بعد مرور 4شهور جوان جدها كان تعبان شديد. في المستشفي وهي وقتها كانت موجزة من الجامعه♥وفي يوم سبت جوان كانت طالعه مع عمر لانو اصر انو يشوفها بس هي كانت رافضه لانو جدها عيان وكدا فما كانت جاهزة تلاقيه بس باصرارو عليها وافقت♥حتي جوان ما اجتهدت في لبسها لبست عبايه بللون الاسود وتحتها بنطلون جينز ومسرحه شعرها ضفيرتين 😍 (حمامتين زي ما بنقول 😂😂) وكان منظرها كووول علي الاخر 😍وصل عمر وهي علي طول ركبت في العربيه معاه♥
بقا يتونس معاها وقال ليها م تخافي جدو حيبقي كويس ي جوان وبكرة يطلع من المستشفي ويلعب معاك ليدو ويغلبك كمان 😍جوان قالت ليه:ان شاء الله يا عمر ياخ 😢😢😢
عمر فضل سايق لحد ما وصلو شارع النيل 😍ووقف العربيه قريب والبحر علي بعد خطوات منهم♥وكان المنظر جميل وكان وقت غروب الشمس 😍 عمر خلا جوان تنزل وبالفعل نزلت وبقو واقفيت الاتنين ومتكلين علي العربيه من جهه الامام♥ وبعاينو للبحر وجوان بتحكي ليه عن حاجات كتييرة♥
بس عمر وقفها وقال ليها استني هسي راجع♥مشي عمر وجا راجع بعد 5دقايق كدا ومعاها علبتين 😍فيهم زلابيه بالتوتيلا 😍اخد واحدة وادا جوان وحدة 😍
جوان:واااو ي عمر بحبها ياخ 😍😍
عمر:بالهناء يلا اكليها 😍♥وخلصي علشان اصورك هنا صور ظاابطه ....عارفك هسي بتمشي تنزلي ستوري وتكتبي ميد ماي داي ومشيت البحر وكدا 😂😂😂😂😂
جوان:خلاص خلاص حفظتني 😂 اكلي طيب خلينا نتصور
عمر كان برضو في اطلاله جميله 😍لابس ترينسوت باللون الاسود عليه خطين بالجمبه باللون الرمادي....ولابس تيشيرت باللون الرمادي بس اكمامو طويله وعليه طاقيه من ورا 😍 ومن قدام علامه nike كبييييرة باللون الاسود
اكلو زلابيتهم بالنوتيلا كويييس 😂😂😂😂وبعدها جوان قالت الا يصوروها 😂ادت تلفونها لعمر ووقفت علشان يصورها
عمر:امشي شمال يا جن علشان الضوء 😂😂
جوان:مشيت يا عمر والنبي فيك اظبط الصورة 😭😭😭
فعلا عمر صورها صور حلوة شديد وهي شالت التلفون واتصورو سوا كمان 😍وركبو العربيه علشان جوان كان لازم ترجع بيتهم♥
وهم بتونسوا قامت جوان سالت عمر:انت يا عمر بتعرف راويه البتجي مع صحبه اسيل طوالي ديك
عمر:والله ي جوان انا جامعتكم دي جيتها مرة ولا مرتين بس 😂اكيد م بعرفها
جوان:المهم ياخ انا م بحبها بتتمايع كدا في الكلام وشابكاني انتي واسيل ما بتزحوا من بعض 😒حيوانه خلاص يا عمر لا واتخيل قالت لي عرفيني علي اشرف صحبك 😒
عمر:وانتي زعلانه مالك 😒ما تعرفيها علي اشرف فيها شنو حتاكلو يعني 😒
جوان:عمر بطل امورك دي بالله....اشرف شنو البعرفو عليها ذاتها ولا بتنفع معاه....خلي قال عرفيها عليه
عمر:اي اشرف بتنفعي معاه انتي بس مش 😒
جوان:لا هسي انت بتغير منو يعني 😂اشرف دا البيست فاهم يعني شنو البيست? ياخ دا جدو بعرفو 😂شيل الافكار الجهنميه دي من راسك يا عمر
عمر:هسي انا قلتا ليك غيران منو?
جوان:م قلتا لكن باين من ملامحك 😂♥
عمر-وقف العربيه وقبل عليها...رفع ليها حاجبو بمعني وبعدين يعني 😂😂
جوان:شفتا القرنه الفي حاجبك دي ...ياها المصبراني عليك 😍😍😍😍حلوة حلا
عمر:بطلي بكش يا ينت 😂
قاطعت محادثتهم تلفون جوان الاتصل وكان دا جهاد اخوها
جهاد:جوان انتي وين?
جوان:قربتا علي البيت....صوتك دا مالو?
جهاد:جدووو يا جواااان 😭😭😭😭😭😭😭
جوان هنا جسمها بقي يرجف وقالت ليه:مممماااااللللو يي اااا جججههااااد
جهاد:مشي خلانا جدو يا جوان 😭😭😭😭😭فارقنا وتاني ما حنشوفو جدو مات يا جوان 😭😭😭
هنا جوان رمت التلفون في حضنها وطبعت عمر بعاين ومصدوم 💔شال التلفون وقفل الخط من جهاد وبقي يهدي في جوان....بس جوان انهااااارت وبكت بهستريا 💔💔جدهم كان اعظم حاجه بالنسبه ليهم وهو المربيهم علي يدو 💔وكان بحب اولاد اولادو بالذات ناس جوان كان بحبهم شديد من دون الباقين♥
جوان بدت تعلي في صوتها في البكاء وعمر يهدي فيها لحد ما وصلو البيت ولقو الجثمان يادوب جايبنو 💔عمر وقف برة مع الرجال وجوان جرت جرري علشان تشوف امها....لقتها قاعدة في الارض وبتقول:
خلاص فارقتنا يا ابوي....خلاص يتمتنا عديييل يعني 💔💔لحقت امي خلاص نحنا من بعدك نمشي ويين يا ابوي 😭انت الكنت لامينا وكنت سندنا والمصبرنا علي الدنيا 💔مشيت خليتنا لمنو يا ابووووووووي 😭😭😭😭وجوان بعد شافت منظر امها انهارت زيادة وبقت تبكي معها 😭😭الا اسيل وامها جو هدوهم وخلوهم يستغفرو وشالوهم من الارض.
بعد شويه الجثمان طلع والرجال مشو المقابر وعمر كمان مشي معاهم♥وكالعادة اشرف اول زول هناك لانو سلفا كان عارف انو جدها تعبان واسيل صحبتها ورتو انه اتوفي 💔وما استغرقو وقت وطيل في الدفن ...دفنوه واترحموا عليه وجو راجعين
عمر م حاول يتصل علي جوان لانو عارفها م حترد بس اتصل لاسيل وكل شويه هي البطمنو علي حاله جوان♥اما اشرف 😍فكان معاهم وابي يمشي خااالص وهو الدق صيوان العزاء وجاب الكراسي ولم الكشف من الناس 💔اشرف كان هو المسوؤل عن كل كبيرة وصغيرة في الوفاة لانو هو بعتبر جد جوان كانو جدو هو♥
مرت ايام عصيبه جدا علي ايمان واولادها نسبه لفراق جدهم♥اما جهاد فكان بحاول يتماسك بس فشل 💔ولاول مرة يظهر ضعفو قدام اخواتو....لانو فراق جدو ما كان ساهل بالنسبه ليه
عدت الايام والشهور كانها دهر....بالنسبه ليهم وكل يوم مشابه للتاني 💔لحد ما خلاص الناس كلها مشت وفضلو الاهل بس وبعدها قررو انو كل زول يرجع بيتو وفعلا ايمان ساقت اولادها ورجعو الببت
الوقت داك جوان م كانت متواصله مع عمر كتير الا مرة مرة بتصل بسال من احوالها وصحتها وكدا....لحد ما رجعو البيت وكدا وبعد مرور شهرين حتي قدرو يتجاوزو صدمه الوفاة 💔وجوان علاقتها رجعت طبيعيه مع عمر♥
انقضي 10شهور من الوفاة وزي ما عارفين بدت المشاكل بسبب يوسف ومنها اتعرضت جوان للحادث البشع داك 💔
في البدايه كانت مترددة انها تحكي لعمر الحصل بس تاني فكرت وقال عمر حيتفهم الحاصل وحيقيف معاي ما انا م عندي غيرو ♥وبالفعل بعد اسبوعين من الحادث اتصلت عليه
جوان-عمر بكرة انت فاضي? عاوزة الاقيك ضروري
عمر:حاضر ما مشكله وريني عاوزة تطلعي كم وانا بجي بسوقك
جوان:لا م تجيني بس نتلاقي في الكافي بتاع....الساعه4رايك شنو
عمر:حاضر حبيبتي تمام
قفلت الخط ورقدت نامت وكانت كلها امل في انو عمر حيقيف معاها♥ومستحيل يفكر بطريقه غلط ولو باي شكل من الاشكال
وفي صباح اليوم التاني:
جوان صحت ونزلت تحت لقت امها بتقرا في قران لروح جدها المرحوم.....اي نعم انقضي10شهور ونص بس لسا ايمان بتدعي وبتقرا قران لروح المرحوم ابوها♥
جوان:ماما صباح الخير♥
ايمان:صباح النور يا بتي♥
جوان:ماما عارفاك بتقري في السورة البحبها جدو ...بس عليك الله قومي اكلي ماممكن انتي من اذان الصبح انا خليتك قاعدة في قعدتك دي م صح كدا علشان صحتك
ايمان:لالا ابوك قبل م يمشي الشغل عمل لي كبايه شاي شربتها وهسي م جيعانه الحمدلله♥
جوان:م حاضغط عليك يا ماما بس انتبهي لينا علي نفسك
ودخلت المطبخ عملت كبايه شاي وطلعت غرفتها علشان تطلع ملابسها
جوان بشاعه الحادث الاتعرضت ليه خلاها تشوف اللدنيا كلها سوداء بس هي كانت بتكابر علشان م تحسس امها انو هي مننهارة او كدا 💔والصراحه جوان مثلت كتير علي اهلها بس في الاخر التمثيل غلبها لانو هي انهاارت بالجد ودخلت في حاله نفسيه عديل
جوان طلعت لبستها وجهزت نفسها وعلي طول مشت الكافي ولقت عمر منتظرها
قعدت ومن دون مقدمات قالت:عمر انا عارفه الحاقولو ليك دا صعب بالنسبه ليك لكن صدقني انا م غلطتا 😭😭😭
عمر:جوان كدي احكي في شنو م تخوفيني
جوان:عمر تتذكر لما كنت براي في البيت بعد وفاه جدو..لما كنت بجهز علشان اسلم البحث ياخ 😭😭😭
عمر:اها يا جوان احكي هسي انتي بتبكي مالك
جوان:وقتها يوسف جا البيت يا عمر 😭😭😭وو حاااول
عمر:يوسف دا مش اخو خالتو ايمان من ابوها? اها تمي مالو
جوان:حاول يتهجم علي يا عمر 😭😭😭😭والله حاول يتهجم علي بس اناا اخدت الفاظه وضربتو ععلي راسو 😭😭
عمر:جوان دا كلام شنو دا 😱😱يتهجم ععليك كيف يعني
جوان:عمر م تفهم غلط انا قلتا ليك حااول بس
بس الصدمه هنا انو عمر وقف علي حيلو وبقي يعاين ليها بصدمه كدا....وقال:جوان انا مستحيل استمر معاك بعد السمعتو منك دا ومشاكلكم العائليه حلوها براكم ...ومشي وساب جوان ففي الكافي وبتبكي براااها 💔💔💔هنا جوان انصدمت اكتر من رردة فعلو 💔💔احساس الزول الكنت خاتي املك كلو فيه يخزلك احسساس مولم جددا الصراحه💔جوان بقت عليها صدمتين ......الاولي صدمه الحادث البشع داك والتانيه صدمتها ففي عمر الكان مفروض تكون خطوبتهم بعد شهرين 💔والصدمتين ديل كفيلات بانو يدخلو جوان في حاله نفسيه
بعدها جوان اتصلت علي اسيل صحبتها ووصفت ليها مكان الكافي علشان تجيها ويمشو سوا للانو جوان منهارة جدا وما قدرت تتتحرك من محلها وبالفعل اسيل وصلتها ولقت جوان في حاله يُرثي ليها وعلي طول ساقتها واصلا كانت اسيل اتصلت علي اشرف علشان يجي يسوقهم وفعلا اشرف جاهم ورجعو بيت اسيل لانو ايمان لو شافت اسيل بالحاله دي حتنهار هي كمان 💔
جوان هدت واسيل فهمت الحاصل كلو وفهمت جوان انو عمر مما بستاهلها 💔والحصل دا مما كان ببيدها
وبعد ساعه تقريبا جوان م حست بنفسها الا وهي ننايمه في حضن اسيل صحبتها♥
شويه كدا وام اسيل جات دداخله الغرفه
مها:بسم الله دي جوان جات ممتين?
اسيل:جات قبيل يا ماما وطي صوتك هي نايمه
مها:بسم الله مالها جوان يا اسييل الحاصل شنو شكلكم ما ببطمن
اسيل:ماما م حاصل شي جوان جات هنا تغير جو لانها اتذكرت جدها وكدا وهسي نامت ماف شي م تخافي♥انا اتصلت علي خالتو ايمان ووريتها انها معاي
مها:خلاص كان كدا.....يلا صحيها علشان تتغدو.....ولا اجيب ليكم الغدا هنا تاكلو وتتونسو براحتكم?
اسيل:احسن ناكل هنا 💜✨
وطوالي مها طلعت من الغرفه وجات راجعه بصينيه الغدا علشان البنات يتغدو💜
اسيل صحت جوان علشان تاكل بس جوان رفضت
اسيل:جوان انا مقدرة موقفك بس انتي من اصبحتي م اكلتي شي
جوان:اسيل م عندي نفس الله يرضي عليك خليني😪💔
اسيل:اصرت شديد علي جوان واكلتها لقمتين بالقوة
جوان:اسيل انا لازم ارجع البيت
اسيل:الليله بيتي معاي اصلا امك اتصلت وسالت منك وقلتا ليها انك معاي
جوان:كان نفسي ابيت بس وضع البيت م بسمح لي
اسيل:خلاص بتصل ليك علي جهاد يجي يسوقك💜
وفعلا اتصلت عليه وجهاد جا ساق جوان....واثناء ما جوان طالعه من الغرفه وقفتها اسيل وقالت ليها: جوان اتذكري اني دايما معاك♥ومستحيل يوم افكر ابعد منك انتي بس م تزعلي روحك وطول ما نحنا سوا والله كل شي بهون♥♥
#اقتباسه
(لولا الله ثم الاصدقآء ...لهرمت ارواحنا وتثاقلت الدنيا علي اعناقنا 💔 حقا فٳن الاصدقآء بساط من الامل♥)
هنا جوان رجعت ضمتها عليها شديييييييد♥♥وما حست بروحها وزحت منها الا بسبب البوري الضربو ليها جهاد برة....
ورجعها البيت واول م وصلو جوان سلمت علي امها وابوها وطوالي علي غرفتها😭واتفقعت بكاء💔😭 لحد ما نامت وهي بتبكي💔 ومن وقتها عمر قطع علاقتو مع جوان نسبه لتفكيرو السطحي والعقيم جددا😪💔
جوان حاولت تصلح علاقتها مع عمر بس كل محاولاتها باءت بالفشل💔😭حتي م كان عمر برد علي اتصالاتها😭 ومنها كل واحد فيهم مشي في طريق💔
بس جوان كانت بتشوف ملامح عمر في وش اي زول😪💔 واي حاجه كانت بتذكرها بيه ححتي ريحه عطرو هي متذكراها💔💔بس للاسف بتحاول تنسي وما بتقدر
---------------------------------------------
ودي هي الحاجات السرحت فيها جوان بعد ما اشرف رجع منها💜 اتذكرت كل مواقفها الحلوة مع عمر 💔💔 وكيف هو قدر ينسي الحب دا...وبقت تتساءل ياربي دي منو البنت الامبارح شفتها معاه راكبه في العربيه دي😭 بكون دي خطيبتو يا رب.ي💔ياخ كيف خلا وحدة غيري تركب معاه قدام😭💔
بس تاني جوان استغفرت وصلت علي الرسول واتجاوزت الاسئله دي كلها ولقت روحها نااامت😴😴💜
ما صحت الا اليومم التاني علي صوت جهاد وهو بخبط ليها في بابا الغرفه
يتبع....
