مر اسبوع علي حاله جوان....دون اكل وشراب...ونفسيات زباله 💔حتي علاقتها مع اشرف م كانت دايمه.. مرة مرة بتصل ليها(اشرف كان عندو فهم في راسو نسبه لانو يقلل مكالماتو منها) ووضع البيت كان متوتر شويه وخايفين انو جوان ترفض انها تمشي للاخصائي النفسي 💔.وفي البدايه ايمان م كان عاوزة توري جواهر علشان م تتوتر مع الحمل وكدا بس في الاخر جواهر عرفت وحجزت علي اقرب طيارة علشان تجي السودان♥
وفي صباح يوم الجمعه:
جود:ماما انا ابيت اصحي جوان قلت اخليها تنوم
محمد:كان تصحيها يا بتي تاكل ليها لقمه معانا....وشايف اسيل صحبتها قالت جاياها الليله
ايمان:اي قبيل اتصلت وقالت جايه تسلم علي جوان
بس قطع حديثهم صوت جوان وهي واقفه في السلم وبتنزل ببطئ سلمه سلمه وجات قعدت في الصفرة علي طول وقالت:
صباح الخير♥بابا انا فكرت في كلام الي قلتو لي الاسبوع الفات.....م عندي مانع اني امشي لاخصائي نفسي 😔♥
ايمان:جوان انتي متاكدة?
محمد:عارفك طول عمرك واعيه وبتاخدي القرار ااصح♥وعلاجك عندو ما عيب ولا حرام وما بدل علي انك مجنونه بالعكس حتحسي بانك مرتاحه وهو حيديك مهدئات علشان تقدري تحافظي علي اضصرابات نفسك وانفعالاتك البتجي كل ما يحصل حاجه مشابهه للموقف
جوان:حاضر♥انا الاسبوع الفات شفت سايكولجيست في قروب في الفيس وعندو عيادة في الخرطوم هناك....يعني م بعيدة.....ما عندي مانع امشي ليه 😔😔♥
جهاد:خلاص ي جوان مدام اقتنعتي انا بكرة حامشي واتولي الموضوع دا علشان نحدد مواعيد للجلسات بتاعتك معاه
جوان:تمام....يلا بالهنا عليكم انا طالعه
ماف زول حاول يجبرها علي الاكل.....لانو جوان الفترة الاخيرة بقت عصبيه جدا....واقل شي بتكورك فيه وبتبكي بسرعه شديدة ولو ابرة وقعت جمبها هي بتخلي المحل وتجري 💔💔💔 بس دي كانت بدايه كويسه كون انو هي توافق تتابع مع الطبيب النفسي♥ وفعلا جهاد مشي واخد موعد في العيادة وبعد فترة جوان مفروض انها تنزل جلسات مع الطبيب♥
-----------------------------------------------------------------------
الهام:اشرف شاحني باظ 😭😭😭اديني وصله ال USPبتاعتك ياخ
اشرف:شيليها يا الهام بس اول م تخلصي رجعيها لي
الهام:حاضر♥قاعدة وين هي
اشرف:اووووف يااخ نسيتها موصله في العربيه 😣😣هاك امشي جيبيها بتلقيها موصله اصلا العربيه في الباركن جوة ما وقفتها في الشارع
جدع المفتاح لالهام وهي علي طول جرت العربيه وفتحتها وبالفعل شالت الوصله....بس وهي نازله التلفون اتزحلق تحت الكرسي محل ما بقعد اشرف ويسوق...جات ترفعو ولقت في اوراق داخل ظرف باللون البني وطالعه منها ورقه سوداء كان باين انها صورة اشعه 😣
