دارين روحت تعبانه وكانت آثار العياط على وشها ونوال اول ما شافتها جريت عليها
نوال. دارين مالك انتى معيطه
دارين. مفيش ي نونه تعبانه شويه انا داخله انام
دخلت دارين اوضتها وقفلت على نفسها وهى بتفكر ف الكلام اللى قاله سيف حست انها لازم تقول لاكرم على كل حاجه
وفجأة تليفونها رن باسم يسرى
دارين. الو
يسرى. ايوه ي دارين عامله ايه؟
دارين. الحمد لله كويسه فى حاجات كتير اوى عيزاكى تعرفيها
يسرى. كده كده كنت هلبس واجيلك يلا سلام
دارين. باى
تسريع الأحداث:
يسرى. دارين انا جيت
دارين. تعالى بسرعة
شديتها من ايديها دخلتها الاوضه وقفلت الباب وبعد كده نطت ف حضنها وقعدت تعيط ويسرى بتهديها
يسرى. بس بس اهدى مفيش حاجه تعالى اقعدى واحكيلى
دارين قعدت وهديت وحكتلها كل حاجة بالتفصيل الممل
يسرى مصدومة. انتى بتقولى سيف رجع؟؟
دارين بعياط. آآآآآه
يسرى. اوعى تكونى لسه بتفكرى فيه
دارين. انتى هبلة لا طبعا مستحيل انا بكرهه اكتر واحد بكرهه ف حياتى انا افضل العمى على انى اشوفه
يسرى. بعد الشر عليكى متقوليش كده
دارين عيطت وحضنت يسرى تانى. انا عايزه اموووووت
يسرى. ي حبيبتى اوعى تقولى كده ربنا يديكى طولت العمر
دارين. اعيش عشان ايه وليه ولمين؟
يسرى. هتعيشى عشان الناس اللى بتحبك ي دارين و عشان تفرحى و تحققى احلامك مش كل حاجه حلوه ومش كل حاجه وحشه هتفرحى شوية وتزعلى شوية، ربنا هيهون عليكى ي قلبى وكل مشاكلك هتتحل ف ثانيه بس انتى اصبرى وادعى ربك
دارين. ي رب
يسرى. ايه اللى حصل بقى وسيف رجع ليه؟
دارين. قعد يقولى بحبك ومش قادر اعيش من غيرك وكلام كده كتير
يسرى. وانتى قولتيلوا ايه؟
دارين. قولتلوا ان انا مبحبهوش ومش عايزه اعرفه تانى وعرف ان انا مخطوبة
يسرى. خمسه عليكى
دارين. طب انا هعمل ايه؟ تفتكرى المفروض اقول لاكرم
يسرى. ايوه طبعا تقوليلوا مش هيبقى جوزك
دارين. طب امتى وفين؟
يسرى. اسمعى، اتصلى بيه دلوقتى وقوليلوا انك عايزه تقابليه ف اى وقت يكون فاضى فيه
دارين. انتى نسيتى ان تليفونه اتكسر؟
يسرى. حسن قالى بالصدفة انه جاب تليفون جديد، استنى هتصلك على حسن واخدلك رقمه
اتصلت يسرى على حسن
حسن. ايه ي يسرى؟
يسرى. كنت عايزه رقم اكرم الجديد
حسن. وعيزاه ليه؟
يسرى. دارين قاعده معايا وكانت عايزه الرقم عشان فى موضوع مهم لازم تقوله لاكرم
حسن. ماشى هبعتهولك فاكس
يسرى. گ
وبعد دقايق الرقم اتبعت ودارين خدته واتصلت على اكرم
اكرم. ايوه مين؟
دارين. انا دارين ي اكرم كنت عايزه اقابلك عشان فى موضوع مهم لازم تعرفه
اكرم. موضوع مهم؟؟ ماشى ع الساعه 9 هكون عندك ونروح اى كافيه
دارين. اوك
__________ ♡ ______________
معتز. ي حسن الموضوع ده فيه ان، مستحيل يكون ده اكرم اللى نعرفه
حسن. انا بجد مصدوم فيه
معتز. احنا هنتصرف ازاى؟ هنسيبه يعمل اللى ف دماغه؟؟
حسن. لا طبعا، لازم نوقفه عند حده، احنا لو سبناه يعمل كده هنخسر كل حاجه
معتز. لازم نروح نتكلم معاه تانى
حسن. مفيش فايده
معتز. مقدمناش غير كده، احنا نجرب ونحاول نعرف هو بيعمل معانا كده ليه
حسن اتنهد. اههههههه ماشى
معتز. نخلص من رامى يطلعلنا اكرم
حسن. احنا لسه مخلصناش من رامى، رامى ده كوم تانى خالص اما نشوف آخرتها معاهم ايه
أنت تقرأ
رهان العشق 💔
Science Fictionبحبك مش مجرد كلمة، الحب ده وعد، خليك قده عشان متخسروش، جايز تقابلك عقبات كتيرة ف حياتك، حاجات انت مكنتش متخيل انها تحصلك، بس انت قدها مدام حواليك الناس اللى بتحبهم وبيحبوك وبيشجعوك، كون ليهم ضهر وسند، يكونوا ليك نقطة قوة، حياة دارين واكرم مك...
