مر شهر ونص علي تتابع جلسات جوان مع دكتور ادهم♥ونقدر نقول انو هي بدت تتحسن وتتفاعل مع الناس بطريقه ملحوظه♥
دكتور ادهم دخل حياة جوان في وقت كانت هي في امس الحاجه ليه♥والطريقه والاسلوب الاتبعها معاها كانت كفيله بانو تزرع الامان في قلبها♥
واخيرا جا شهر 7 الي كان مليان باحداث كتيرررررة جدا في حياة جوان♥ واولها عرس امنه اخت اسيل صحبتها 😍😍 الكانو منتظرنو ليه زمن
وقبل يومين من العرس جوان كانت بايته مع اسيل في البيت ومقضنها ماسكات وزغاريد ودلوكه وهيييصه 😍😍 وصراحه اسيل كانت مبسوطه من انو جوان بدت ترجع زي اول لانو بعد الحاله الكانت فيها ماف زول اتوقع انها تتحسن♥
اسيل وجوان دخلو الغرفه يقيسوا فساتين العرس 😍
جوان:اها ي اسيل كيف وكيف 😌
اسيل:اقسم بالله ترزي خطييير 😂ظبطهم ظبطه من الموووووت
جوان:اي والله 😍
اسيل:اممممم جوان? انتي رايك شنو تعزمي دكتور ادهم علي العرس
جوان:اسيل دكتور ادهم شنو البعزمو انتي جنيتي
اسيل:علي فكرة انا م بهظر ما فيها حاجه وخصوصا هو من معارفك وبعرف عيلتك كلها
جوان:امممممم
اسيل:النبي اتصلي ليه اعزميه والله مافيها شي
اسيل امها نادتها علشان الضيوف وكدا وطلعت خلت جوان براها في الغرفه
جوان:ياربي اكلمو? ياخ م فيها حاجه اصلا م م بقصر معاي في شي حاكلمو♥ وعلي طول شالت التلفون واتصلت علي دكتور ادهم
بعد الجرس الثالث حتي رد
ادهم:يا اهلييين جوان 😍
جوان:مرحبا ادهم 😍
ادهم:الله يرحم زمن دكتور ادهم 😂😂😂😂
جوان:لا كدا حلو ولا كدا حلو 😂😂.....كيفك الليله
ادهم:بخير الحمد لله....طمنيني انتي الليله كويسه 😍😍وحضرتي الافلام القلتهم ليك 😍
جوان:امممم م حضرتهم لاني مع اسيل في بيتهم بكرة عرس اختها ....واتصلت عليك علشان اقول ليك بكرة حتنورنا لو حضرت معانا العرس 😍
ادهم:عقباالك ياخ 😍والله ي جوان ان شاء الله حاجي♥م بتقصري
جوان وادهم انهو مكالمتهم وجوان اتبسطت انو حيجي♥هي نفسها م عارفه ليه فرحانه بس تقريبا كانت بتحس بامان شديد في المكان البكون موجود فيه ادهم♥
اليوم المنتظر جا 😍وكان عرس امنه وتقريبا علشان دي فرحتهم الاولي فالعرس كان جميل جدا 😍😍وكالعادة اسيل وجوان في اجمل اطلالتهم 😍😍😍
كانوا لابسين فساتين باللون الاسود علي جسمهم 😍ويدينها تلت اربع ودانتل باللون الاسود 😍كانت طويله فساتينهم وعلي جهه اليمين في الساق كان في خطوة م كبيرة شديدة وفي بدايه الخطوة خرزة باللون الفضي 😍😍ولبسو هاي هيلز في رجولهم باللون الاسود ون ورا فيه فيه خرزة صغيييرة بالفضي برضو 😍اما شعرهم فكانو فاكنو ولابسين طوق بالاسود وعليه نفس خرزة الفستان بس علي شكل فيونكه صغيرة بالفضي 😍😍😍كانو في غااااااايه الاناقه وحتي الميكاب ما كان اوفر♥
ياخ بجد اطلاله روعه شديد 😍واي زول قايلهم اخوات 😂
وبعد ساعه كدا جات امنه داخله 😍وكمان كان شكلها بالفستان الابيض بحكي عن قصه تانيه 😍واصحاب العريس كانو عاملين ليه زفه من الموووت 😍وبعدها دخلو الاتنين علي اغنيه احمد امين 😍
*مدي خطواتك وخشي بيمينك ونبض قلبك شوفي كل الناس دي حولك بالفرح جاين يهنو* 😍😍😍
وبعدها قعدو يبكو شديد بالذات اسيل لانو دي اختها االوحيدة 😭وبقت جوان تقنع فيها انها ما تبكي علشان الميكاب وككدا 😂
بعد الفنان بدا يغني اسيل وجوان بدو يرقصو وكالعادة جوان بتجامل في الرقيص 😂واسيل طبعا حتتو كلوووو 😂واثناء ماهم الاتنين بعلقو علي شكل امنه الطلعت بيه والميكاب وكدا 😍جوان لمحت ادهم جاي من الباب الخلفي 😍😍😍
شفتو كلمه جميل كانت شويه عليه 😍😍😍😍😍كان لابس ليه بدله باللون الرصاصي الغاامض 😍ومنظرو في البدله بخليك تحس انو هو العريس 😍😍😍😍ولابس ساعه لونها اسود وارقامها جوة باللون الرصاصي 😍وجزمه كلاسيك لونها اسود والخلفيه بتاعتها باللون الرصاصي 😍😍😍😍😍😍😍😍
اسيل للحظه ابتسمت ابتسامه عفويه من دون ما تحس علي روحها♥وبعدها قالت لاسيل
اسيل دكتور ادهم جا انا هامشي اسلم عليه
اسيل:وااااااي داااااك هو 😍😍😍😍غايتو عامل لي عقدة بنظافتو وسماحتو دي 😊اتقول هو العريس ما ناصر 😂😂
جوان:اسيل م وقتك كدي زحي 😂
وفعلا مشت جوان وكانت شايفه ادهم بفتش بنظراتو عليها...وكان مدنقر في التلفون عاوز يتصل عليها
بس رفع راسو لقاها واقفه قدامو 😍
ادهم:يااااا ارض احفظي من عليك 😍😍😍😍
جوان:😍😍
ادهم:جوااان ماشاء اللله طالعه متالقه شديييد الليله 😍
جوان:شكرا 😍حتي انت الليله متالق 😂اول مرة اشوفك لابس بدله 😂
ادهم:ماهو مستحيل اقعد معاك في العيادة بالبدله 😂😂😂
فضلو واقفين جمب الباب لحد ما ساقتو وقعدتو مع جهاد اخوها♥ وهي رجعت لاسيل علشان شويه كدا ومراسم الجرتق حتبدا 😍
بعد مرور نص ساعه امنه طلعت مع اسيل وجوان علشان يجهزو للجرتق ♥وبالفعل خلصو تجهيزات بسرعه بس فجاءه اسيل بقت تقول
واااااي ما تقولو لي نسيتها في البيت علشان م انجلط
جوان:اسيل نسيتي شنو وبتصرخي مالك هسي
اسيل:تخيلو اني نسيت الفركه والجدله بتاعه امنه 😭😭😭😭
طبعا اسيل اتصدمت وامنه كذللك وما عرفو يتصرفو كيف
جوان:اسيل انتي عقلك دا خاتاهو وين كيف تنسيهم انا مش خايتهم ليك مع التوب حقها والفال البنسيك ليهم شنو تاني
اسيل:جوان ياخ اتلخمتا اعمل شنو انا 😭
امنه:😭😭😭😭😭دا الكان ناقصني يعني
جوان:امنه م تبكي لسا عندك زمن واصلا انتي عندك اوفر ناين فما تخافي♥هسي بركب مع جهاد وبمشي بجيبها وبجي .....وانتي يا ااسيل امشي نادي جود تقعد معاها وانزلي انتي للضيوف مع امك
وبالفعل عملت اسيل القالتو جوان كلو.......بس جوان نزلت باقصي سرعه ليها وببتفتش علي جهاد وما لقتو 😭😭ما عرفت تتصرف كيف بس ادهم من بعيد شافها بتتلفت في نص الصاله وعلي طول قام جا عليها
ادهم:جوان مالك بتتلفتي عاوزة جهاد اخوك?
جوان:اي يا ادهم سريع هو مشي وين
ادهم:والله كان جمبي واتصل عليه سيف صحبو وطوالي طلع معاه
جوان:اوووف تمت الناقصه 😭💔
ادهم:جوان محتاجه حاجه انتي? انا قاعد انتي بس وريني الحاصل شنو
جوان:نسينا حاجات الجرتق في بيت اسيل وعاوزاه يوصلني
ادهم:بسيطه ي جوان ارح انا بوصلك♥نجيبهم سرعه ونجي
جوان:ادهم انا ما.....
ادهم:نبقي نتفاهم لما نرجع...لانو مستحيل اخليك تركبي ترحال تجيبهم وتجي.....ومن غير ما يحس جراها من يدها وطلعو علي ناحيه الباب
طبعا جوان ذاتها ما انتبهت لانو ماسك يدها الا للما فتح ليها باب العربيه♥حتي هنا يادوب فكت يدها بتردد كدا وركبت طوالي
من الخوف والزعل جوان كانت ساكته لانو عرس امنه دا بجهزو ليه من فترة ووما
كانو عاوزين ينسوا اي شي
وبعدها وصلو بيت اسيل وسلفا ادهم عارف الوصف لانو قبل كدا وصلها♥
ادهم:يلا انزلي ي جوان وحاولي م تتاخري انا حانتظرك هنا
جوان:حاضر.....ونزلت بسرعه شديدة وهي لابسه كعب عالي وجاريه في السلم بسرعه......طلعت جابتهم وخلت باب الشارع التحت فاتح......وهي نازله وشايله الحاجات في يدها في زي مصطبه كدا بعد السلمتين الاخيرات ومن الاستعجال جوان م انتبهت ليها وهي نازله 💔وفجاءت اتعترت فيها ووقعت 😭😭😭وكعب الجزمه اتكسر 😭😭وجوان باعلي صوتها .....اااااااااي 😭😭😭😭😭😭
طبعا ادهم سمع الصوت واتلفت لقا جوان حاضنه كيس االجدله وقاعدة في المصطبه دي وجزمتها مكسورة والكعب مجدوع 😭😭😭😭😭😭
علي طول ادهم نزل ومن دون مما يتردد شال الكيس وختاهو في االعربيه ورجع دنقر وشال جوان وختاها جوة العربيه♥واول شي عملو فتحت الدرج الامامي وطلع منو مرهم ومسحو لجوان تحت ركبتها محل الضربه 😭😭وبعدها قرب من ججوان شويه ورجع الكرسي لوراء علشان جوان تفرد ظهرها فيه وبقا بدلك ليها محل ما وقعت 💔 جوان كانت مصدومه في الحاصل وفي نفس الوقت متالمه بس ادهم فضل يهديها لحد مما وقفت بكا♥
بعد شويه جوان انتبهت لكعب الجزمه 😭وقالت ليه:ادهم جزمتي اتكسرت هسي ادخل الصاله كيف انا 😭
ادهم:م تشيلي هم ي جوان هسي بنصلحو انتي بس روقي
ادهم رجع محل المصطبه ورفع ليها الجزمه ومعاها الكعب المكسور وجا راجع ققال ليها:خليك هنا اوعك تتحركي
جوان:ماشي وين يا اادهم
ادهم:حامشي البقاله ديك اجيب صباع اامير واجي♥
وبسرعه البرق ادهم مشي ووجاها راجع♥
وعلي طول ادهم طلع جاكيت البدله وقعد في حافه العربيه وبقا بصلح لجوان في الكعب بتاع الجزمه وبعد صعوبه حتي ركبو♥وبعدها شال الجزمه ولبسها لجوان في رجلها 😍وقال ليها:
اكيد م حتكون زي اول بس حاجه تثبت ليك وتمشيك الساعتين الجايات ديل
جوان: 😭😭😭ادهم م عارفه ااقول ليك شنو بجد شكرا
ادهم:قولي لي انك م زعلانه بس 😍وطوالي ادهم شال الجاكيت وركب بهناك ودور العربيه ورجعو الصاله♥
نزل ادهم قبليها وفتح ليها الباب وكان ماسك يد جوان لحد ما دخلت الصاله جوة♥وبعدها وصلها لحد غرفه ناس امنه فوق واستاذنها انو هيمشي بعد ما اطمن انو جهاد اخوها جا راجع
بس جوان رفضت تماما انو تخليه يمشي واصرت انو يقعد لحد الاوفر نايت♥وطبعا اصرارها كان قوي عليه وبالفعل ادهم قعد وما كسر كلام جوان♥
امنه واسيل اول ما وصلتهم ججوان اخدو منها الحاجات وتمو باقي لبسها ونزلت امنه للجرتق وبالفعل طلعت رهيبه خالص♥
الساعه11ونص كان في ديجي 😍😍وطبعا اسيل وجهاد مااااا قصرو وعملو رقصه رهيييبه سوا علي اغنيه work frome home في الجزء الاخير بتاع الراب دداك 😂
ونسبه لوقعه جوان فهي م قدرت ترقص وبقت قاعدة مع ادهم في التربيظه وبتعاين ليهم من بعيد
ادهم:جوان انتي حاسه بالم لسا?
جوان:لا والله هسي احسن كتير
ادهم:الحمدلله طيب♥بالمناسبه بكرة جلستك معاي حاجلها لانك م حترجعي بيتكم الليله صصح
جوان:اي لكن برجع بكرة ان شاء االله
ادهم:تمام معناها نخليها بعد بكرة♥
جوان:معناها تكون م قصرت واصلا في حاجات كتيرة عاوزة احكيها ليك♥
ادهم: 😍😍وانا مستنيك تحكي لي......طيب رايك شنو المرة دي نخلي مقابلتنا في حته غير العيادة?
جوان:امممممم كيف!! !!
ادهم:انتي قبل م تطلعي اديني تلفون وانا بوريك تجيني وين....اصلا روتين العيادة بقي لينا ممل خلينا نغيرو شويه 😍
جوان:تمام 😍
ادهم:يلا انا لازم امشي بعد كدا♥الف مبروك لييها وعقبالك يارب♥
جوان:نورتنا الليله+انقذتني من موقف زباله جدا 😂😭
ادهم:ولا يهمك 😂😂تاني مرة اعملي حسابك بس♥يلا سلام
طلع ادهم من الصاله♥وجوان بقت متابعاه بنظراتها لحد ما وصل عربيتو
الكان بجزب جوان لادهم هو حنيتو عليها♥كان حنين معاها لدرجه مبااالغه شديد وبهتم لاقل تفاصيلها حتي هي مستغربه فيه بس كان الفهم الخاتاهو في راسها انو ادهم بعمل كدا علشان هو دكتور ودا واجبو♥وكانت شايفاهو بتعاطف معاها علشان يطلعها من كميه الخذلان الكانت فيها لانو دا واجب اي طبيب نفسي♥
يتبع.....
