تحت💜
لقتهم مشغلين فيلم وخاتين الاندومي العملها جهاد ومنتظرنها💜 قعدت جمبهم واكلت وبقو يتونسوا
جهاد:جوان انتي عندك علم بالحاصل?
ـ الحاصل شنو هو😕
-وصيه جدو يا جوان ياخ
-لا ابدا ماف زول وراني بيها
- طيب ي ستي جدو مسجل المصنع الكبير باسمي انا لاني الحفيد الكبير في عائله دهب💜وامبارح اتكلمت مع ابوي في الموضوع دا وراسي جايط هسي
جوان:والله ي جهاد الكلام دا اول مرة اسمعو منك انت....وبعدين راسك يجوط ليه انت قبل كدا ما مسكت مصنع ابوي دا سنه ونص لما كان هو مسافر مع حبوبه الله يرحمها مالك هسي🙁
جهاد:م كدا ي جوان انا هسي بادي في مشروع تاني وانتي عارفه المصنع دا لو خليناهو كدا يوسف ممكن.......
جوان:م تجيب سيرتو...المصنع تشتغل فيه زي ما علمك جدو وزي ما كان دايما بتمني يشوف ولد بنتو ناجح و مسؤول💜✨
جود:مع اني م عارفه الصح شنو لكن شايفه كلام جوان صح يا جهاد🙁
جهاد:ربنا يقدرني واكون محافظ علي المصنع دا زي ما جدي كان عاوز لانو اكتر حاجه في الدنيا تعب فيها المصنع دا💔😔
خلصو ونستهم وحوالي الساعه7 محمد و ايمان جو داخلين البيت سلمو عليهم واتغدو وكل زول طلع غرفتو💜
جوان:اتصلت علي اسيل لانها كانت شبه زعلانه💔بس اول ما ردت اسيل كان ظاهر الفرح في صوتها😍
اسيل:والله هسسي في بالي اتصل ليك واكلمك طبعا خلاص حددنا عرس امنه اختي😍وهسي شغاااله اعمل في ماسكات يابنت واشوف قصات الفسااتييين😍😍😍
جوان:م حبت تخرب فرحه اسيل وقالت ليها: سبحان الله اتصلت اسالك انا ذاتي😍😍 ربنا يتم علي خير😍💜 خلاص الاسبوع الجاي بجي ببيت معاك😍
اسيل:يااخ تعالي من بكرة🥺
جوان:لالا والله م عندي طريقه......م تنسي عاوزة امشي اشوف موضوع الماجستير دا🙁💔
اسيل:لالا كان كدا خلاص...وريني البحصل معاك شنو تمام
قفلو الخط علي كدا بس جوان كانت زعلانه وفي حاجه في قلبها م عارفاها شنو.....ما لقت في وشها غيرو💜اكيد حاتتصل علي اشرف😍💜
اتصلت واشرف رد بعد زمن طويل
اشرف بصوت ناااااعس كدا:مالك ي جوان خير😳
جوان:اشرف تعال لي هسي دي😭😭
اشرف:جوان انتي م نصيحه في راسك دا الساعه11 دايرة شنو بكرة بجيبو ليك الصباح رباح يا بنت😪
جوان:اشرف انا م حصل طلبت منك طلب زي دا......حتجي ولا لا😭
اشرف: هسي انتي بتبكي مالك كدي فهميني ما تقلقي بي
جوان:اشرف حتجي ولا اتخمد انوم بالبكاء دا😪
اشرف:جاي جاي ي جوان خلاص
جوان:تعال لي جمب باب بيتنا الوراء😪
اشرف:مسافه السكه بس طيب
يتبع........
