استيقظت تلك الفتاة على صوت رنين هاتفها باسم صديقتها المقربة
دارين. الو
يسرى. ايوه يا دارين انتى فين؟
دارين. انا نايمه
يسرى. يخربيتك انتى لسه نايمه؟ انتى عارفه الساعة كام؟
ابعدت دارين هاتفها لتنظر الى الساعة وتفاجأت
دارين. يلهوى يلهوى يلهوى ده انا هتنفخ
يسرى. انتى لسه هتولولى اخلصى
دارين. حاضر اقفلى يلا
قامت دارين مسرعة وارتدت ملابسها وخرجت الى والديها
دارين. ماما بابا انا ماشيه عايزين حاجة
نوال. عايزين سلامتك يا حبيبتى
مصطفى. تيجى بالسلامه
قبلت داريت والداها واسرعت الى الخارج لتوقف سيارة اجرة لتوصلها الى الجامعة
...........................
يسري. انتى ايه اللى اخرك؟
دارين. مسمعتش المنبه والله
يسري. هو انتى بتسمعى اصلا انجرى قدامى
دارين. متهدى عليا شوية يا حجة مش كفاية استاذ زفت اللى جوه ده
يسري بسخرية. استاذ شاكر ياشيخة ده حتة سكر
دارين. هاهاها
يسري. يلا المحاضرة زمانها بدأت
وانطلقت الفتاتان الى حيث مكان المحاضرة وجلستا ولحسن حظهما ان المحاضرة لم تكن قد بدأت بعد
يسرى بهمس. بت
دارين. اخرسى عشان اسمع المحاضرة
يسرى. ومن امتى الحلاوة دى كلها
دارين. من ساعت ماشوفت الكائن ده ( وشاورت على استاذ شاكر)
يسرى. ههههههههههههه فاكره عمل فينا ايه المره اللى فاتت هههههه
دارين. متفكرنيش يلهوى يلهوى يلهوى
يسرى. ههههههههههههه
دارين. اخرسى بقى عشان ميحصلش زى المرة اللى فاتت
يسرى. 😒😒😒😒😒
__________________♡____________________
كان ذلك الشاب جالسا فى مكتبه الى ان دخل عليه صديقه
حسن. ايه يا صاحبى
اكرم. عايز ايه يا حسن؟
حسن. ايه مالك مش على بعضك اليومين دول
اكرم. مفيش شوية مشاكل عائلية متاخدش فى بالك
حسن. طب ورينى آخر الأخبار
اخرج اكرم بضع ورقات من درج مكتبه واعطاهم لحسن
حسن باستغراب. وااااااااااااات؟
اكرم. متركزش عشان متهيسش
حسن. ايه اللى انا شايفه ده يا اكرم؟
اكرم. معلش
حسن. هو ايه اللى معلش؟
اكرم. تعالى على نفسك شوية يا اخى الله
حسن اتعصب. انت هتهزر يا اكرم انت مش شايف المصيبة دى
اكرم. مكنتش اعرف انك مادى يا حسونه
حسن. ايه يا اخى كمية البرود اللى عالصبح دى دى ملايين يا اكرم
اكرم. طز
حسن. انت اكيد اتجننت
خرج حسن من مكتب اكرم وهو فى قمة غضبه وركب سيارته وقادها بسرعة جنونية و....................
...............................
اكرم. الو
معتز. ايوه يا اكرم الحقنى بسرعة
اكرم. فى ايه يابنى متنطق
معتز. حسن عمل حادثة
اكرم. ايه؟؟ انا جاى حالا انتو فين؟
معتز. فى مستشفى (..)
اكرم. مسافة السكة
________________♡_________________
دارين. صباحوووو
نوال. انتى رجعتى؟
دارين. لا يا نونه لسه مرجعتش تحبى اكلم نفسى استعجلها
نوال. انا شكلى هرتكب فيكى جناية
دارين. معلش
نوال رافعة ايديها وبتدعى. ياارب ارزقها بابن الحلال اللى يستحمل ام قلشها الرخيص ده يارب وتحل عنى بقى
دارين. ميرسي عالدعوة الحلوة دى بس يا ترى هتلاقوا فين اللى هيستحملنى ده يا نونه؟
نوال. امشى يا بنت الجزمة من قدامى لاحسن والله ارشق الشبشب ده فى نفوخك
دارين. انتى كده بتشتمى نفسك علفكرة
ترفع نوال شبشبها وترميه على دارين التى فرت هاربة قبل وصول الشبشب اليها
دارين من وراء الستارة. مجتش عليا مجتش عليا
رمت نوال شبشبها مره اخرى فأصاب دارين
دارين. يلهوى يلهوى يلهوى دى جت
وفجأة فتح باب الشقة ودخل منه مصطفى
مصطفى. ايه الأصوات دى؟
دارين. مفيش يا بابا نونه كانت بتعلمنى رياضة الشيش
مصطفى. رياضة الشيش؟
دارين. متاخدش فى بالك يا صاصا
نوال. وربنا لو مدخلتى جوه لوسخ الشبشب الجديد
دارين. لا وعلى ايه انا داخله سلام
نوال. متجيش تانى
دارين. هشوف ظروفى
نوال. انجرى يا بت
دخلت دارين بينما جلس مصطفى ليتحدث مع نوال
نوال. شوفت بنتك حرقة دمى ازاى؟
مصطفى. والله يا نوال ما عارف اقولك ايه عندك حق دمك يغلى ويفور كمان
نوال. هى مش ناويه تعقل بقى؟
مصطفى. كنت عايز اسألك سؤال
نوال. اسأل ياخويا
مصطفى. هيا السما بتمطر خرفان؟
نوال باستغراب. لا طبعا
مصطفى. طب لما تبقى تمطر خرفان اعرفى ان بنتك عقلت علطول
قام مصطفى وترك نوال وسط حيرتها
نوال وهى تضرب كفا بكف. ده باين العيلة كلها كده يلا ربنا يستر
.
.
.
.
.
.
.
.
.
.
* هيعملوا ايه مع حسن؟*
* ايه حكاية دارين؟*
# ملكة التشويق 👑✌🌹💖
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
★ vote ★
★ comment ★
★ share ★
أنت تقرأ
رهان العشق 💔
Science Fictionبحبك مش مجرد كلمة، الحب ده وعد، خليك قده عشان متخسروش، جايز تقابلك عقبات كتيرة ف حياتك، حاجات انت مكنتش متخيل انها تحصلك، بس انت قدها مدام حواليك الناس اللى بتحبهم وبيحبوك وبيشجعوك، كون ليهم ضهر وسند، يكونوا ليك نقطة قوة، حياة دارين واكرم مك...
