يسرى. انا بجد مش عارفه انتى ليه قبلتى انه يخطبك وانتى مش بتحبيه
دارين. انتى عارفه ي يسرى ان انا مقدرش ازعل اهلى هما اغلى حاجة عندى انا بجد مقدرش على زعلهم انا بحبهم اكتر من اى حاجه ف الدنيا دى يسرى. علفكرة انتى لو كنتى رفضتى مكانوش هيزعلوا بالعكس لأن دى حياتك واكيد مكانوش هيغصبوكى عليه
دارين. عارفه ي يسرى بس هى جت كده اللى راح راح
يسرى. يعنى انتى دلوقتى بتفكرى ف ايه؟
دارين. معرفش، بس هو انسان جدع وكويس ومحترم ومخبيش عليكى انى بدأت اتعلق بيه
يسرى. يعنى انتى بتحبيه ولا لا انا بجد مبقيتش فهماكى
دارين. هتفهمينى ازاى اذا كنت انا مش فاهمه نفسى
يسرى. عندك حق، بس انتى بجد موافقة ان الفرح يتعمل بعد شهر واحد انتى ملحقتيش حتى تعرفى انتى بتحبيه ولا لا
دارين. والله انا لقيت نفسى بوافق من غير حتى ما افكر
يسرى. طب انتى حاسه انك موافقة
دارين. آه بس لا
يسرى. دارين انتى بتستظرفى؟ الموضوع ده مفهوش هزار ده جواز ي دارين يعنى كل حاجة ف حياتك هتتقسم على اتنين انتى فاهمه
دارين. لا
يسرى. يا صبر ايوب، اسمعينى ي دارين، انتى عارفه ان اكرم راجل غنى وحلو واى بنت تتمناه وانتى بقى مش عشان خدتى قلبه ف انتى كده فظيعه بقى ومفيش منك اتنين وصائدة الجواسيس، لا ي ماما ده هيبقى جوزك يعنى هتقسموا الفرح والزعل وهيبقى هو كل حاجه هتشوفيه طول يومك وهو اللى هتعيشى معاه بقيت عمرك، الا بقى لو اطلقتى
دارين. انتى بتفولى عليا ي خرا انتى
يسرى. فشر 😂
دارين. انا صح روحت لاكرم الشركة اول امبارح
يسرى. رحتى تعملى ايه؟
دارين. كنت رايحه اقوله كل حاجه بس حسن جه فقولت اى حاجه مكنتش عايزه احرجه قدام صاحبه
يسرى. شابو ليك بجد ي حسن ، انتى هبلة ي دارين تروحى تقوليلوا انك مبتحبيهوش وانك عملتى كده عشان اهلك وكماااان ف الشركة
دارين. البركة ف خطيبك
يسرى جريت وقعدت على السرير قدام دارين وربعت رجليها ومسكت ايد دارين
يسرى بابتسامه. بمناسبة خطشيبى، حسن قالى انه بيفكر كده يعنى يعمل فرحنا معاكوا
دارين. بجد؟؟ الله فكرة حلوة اوى هتبقى ليلة روعة اكيد عارفه ليه؟
يسرى. ليه؟
دارين. قمرين ف ليلة واحدة
يسرى. مبحبش اتكلم عن نفسى 😂😂
دارين. وسمعت كمان ان معتز صاحبهم خطب
يسرى. لا ده احنا نصاحبها بقى 😂
دارين. ندخل عليها دخلت ريه وسكينة وده احنا هنريحوكى ي شابه 😂
يسرى. بس ي هبلة انتى عايزه تطفشيها، انا بقول نخطفها ونطلب فيها فديه مليون جنيه
دارين. لا شبح ي بت 😂
يسرى. طول عمرى 😎😂
دارين. شكلنا هنموت البت قبل ما تفرح بخطيبها 😂
يسرى. انا مش عارفه انتى بقيتى شريرة كده ليه الايام دى
دارين. انا برضه 😒
يسرى. امال انا يعنى
دارين. لا امى 😒
يسرى. 😂😂😂😂
__________ ♡ ______________
حسن. ده شئ مستحيل
معتز. هو اتهبل ولا ايه؟ هو ازاى ياخد قرار زى ده من غير ما يرجعلنا
حسن. يمكن فى حاجه واحنا ظالمينه
معتز. ظالمينه؟؟ يعنى كل ده وظالمينه؟ وحتى لو فى حاجه لازم برضه ياخد رأينا
حسن. انا بقول نروح نعرف الحكاية منه
معتز. انت عرفت صح ان رامى هو اللى بعت الناس اللى خطفتنى
حسن. ينهار اسود؟ يكونش قرر يبيعها عشان رامى يبعد عنا بقى
معتز. لا طبعا مستحيل يعمل كده دى مش طريقة تفكيره خالص وانا متأكد انه مش ناوى يعديها على خير
حسن. حقه الصراحة، كده رامى زودها اوى ولازم احنا كمان منسكتلوش
معتز. الله اعلم هو بيفكر ف ايه دلوقتى
حسن. مهما كان قرار اكرم احنا لازم نتدخل فيه
معتز. ولازم نعرف هو ناوى على ايه ف اسرع وقت قبل ما يتصرف تصرف هو مش قده، كلامه امبارح مكانش مريحنى وفهمت ان اللى هيعمله مش قليل
حسن. انا عارف ان اكرم قدها وقدود بس برضه لازم نساعده، رامى برضه مش قليل
معتز. انا بقول نروح دلوقتى نعرف منه هو بيخطط ل ايه وعمل كده ليه
حسن. انا بقول كده برضه
___________ ♡ _______________
الساعة 8 باليل
دارين كانت راجعه من درس وفجأة حد شدها ف مكان ضيق بين عمارتين
دارين. سيف؟؟
سيف. ايوه سيف اللى انتى سبتيه ووجعتى قلبه عليكى ومعبرتيهوش
دارين. انت عايز ايه منى تانى؟
سيف. دارين انا بحبك
دارين. بس انا مبحبكش ومش عايزه اعرفك تانى لوسمحت سيبنى امشى
كانت هتمشى بس مسك ايديها جامد
دارين. آآآآآه ايدى
سيف. انتى مش رايحه ف اى حته لحد ماعرف كل حاجة
دارين. انا معنديش حاجه اقولهالك
سيف. انتى بتعاملينى كده ليه؟ وايه اللى غيرك عليا ؟
دارين. انا عايزه امشى
سيف. دارين انتى فى حد تانى ف حياتك؟
دارين. فيه بقى مفيش دى حاجه متخصكش وحتى لو مفيش ف انا مستحيل ارجعلك ده يبقى آخر يوم ف عمرى
سيف. افهم من كده ان فى حد تانى؟
دارين. انت مش لازم تفهم اى حاجه دى حياتى وانا حره فيها انت فاهم؟
سيف بص لايديها وفهم انها مخطوبة
سيف. لحقتى اتخطبتى؟
دارين. ملكش دعوة دى حياتى ممكن بقى امشى
سابته ومشيت وهى بتعيط من الالم لانه كان ماسك ايديها جامد اوى
Stop
" سيف : 22 سنة بيحب دارين من وهو عنده 20 سنه او ده اللى كانت فكراه دارين، دارين برضه كانت بتحبه بس ده حكايته حكايه هنعرفها مع الاحداث "
Go
حسن ومعتز راحوا مكتب اكرم عشان يفهموا كل حاجة
حسن. ايه اللى انت عملته ده؟
اكرم. عملت ايه؟
معتز. يعنى مش عارف عملت ايه؟
حسن. ايه اللى خلاك تعمل كده من غير ما تاخد رأينا؟
اكرم. وآخد رأيكوا ليه؟
معتز. انت نسيت ان احنا شُرَكا
اكرم. اللى متعرفوهوش ان احنا مش شركا ولا حاجة الشركة دى بتاعتى ومعايا الاوراق اللى تثبت صحة كلامى
اكرم طلع شوية اوراق وعقود ملكية ورماها قدام حسن ومعتز على المكتب
حسن مسك الاوراق وبدأ يتفحصها وبعدين بص لمعتز بصدمة
اكرم. دى اوراق ملكيتى للشركة كاملة وانا مليش شركا يعنى الشركة دى بتاعتى انا مشغلكوا هنا بس عشان صعبتوا عليا مش اكتر
.
.
.
.
.
.
.
.
.
.
.
.
.
* دارين حبته ولا دى تهيآت؟*
* هيصاحبوا مريم ولا هيقتلوها 😂؟*
* اكرم قرر يبيع الشركة القرار ده من كل عقله؟*
* ايه حكاية سيف مع دارين؟*
* اكرم ناوى على ايه بخصوص رامى؟*
* اكرم باع صحابه بالسهولة دى؟*
* ايه اللى غير اكرم كده؟ وحسن ومعتز هيتصرفوا ازاى؟*
هنعرف مع الاحداث والتشويق مقطعكوا انا عارفه 😂 منى لله 😂
استاهل ڤوت وكومنت صح 😃
# ملكة التشويق 👑✌💖🌹
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
★ Vote ★
★ Comment ★
★ Share ★
أنت تقرأ
رهان العشق 💔
Science Fictionبحبك مش مجرد كلمة، الحب ده وعد، خليك قده عشان متخسروش، جايز تقابلك عقبات كتيرة ف حياتك، حاجات انت مكنتش متخيل انها تحصلك، بس انت قدها مدام حواليك الناس اللى بتحبهم وبيحبوك وبيشجعوك، كون ليهم ضهر وسند، يكونوا ليك نقطة قوة، حياة دارين واكرم مك...
