صحت وجهاد بخبط علي باب الغرفه ودخل ليها وقفل المكيف 😂وقال ليها:جواان قومي ياااخ اصحابي جايني الظهر وقلتا ليهم بعمل ليكم الاكل انا وما صدقوني قومي جهزيه لي علشان اقول ليهم عملتو انا 😂قووومي ياخ نومك التقيل دا
جوان:جهاد هسي انت مصحيني علشان اصحابك جاين 😒ياخ مالي ومالك دايرة اتم نومتي 😭ماما بترجع بعدين بتعمل ليك الاكل
جهاد:لا ي جوان ياخ قومي امك الليله عندها اجتماع وجواهر اتصلت قالت عاوزة حاجات من السوق يرسلوها ليها هناك حركات الوحم دي وهي حتتاخر في السوق قومي ياخ 😢😢😢
جوان:اتنفضت فيه واتربعت في نص السرير وقالت:اوووف منك ياخ زح كدا خلاص قايمه....وربطت شعرها بالباندة وهي بتشتم فيه بسرها 😂😂(واي حركه غياظه ياخ قطعت النومه دي)
جهاد:ايوا كدا بحبك وانتي منفعله 😂عامله لي جضومك ديل....وعارفك بسرك بتنبزي فيني 😂😂ارح ارح اتخارجي
جوان:جهاد كلمه زبادة والله اطردك انت واصحابك 😒
جهادد:خلاص سكتا سكتا
جوان صحت واخدت شور ولبست ليها فستان باللون الموف كدا وسرحت شعرها ونزلت لقت جود بتحضر في التلفزيون علي طول صبحت عليها وشربت معاها الشاي وقامت تجهز الاكل لاخوها واصحابو♥
وبالفعل اصحابو جو وكانت جوان مظبطه ليهم اكل بطريقه حلوة 😍وجهاد في الاخر اعترف لاصحابو بانو دي جوان اختو العامله♥
---------------------------------------------------------------------
وفي جانب اخر:
اشرف:عبدالله تعال لي في النادي عاوز اديك القروش الجبتها ليك من البنك
عبدالله:قدام ي صحبي
اشرف فضل مستني عبدالله قريب نص ساعه في العربيه...وبعدها عبدالله وصل وقعد مع اشرف في العربيه♥
فضلو يتونسو هم الاتنين بس في اثناء حديثهم:
اشرف:بدا نفسو يتعالي وبكح بشدة
عبدالله:اجيب ليك مويه دقيقه بس
اشرف:لالا ي عبدالله بس ناولني المنديل القدامك دا♥وفعلاا مد ليه المنديل واشرف شالو ومسح الدم السايل من فمه للمرة التانيه
عبدالله:اشرف 😰دا شنو الدم دا?
اشرف:لالا م تشيل هم حاجه بسيطه....حلقي مجرح علشان كدا....اها القروش لقيتها تامك قلت لي?
عبدالله:اشرف بس ما تقول لي.......
اشرف:عبدالله....لو زول من ناس البيت عرف صدقني انا بخسرك بخسرك ......وبعدين في شنو هسي صحتي كويسه وما فيها شي الحمد لله♥
عبدالله:اشرف البتعمل فيه دا غلط وما لمصلحتك خالص ي اخوي.....وما تنسي امك اكتر شي بتكرهو انها تعرف اي حاجه متاخر....انت صحبي من نحنا في الروضه ياخ وانت حافظ امك دي حفظ
اشرف:عبدالله خلاص انا كويس... هسي بمشي بجيب دواء من الصيدليه....كدي خلاص القروش دي تامه?
عبدالله:تامه ي اشرف تامه 💔بس علشان انت اخوي انا م بخليك براي...ولو افضل ميه سنه ساكيك في الموضوع دا لحد م تقتنع...المهم ابقي عافيه♥
ونزل من العربيه طوالي وواصل طريقو
اشرف بقي يفكر في مليون شي في اللحظه دي.....بس قاطع تفكير صوت تلفونو وكانت دي جوان
جوان:اشرف 😍
اشرف:اي ااي يا منفسنه 😂😂كيفك الليله
جوان:تمااام والله....احسن بكتير من امبارح♥
اشرف:النفسيات خلاص راحت 😂
جوان:اشرف دي ما نفسيات ياخ 😭😭😭😭😭
اشرف:خلاص ي جوان عليك الله م تفتحي الاسطوانه دي....اها اها دايرة شنو 😂😂
جوان:قلتا لي عاوزة امشي اشوف موضوع الماجستير دا
اشرف:ودايراني امشي معاك ولا كيف يا السمحه 😂😂😂
جوان:بطل عولاق واصلا ماشه براي 😒اتصلت اقول ليك اني عملت مكرونه بالبشاميل لاصحاب جهاد واوريك اني ست بيت بدل ما انت ناشر غسيلي ايفري وير كدا 😂صورتها ورسلتها ليك في الواتساب
اشرف:قلد نبرة صوتها وقال:المشكله انو ايفري وير غسيلك منشور يا حلوة 😌😌
جوان:م تحاكيني ويلا اقطع وشك غلطانه انا المتصله ليك 😒😂
فصلت الخط علي طول.......وقامت ناحيه الدولاب علشان تطلع ملابسها لانها ماشه الجامعه تسال من موضوع الماجستير وكدا♥
طلعت فستان باللون الاسود ومعاه هاف جاكيت باللون البصلي ومن قدام فيه ربطه كدا♥وشوز باللون البصلي وطرحه مشكله فيها لون الفستان والجاكيت 😍وحلق صغير بالاسود ورفعت شعرها ضنب حصان 😍
طلعت جوان من بيتهم حوالي الساعه12 ظهر كدا واتصلت علي اسيل تمشي معاها بس اسيل رفضت نسبه لتجهيزات عرس امنه اختها وكدا♥
جوان وصلت الجامعه وسلمت علي معارفها واصحابها الزمان 😍بس بالرغم من دا كلو جوان كان جواها فراغ 💔لانو كل ركن في الجامعه كان عمر عندو اثر فيه.....بعدها جوان بدت تسال اذا عميد الكليه موجود ولا لا وقالو ليها انو عندو اجتماع نسبه لامتحانات الطلاب وكدا....فقررت انها تنتظرو يخلص وتمشي ليه♥
قعدت جوان في كافتريا الجامعه ...وهي بتشرب في العصير جاتها وحدة زميلتها 😍
سلمت عليها وقالت ليها
-اها بتعملي في شنو هي بعد ااتخرجتي وكدا
جوان:والله سافرتا وجيت وهسي قلتا ابدا في الماستر
-اها كويس طيب.....صحي خلاص اتخطبتو انتي وعمر مش 😍😍
جوان:حاولت تتجاوزها وتنهي الموضوع بسرعه وقالت:كل شي قسمه ونصيب عن اذنك العميد بكون منتظرني 😊
وعلي طوول هربت منها 😭واتناست السوال دا ومشت علي جهه المكتب
اولا مشت للادارة اخدت كل المعلومات ومنها قررت تمشي للعميد علشان باقي اجراءاتها وكدا. بس هي اول ما دقت باب مكتبو العميد قال:اتفضل
جوان كانت مدنقرة راسها واول ما دخلت رفعتو وكان في وشها في ابتسامه بس تلقائيا اتلاشت الابتسامه دي من وشها 💔💔💔 وشاافت شكل مستحيل يفارق ذاكرتها
ياهو ذاتوو عمر 💔بطولو وعرضو وعلامه حاحبو 💔كان جا سلم ناس الجامعه اخر طبعه كتب ومتطلبات الجامعه للطلاب الجدد♥
هنا لاول مرة بعد 3سنين جوان وعمر عيونهم تقع في عيون بعض♥وجوان في اللحظه دي كانت بتقول يا ارض اتشقي وابلعيني 💔💔قلبها حست بيهو بتقطع من جوة وكان نفسها تعاتبو علي حاجات كتيييييرة بس ما كان بيدها شي 💔وبعدها جوان لاول مرة تتجاوز نظرات عمر ليها ووجهت نظراتها تجاه العميد وقالت:
لو مشغول انا ممكن اجي وقت تاني يا دكتور 😊
العميد:لالا ي جوان معقوله اتفضلي♥
عمر:اصلا انا كنت طالع علشان زمن الدوام وكدا....بالاذن ياخ♥
وعلي طول عمر وجه خطواتو ناحيه الباب....ومر بجمب جوان وكتفو كان قريب من كتفها 💔💔بس من دون ما يتكلم او يعاين ليها حتي طلع وقفل الباب وراه
جوان بقت م عارفه هي جات هنا لشنو اصلا ودايرة تقول للعميد شنو 💔لسانها اتبكم وحركتها اتشلت وانفاسها اتعالت 💔وبسرعه ووضحت غرضها الجايه علشان وشالت رجولها من المكتب وعلي طوووول طلعت برة ورجعت بيتهم 💔
جوان الحدثين الاتعرضت ليهم في السنوات المضت اثرو علي نفسيتها شديد....لدرجه انو بدت تفكر انها تتعالج عن دكتور نفسي♥لانو هي من جواها متالمه شديد بس ما بتظهر المها للحوالينها علشان م بتحب نظرات الشفقه عليها.
رجعت جوان البيت ولقت امها وابوها جو♥ومستننها بالغدا بس جوان سلمت عليهم ورفضت انها تاكل وطلعت غرفتها طوالي
محمد:البنت دي من رجعت من السفر حالتها ما عاجباني وظاهر من ملامح وشها
ايمان:م عارفه ذاتي انا غلبتا حيله معاها لا بتفضفض لزول ولا بتحكي لزول
محمد:لما قلت ليك نوديها لدكتور نفسي تتابع معاه م كنت غلطان انا
جوان طلع غرفتها واتوضت صلت وعلي طول رقدت في السرير....بس هنا اختها جود فتحت الباب وكان جايبه ليها كبايه عصير♥واول ما مدتها ليها جوان ختتها في الكومدينا جمب سريرها بس من دون ما جود تنتبه وقعت الكبايه وكسرتها 😔هنا جوان صرخت باااعلي صوتهااااا:لاااااالااا اطلعي برررة سرييييع 😭😭😭😭وكانت خاته يدينها في اذانها وبتصرخ في جود اختها 💔هنا جود اتخلعت شديد من ردة فعل اختها 😨😨😨وفي عز الصواريخ دي جو امها وابوها وملهم بقو واقفين في باب االغرفه وهي بتقول ليهم :اطلعو برة قلتا ليكم اطلعو كلكم 😭😭😭😭😭😭😭😭😭في الاول رفضو بس بعد اصرارها الكل طلع من الغرفه بس خلو الباب فاتح
بعدها جوان قعدت في السرير وهي بتبكي بحرقه 💔💔لانو كسرة الكبايه الي في الكومدينا ذكرتها كسرة الفاظه الكانت قاعدة في نفس المحل دا ققبل 5سنين وهي كسرتها بنفس الاسلوب في راس يوسف 😭هنا اتذكرت كل تفاصيل الموقف وردة فقعل يوسف والدم السايل منو كمان وحست خلاص بالدنيا ضايقه بيها 😭😭😭 بس فضلت سااااكته لحد ما جهاد دخل عليها♥واول شي عملو اتلفت ولقي المصحف الملون بتاعها وشالو وبدا يقرا ليها في طه♥لانو دي سورتها المفضله♥
خلص جهاد قرايتو ولقي جوان نامت وهي بتبكي وخاته يدينها علي رجولو♥ وبراحه كدا ختاها في السرير وغطاها وطلع منها
ونزل لناس ابوه تحت
ايمان:جوان دي صحتها ماشه متدهورة شديد وقلبي واجعني عليها 💔😭
محمد:انا من بكرة حابدا افتش لاحسن اخصائي نفسي واخليه يتابع معاها♥
جهاد:انا شايف كدا احسن يا امي.....لانو اذا الصدمه دي م ااتعالجت وهي مر عليها 5سنين تاني م حتتعالج بالساهل والموضوع حيطلع من سيطرتنا
محمد:كلامك عين العقل يا ولدي♥من بكرة انا بسعي في الموضوع دا....يلا قوموا نوموا علشان هي م تصحي
جهاد:امشو انت. يا اابوي نوموا وانا الليله بنوم مع اخواتي في غرفتهم♥
محمد:الله يحفظك ليهم يا ولدي♥
وبالفعل الكل طلع غرفتو وجهاد طلع نام مع جود وجوان♥
-------------------------------------------------------------------
اشرف:الامر بستدعي اني اسافر برة يا دكتور?
الدكتورر:اشرف انا كان ممكن اساعدك لو انت اقتنعت بالفكرة العرضتها ليك من سته شهور بس انت عاندتا ورفضتا وهسي الموضوع دا طلع من سيطرتي كليا 💔💔ولو خاطرتا وعملت ليك العمليه حيكون نسبه نجاها 20%بس ودا خطر ععلي حياتك جدا.....لكن بعد دا كلو ررحمه ربنا اكبر من كلو شي انت فكر وشوف داير شنو وانا معاك♥
اشرف شال اوراق التحاليل وطلع من المستشفي وراسو جايط وبالو بودي ويجيب بس علي طول اتصل علي عبدالله
اشرف:عبدالله انا قررتا اعمل االعمليه
عبدالله:اشرف انت مجنون ولا شنو عمليه شنو الداير تعملها هنا ....انت واعي لكلامك دا? لو داير بكرة بنجحز ونسافر القاهرة يا اشرف ولو مافي امكانيات انا بحجز التذاكر انت م تشيل هم
اشرف:عبدو الحكايه م امكانيات ولا غير....السفر دا شغلانيه طويله وبراها امي ما ناقصه توتر....واصلا لو هنا ولو هناك نسبه نجاح العمليه ضعيفه 💔
عبدالله:م تياس من رحمه ربنا♥وكل شي بهون ومن بكرة نبدا نجهز لموضوع العمليه دا♥
انهو مكالمتهم واشرف بقي همو الوحيد يواجه امو واختو الصغيرة كيف 💔لا و جوان الما بتتحمل فراقو ثانيه وحدة حيواجهها كيف....كان شايل الارض كلها في قلبو وراسو بودي ويجيب بس استغفر ربو واتجه علي بيتهم♥
وفي الناحيه التانيه:
اصبح الصباح وجوان فتحت عيونها لقت جود و جهاد نايمين معاها في الغرفه♥ بس هي ما حست بالرغبه في انها تصحيهم او كدا علي طول نزلت من السرير وفتحت دولابها خت علي كتفها شال من البرد وطلعت الحديقه وقعدت في المرجحانيه♥الوقت كان حوالي الساعه 5صباحا 😍الجو مبالغه والهواء بارد♥جوان قعدت ورجعت راسها لوراء علي كرسي المرجيحه واخدت نفس عميييييق وهي مغمضه عيونه 😔وبقت تقول:
يارب امنحني قوة لانو طاقتي كملت 💔 قوة يارب اقدر اتجاوز بيها كل الانا بمر بيه دا 💔💔
وهي مندمجه في التفكير....قطع تفكيرها صوت ابوها الي صحي يصلي الصبح♥شافها من بعيد وهي قاعدة....وبراحه سلل خطواته ناحيتها وقعد جمبها وربع يدينو♥
محمد:كل زول في الدنيا بتعرض لمواقف م ممكن تغادر ذاكرتو بالساهل ويمكن م يقدر يتخلص منها بالساهل وانتي بتي وانا مربيك علي يدي♥وعارف الصدمه الاتعرضي ليها صعب تنسيها اضافه لخزلان عمر ليك 💔
جوان: بابا?? عمر منو وانت كيف عرفت المووضوع دا
محمد:جوان انتي عمرك م خبيتي علي شي♥اي يمكن نقول خجلتي من انك تصارحيني بموضوع ارتباطك مع عمر دا بس والله من دون ما اقصد انا سمعمت حديثك مع امك وانتي بتحكي ليها عنو♥ولما جات سالتها وهي ورتني قدر شنو بتحبو بعض وانا م كان عندي اعتراض يا جوان لانو امك قالت لي انو جاي يتقدم ليك♥انتي الصدمتين ديل كانو تقال علي قلبك 💔بس االعارفو انو ربنا قال:لا يكلف الله نفسا الا وسعها♥وانا واثق فيك وفي قدرتك♥انتي بس خليك اقوي من كدا يا بتي ونحنا جمبك وجهاد اخوك جمبك كمان♥ماهو البتقولي عليه سندك مش يلا انتي خليك قويه علشانا كلنا....لانو نحنا بنتقوي بيك يا بتي♥
وطبطب علي كتفها وقام علي حيلو علشان يدخل جوة بس تاني وقف وقال ليها:يا جوان انتي لو محتاجه لدكتور نفساني انحنا م عندنا مانع ابدا......بالعكس انت كدا حترتاحي شديد وحتحسي بانو قدرتي تتجاوزي كل الانتي بتمري بيه......وانك تكوني متابعه في جلسات مع اخصائي نفسي....دي ما حاجه عيب بالعكس دي حاجه كويسه شديد ولا بد منها في حياه اي زول♥ فكري في كلامي كويس واخدي وقتك والبتحتاجي ليه وريني وانا جمبك يا بتي♥
محمد مشي وساب جواب براها بتفكر في كلام ابوها الكان منطقي جدا......وكان لابد من انو تساعد نفسها بنفسها علشان تتجاوز الهي فيه دا.....ولانو الحياة عمرها ما بتقيف علي
حاجه 💔
حوالي الساعه7 جوان كانت رجعت غرفتها وناامت 😪😪ووقتها ابوها طلع الشغل بس ايمان نسبه لحاله بنتها اخدت اجازة علشان تقعد معاها♥
الساعه عملت 10ونص وكانو كلهم صحو من نومهم ونزلو الهول علشان يفطروا.. بس جوان كانت في غرفتها وابت تاكل وفضلت ماسكه تلفونها وبالها في كلام ابوها القبيييل دا
بس قاطع تفكيرها اتصال اشرف
جوان:اهلين اشرف
اشرف:اهلين? مالك الليله نازل منك
جوان:نعسانه بس يا اشرف اشرف....مالك عاوز حاجه?
اشرف:جوان انتي كويسه? اكيد م شكللك كويسه لانو دي ما عادتك تتكلمي معاي بالاسلوب دا
جوان:مضغوطه بس يا اشرف ماف شي تاني....حاتكلم معاك وقت تاني حاضر
اشرف:حاضر ي جوان اخدي راحتك♥
قفلت الخط وفضلت بتعاين في سقف الغرفه وامورها جايطه وبالرغم من دا كلو نامت من دون ماتحس
------------------------------------------------------------------
اشرف:احسن اخلي اوراق التحاليل في العربيه لانو لو نزلتها امي حتسالني دا شنو وتقعد تقلق
وفعلا خلاهم في العربيه ونزل منها وكان اشرف لابس جلابيه باللون الاسود 😍وشايل مفاتيح العربيه في يدو واول ما دخل البيت جات اختو الصغيرة جاريه عليه
الهام:اشرف ياخ بتصل عليك من قبيل ما بترد ليه 😭😭كنت عاوزة لي كريم بتاع دوف البتجيبو لي دايما داك 😭بتاعي خلص
اشرف:تلفوني فصل شحن يا الهام والله بعدين انا طالع تاني م مشكله بجيبو ليك ذكريني بس 😍 امي وين?
الهام:قرصتو في جضومو شدييد وقالت ليه:انت لا تفوت لا تموت ان شاء الله 😍😍😍
اشرف:حسي باحساس غريب بعد الجمله دي بس اتجاوز مشاعرو وكرر سواله تاني...امي وين?
الهام:في المطبخ شايفاها قالت انت نفسك في محشي خليتها بتعمل فيه♥
اشرف:خلاص تمام♥علي طول طلع غرفتو واستحمي وطلع علشان يتغدا♥وكان لابس ترينسوت باللون البني ومعاه تيشيرت بالبيج ومن قدام مكتوب عليه never give upباللون البني مع الترينسوت وكدا♥
قعد مع امه واختو وبقو يتونسوا
فاطمه(ام اشرف) :المحشي عجبك يا اشرف 😍
اشرف:اي عجبني يا امي تسلم يدك
فاطمه:ينفعك ان شاء الله اكل يلا......الهام انتي ذاتك الليله م اكلتي شي اكلي يا بتي♥
بعد اكلو واتونسوا الهام عملت ليهم شاي 😍بس اشرف قال ليها:الهام انا ما تكبي لي سكر
الهام:ليه بسم الله....ما ااصلك بتشرب 3معالق
اشرف:امممممم ساي عاوز اقلل منو الفترة دي 😄
الهام:خلاص حاضر♥
شربو الشاي واشرف طلع غرفتو علشان ينوم وفعلا غطا في نوم عميق ما صحا الا الساعه9 بليل علي صوت تلفونو
اشرف:الو
جوان:عارفه اني اتكلمت معك بطريقه بايخه قبيل بس م بيدي
اشرف:م مشكله ي جوان ما هو انا عارفك♥م تختي في بالك
جوان:امممممم اشرف 😞
اشرف:عيونو
جوان:انت كويس
اشرف:انا زي الحصان 😂ما عندي اي حاجه الحمد لله
جوان:تمام يلا سلام
جوان انهت مكالمتها مع اشرف وفضلت تقلب في الفيس بوك ولقت في سايكولجست كبير بيعمل جلسات وعلي العلم بانو اخصائي نفسي معروف وعندو عيادة خاصه بيه♥
شافت صفحتو واحتفظت برقمو وقالت يمكن احتاجو في يوم واعمل زي ما قال لي بابا♥
----------------------------------
يتبع.......
