اخخخ راسي 💔دا شنو انا وين والجابني هنا شنو
-اهدا شويه كل شي بخير♥حادث بسيط
ادهم:جوان.. جوان يا دكتوور وينها هي كويسه حصل ليها حاجه
-ايوا هي كويسه وما اتصابت بس جروح خفيفه في يدها
ادهم:وهسي هي وين عليك الله ي دكتور خلوني اشوفها
-حاضر بس هسي هي مع الدكتورة بتعمل ليها في مرهم....انت م تحاول تتحرك كتير نسبه لانو رجلك اتعرضت للكسر 💔ونحنا عملنا صورة للراس والحمدلله كل شي بخير♥ربنا يواليك بالعافيه يا ولدي♥
طلع الدكتور من غرفه ادهم وبهناك كانت خلصت الدكتور من انها تضمد لجوان جرحها♥طلعت جوان من الغرفه ولاقت الدكتور
-طمني هسي هو كويس
-هو كويس شديد الحمدلله....بس هسي حنديه حقنه وكم حبه علشان الالم وكدا♥ولازم ينتبه كويس علشان رجلو المكسورة
-تمام شكرا يا دكتور♥ انا هسي ممكن اشوفو
-اتفضلي بس ياريت م تطولي عليه
-حاضر
مشت جوان علي غرفه ادهم وكان في لصقات جروح علي جبهتها وشريط بالابيص علي ايديها اليسار 💔
جوان:ادهم انت كويس 😭
ادهم:جوان تعالي طمنيني عليك انتي كويسه? حصل ليك حاجه ي جوان
جوان:ادهم انا بخير الحمدلله جات بسيطه ♥صراحه م عرفت اتصل علي زول من ناس بيتكم لانو تلفونك اتكسر مع الحادث 💔وانا كمان م كنت واعيه الا جو ناس في الطريق شافو الحادث وهم الي جابونا المستشقي حتي اهلي م كلمتهم
ادهم:كلو لخير ي جوان مدام انتي كويسه تاني كل شي بهون♥
قاطع حديثهم صوت الدكتور الطلب من جوان انها تطلع برة لانو ادهم م حيتحمل انو يتكلم كتير وبالفعل جوان استنتو برة♥
بعدها طلع الدكتور من الغرفه
-ادهم محتاج لراحه هسي وصراحه محتاج لقزازة دم لانو دمو ضعييييف جدا وبالطريقه دي الادويه م حتعمل مفعولها بسرعه
-انا انا يا دكتور بديه دم م عندي مشكله
-فصيله دمو B
-انا Oيعني بقدر اديه. (O بتقدر تتبرع بالدم لاي فصيله بس م بتاخد الا من نفس فصيلتها هي)
-تمام معناها اتفضلي معاي
-حاضر♥
الدكتور سبقها بس هي كانت عارفه انها حتتعرض للهبوط ولفه الراس علشان كدا كان لازم تكلم زول من اهلها وطوالي اتصلت علي جهاد
-الو
-اي يا جوان
-جهاد لو ماما جمبك ابعد منها حبه
-لالا م جمبي في شنو يابت
-جهاد انا كنت مع دكتور ادهم وعملنا حادث بسيط
-جوان حادث شنو انتي كويسه وفي ياتو مستشفي طيب
-انا كويسه الحمد لله في مستشفي .....
-تمام تمام مسافه السكه
جهاد قفل الخط واخد مفاتيحو وعلي طول مشي المستشفي واول م وصل اتصل ليها واها محل ماهي قاعدة
-جوان في شنو ودا شنو الفي راسك دا
-دي جروح بسيطه من اثر الحادث م تخاف انا كويسه
-دكتور ادهم وين هسي
-في الغرفه جوة.....جهاد انا حياخدو مني دم وانت عارف انو راسي بلف بعد يسحبو مني الدم علشان كدا اتصلت عليك♥استناني هنا وانا حادخل للدكتور جوة
-جوان! انتي دمك ذاتو ضعيف دم شنو العاوزة ياخدو منك
-جهاد انا كويسه والله كويسه انت استناني هنا بس♥
وبالفعل جوان دخلت جوة والدكتور اخد منها قزازة دم وبعدها حست بهبوط ولفه راس 💔بس الدكتور نبه جهاد انها م تتحرك لمدة ساعتين وفعلا جهاد شربها عصير وفضلت راقدة
