فى اليوم التانى معتز كان ماشى بعربيته ورايح لحد ما شاف ملاكه البرئ ماشيه فى الشارع لوحدها وطبعا عارفين قصدى
معتز وقف العربية جمبها. بسس بسسسس
مريم. انت ؟؟
معتز. ايه ده عرفتى ازاى ؟
مريم بسخرية. ها ها ها
معتز. متيجى
مريم. يلهوى آجى فين ؟
معتز. انتى فهمتى ايه ؟ تعالى اوصلك
مريم. شكرا عارفه الطريق
معتز. آهى دى معلومة جديدة
مريم. انا مبهزرش
معتز. طب يلا اركبى
مريم. قولتلك مش عايزه هو غصب
معتز. آه
مريم. نعم ؟
معتز. اركبى بقى آمريم متتعبينيش الله
مريم بعناد اكبر. مش راكبه
معتز. هزعل
مريم. مليش دعوة
معتز. انتى حرة
معتز كان على وشك التحرك لكن ........
مريم. ولا اقولك
ركبت مريم السيارة
معتز. 😂😂😂😂😂😂😂
مريم. انت بتضحك ليه ؟
معتز. عشان كنت عارف انك هتعملى كده ههههههههههه
ضمت مريم شفتيها وربعت يديها مثل الأطفال وكانت مثل الملاك فى براءته مما جعل معتز يسرح ويتشتت وينسى اسمه حتى وحاولت مريم مرارا وتكرارا افاقته من شروده لكن لا فائده لايزال شارد فى ذلك الوجه الملائكى الرقيق ورمى العالم بأسره وراء ظهره مريم. انت يا اخينا
معتز. هه.... اها ..... انا فين؟
مريم. انت فين ازاى يعنى ؟
معتز. ايه ده مريم ازيك ، عاش من شافك
مريم. اتهبل ده ولا ايه يا ربى
معتز. الواحد ميعرفش يهزر معاكى ؟
مريم. لا ميعرفش
معتز. ميرسى ع المعلومة
مريم. هو انت هتمشى ولا هنفضل هنا كتير وف الآخر انا اللى اتنفخ
معتز. حاضر حاضر ، بالراحة كده يا عم متزوقش
معتز اخيرا اتحرك بالعربية
مريم. انت بطئ كده ليه متسرع شوية
معتز. يا آنسة مريم فى التأنى السلامة وف البسكلتة الندامة ( غمزلها)
مريم. نعم ؟؟
معتز. متاخديش فى بالك
مريم. لوسمحت يا استاذ معتز سرع شوية انا كده هتأخر على شغلى
معتز قرب منها. قوليلى يا ميزو
مريم. طب ممكن تبص قدامك عشان منلزقش فى الرصيف
خدها معتز ووداها شغلها وراح الشركة
معتز. يااااااكرم
اكرم. ايه يا عم فى ايه؟
معتز. مفيش فين حسن
اكرم. فى مكتبه هيكون فين يعنى
معتز. شكرا
راح لحسن فى مكتبه
معتز. ابو على
حسن. ايه يا ميزو؟
معتز. ايه الاخبار؟
حسن. مفيش جديد
معتز. احنا هنفضل كده كتير
حسن. والله يا ميزو لو فى حاجه اعملها مكنتش عملتها برضه
معتز بسخرية. ها ها ها خفة
_______________ ♡ __________________
تليفون دارين بيرن باسم سلمى
دارين. ايه يا سوسو
سلمى. عامله ايه يا دندن
دارين. انا تمام وانتى
سلمى. الحمد لله على كل شئ
عقبت دارين. الحمدلله
سلمى. يسرى مكلمتكيش انهارده
دارين. لا اشمعنا؟
سلمى. مفيش رنيت عليها كذا مرة ومبتردش
دارين. مش عارفه
سلمى. ماتيجى نروحلها نتطمن عليها
دارين. اوك هلبس واعدى عليكى
سلمى. مستنياكى
تسريع الاحداث:
عند بيت يسرى
دارين. رنى الجرس يا بنتى
سلمى. حاضر
رنت سلمى الجرس وفتحت يسرى لابسة بيجاما ارنب وشعرها منكوش وماسكه طبق فشار فى ايد والريموت فى الايد التانيه
سلمى ودارين خبطوا راسهم بايديهم
يسرى. ايه مالكوا؟
سلمى بتحاول تتمالك اعصابها عشان متقتلش حد. مفيش يا حبيبتي مش هتقوليلنا اتفضلوا
يسرى باستغراب. لا طبعا اتفضلوا
دارين دخلت هى وسلمى وقعدوا من غير ولا كلمة وبعد ربع ساعة
دارين. اردحلك؟
يسرى. ايه؟
دارين. بقولك اردحلك يا كلب البحر انتى؟ ايه اللى انتى عملاه ف نفسك ده؟
يسرى. بستجم الله
دارين. يا نهااااااااااار اسوووووووود
يسرى. حقك علفكرة ده حتى فى مقولة بتقول
" اكيد من جوه مكسورة ولو ردحتلى معذورة "
دارين مسكت اللى ف رجلها وجريت ورا يسرى وسلمى جريت وقفت بينهم
سلمى. باااااااااااااااااااس اعدوا كده واستهدوا بالله مش كده ياخونا
دارين. الكلبة عايزه تتربى
يسرى. ممكن افهم طيب انا عملت ايه لكل ده؟
دارين. معملتيش حاجه خالص الصراحه
يسرى. اه معملتش حاجه
دارين. افتحلك نفوخك ده؟
سلمى اتعصبت. اخرسوا بقى
شدت سلمى يسرى ودارين من قفاهم وقعدتهم
يسرى. فهمونى بقى فى ايه؟
سلمى. بكلمك انا ودارين من الصبح وتليفونك مقفول افتكرنا جرالك حاجة لا سمح الله وبالتالى لما لاقيناكى كده اتعصبنا ولا انتى ايه رأيك؟
يسرى. نسيت التليفون خالص ونسيت ان انا قفلته يلهوى
دارين. يلهوى يلهوى يلهوى
سلمى. بس بقى حصل خير
دارين. خلاص
يسرى. خلاص
سلمى وهى بتضرب كفها ف كف دارين ويسرى. خلاص
😉😉😉😉😉😉😉😉
.
.
.
.
.
.
.
.
.
.
.
.
# ملكة التشويق 👑✌🌹💖
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
★ Vote ★
★ Comments ★
★ Share ★
أنت تقرأ
رهان العشق 💔
Science Fictionبحبك مش مجرد كلمة، الحب ده وعد، خليك قده عشان متخسروش، جايز تقابلك عقبات كتيرة ف حياتك، حاجات انت مكنتش متخيل انها تحصلك، بس انت قدها مدام حواليك الناس اللى بتحبهم وبيحبوك وبيشجعوك، كون ليهم ضهر وسند، يكونوا ليك نقطة قوة، حياة دارين واكرم مك...
