صحت اسيل من النوم وهي مخلوووعه 😱😱
-اسيييل اسيييل اصحي شوفي دا
-جوان مالك خير
-اقري المسج دا
اسيل ربطت شعرها واتربعت ليها في نص السرير ومسكت تلفونها وبقت تقرا وبعد خلصت
-شفتي شفتي انا كنت عاارفه انو في حاجه انتي براك ابيت تقتنعي
-اسيل حب ادهم لي م مشكله بس المزعلني هو ليه يربط شخصيتها بشخصيتي 😔😔معناها هو لسا بحبها
-جوان كلامك صح بس هو قال ليك انو بحبك انتي ك جوان♥
-اسيل لا الحاجه دي م لازم تحصل
-انتي معارضه ليه
-انا طلعتا فكرة الحب دي من راسي خلاص 💔
-جوان اسمعيني اصابع يدينك ما كلها وحدة♥ما علشان تجربه واحدة ليك تحكمي علي ادهم كدا
-م بنكر انو ادهم هو الطلعني من كل الانا فيه دا♥بجد هو وقف معاي حتي بعد ما خلصت جلساتي معاه
-جوان الكلام دا م حنخلص منه هسي لانك م حتقتنعي ارح نرجع ننوم والصباح نشوف حل
-طيب
رجعت جوان سريرها وهي احاسيسها متلخبطه♥احساس حب ممزوج بالخوف في نفس الوقت
خايفه من انو ادهم يكون بحبها علشان بتذكر خطيبتو 💔وفي نفس الوقت جوان بتحب ادهم بس عمرها م كانت عاوزة توري زول حتي اسيل صحبتها ما ورتها♥
نامت وهي في راسها ميه سوال وميه فكرة
صحت الصباح علي صوت تلفون اسيل وكانت دي امها وبسرعه جهزت ورجعت بيتهم وفضلت جوان قاعدة مع اخواتها في البيت ولسا م ردت علي رساله ادهم
كانت قاعدة بتشرب في الشاي وبعدها طلعت غرفتها علي طول بس هنا اتصل ادهم
-في البيت انتي
-ايوا في البيت
-اطلعي لي برة
-ادهم انت م نصيح
-اطلعي برة ي جوان انا في الميدان
جوان اتوترت شديد ولبست توب امها وشبشب البيت وطلعت بسرعه لقت عربيتو واقفه وهو منزل القزاز وملامح وشو م بتتفسر وقفت جمب الباب وقالت ليه في شنو يا ادهم خير
-اركبي
-ادهم فهمني
-اركبي علشان تفهمي
جوان ركبت وادهم قفل القزاز وبقا بعاين ليها جوة عيونها ♥وقال
-جوان انا طالب يدك علي سنه الله ورسوله
هنا جواان صبت فيها مطرة واحسيسها اتلخبط وجسمها بقي باااارد لانو اخر ما اتوقعته من ادهم♥اي ممكن نقول انو هو اعترف ليها بحبو بس هي كانت فاكرة انو العلاقه دي حتنتهي زي ما علاقتها انتهت مع عمر 💔
-جوان انا بتكلم معاك
-ادهم انا م عارفه. اقول ليك شنو لكن انت كيف بتفكر كدا
-بفكر زي البني آدمين ما بفكرو♥وضع طبيعي يكون في نعمه في حياتي واخاف انها تضيع مني
-ادهم الموضوع دا م هظار انت متين اتاكدت من حبك لي
-اي ما هو علشان م هظار انا قصدت اني م ادخل معاك في علاقه نحنا م عارفين اخرها♥جوان انا ما بحب اللف و الدوران وانا عاوزك بالحلال ما عاوز طلعات ونزلات وكلام فاضي اي حاجه بالحلال عندها طعم احلي 😍اما اني اتاكدت من حبي ليك متين ?م تنسي انو هسي معرفتي بيك تمت سنه ونص ودي فترة كفييله تخليني احبك ي جوان وبعدين الحب م بالسنين الحب بالمواقف♥
-ادهم انا يعني
-انتي متفاجٲه مني انا عارف بس صدقيني انا اترددت كتير قبل م ارسل ليك رساله امبارح دي♥بس حبي ليك كان اكبر من التردد دا
جوان كل الحروف بقت م قادرة تنطقها وبقت ساكته وبس بتعاين ليه بكل ذهول بس هي قالت ليه
-ادهم انا نازله
-انزلي يا جوان بس فكري في كلامي دا كويس
هي علي طول نزلت وكانت متوترة شديد وجرت طوالي علي ناحيه البيت واول م دخلت لقت جواهر اختها قالت ليها:مالك بترجفي كدا زي الساكيك كلب يابت
-لالا ماف شي شفت مجنون بس
-😂😂😂😂طيب خشي
جوان خشت غرفتها واتربعت في السرير وبقت تفكر
-منو الطلعك من الانتي فيه يا يا جوان?منو الوقف جمبك في السنه ونص الفاتت دي كلها? منو الكان بعمل المستحيل علشان تضحكي?
قامت علي حيلها وطلعت الاوراق الملونه الكان جابها ليها ادهم وبقت تتفرج فيهم♥
ولقت وحدة من ضمن الاوراق دي مكتوب فيها
"عسي الله ان يجمعنا بمن يشابه ارواحنا يوما♥لا الذي يشبه ملامحنا♥" ومكتوب تحتها اسم الكاتب "جوان" .....هنا يادوبها فهمت قصد ادهم ♥
وبعدها طواالي قامت صلت ركعتين استخارة لربنا♥واتصلت علي اسيل حكت ليها الحاصل
اسيل اتفاجأت جدا من الموضوع وقال لجوان انها تفكر كويس في الموضوع وما تبدي الرفض طالما هي بتحبو♥
قفلت من اسيل بس هي لسا راسها جايط بس صراحه جوان كانت مبسوطه♥م ننكر انها حبت ادهم شديد وحبها كان نظرتو مختلفه كمان 😍والخطوة الي خطاها ادهم خلتها تحبو زيادة♥
م حست بروحها من عمق التفكير ونامت علي طول♥
صحت الصباح لقت ادهم مرسل ليها:
قصدت م اتصل عليك علشان اخليك تفكري في الموضوع كويس♥ربنا يجعلك من نصيبي♥
جوان اتبسطت شديد من رساله ادهم وتقريبا هي اتاكدت من حبها لادهم♥
