اخذ اكرم دارين من يدها وانتقلا الا البيست ورقصا بطريقة رائعة جذبت جميع الموجودين حتى صاحب عيد الميلاد
دارين. كفاية كده
اكرم. ليه كده بس زهقتى منى
دارين. انا آسفة مش قصدى بس انا تعبت
اكرم. تمام اتفضلى
دارين. ميرسى
يسرى لدارين. ايه الحلاوة دى
دارين. انا مبعرفش ارقص
يسرى. هههههه مبتعرفيش ازاى ده انتى خربتيها
دارين. بس يا به
يسرى. ماااااااشى مقبولة منك
دارين. بقولك انا عايزه اروح
يسرى. ليه بس كده ؟
دارين. معلش ، والله تعبت وعايزه اروح
يسرى. اتنيلى
دارين. نعم ؟
يسرى. روحى يعنى حد حايشك
دارين وهى تغادر. اتفووو
يسرى. ميرسى يا روحى ده من زوقك
دارين. 😓😓😓😓
ذهبت دارين الى منزلها واستقبلها مصطفى
مصطفى. اهلا اهلا يا بنتى حمد الله ع السلامة
دارين. الله يسلمك يا صاصا
مصطفى. انا رايح مشوار صغير وخشى انتى طمنى امك عليكى
دارين. علم وينفذ
مصطفى. 😂😂😂😂😂
مصطفى ذهب الى مكان ما بينما دخلت دارين
دارين. يا نووووونه
نوال. دارين اهلا عملتوا ايه ؟ الحاجات عجبتكوا
دارين. عشرة على عشرة ياست الكل
نوال. ربنا يقدملكوا كل اللى فى الخير يا ولاد يا رب
دارين. اهو دى الدعاوى مش المهزأة اللى بره دى
____________ ♡ _________________
حسن. كل سنة وانت طيب يا حوس
معتز. الحق ياكرم حسن بيكلم نفسه
اكرم. سيبوه سيبوه ده غلبان
حسن. غلبان ؟؟؟
اكرم. الله ، مش داخل على جواز وحكومة
حسن. لا ف دى عندك حق
معتز. 😂😂😂😂😂
وليد. كل سنة وانت طيب يا برنس
حسن. متشكر
اكرم. طب انا همشى بقى تمام
حسن. ماتعد
اكرم. معلش ورايا مشوار مهم ، هشوفك
ذهب اكرم الى منزله وبالفعل كما توقعتم جلس يفكر فيما حدث ، فى داخله شعور بأنه لا يرى غيرها امامه وكم تمنى ان يتوقف الوقت فى اللحظة التى امسك بها يديها الناعمتين وكم وقع به التفكير للمستقبل البعيد حين يتزوجها ويجلسان معا تحت سقف واحد ويتخيل اطفاله منها
ورغم كل هذا التفكير والشرود الا انه بالكاد سمع صوت هاتفه وهو يرن باسم رامى
ابتسم اكرم لأنه علم انه لابد ان يتصل عليه وفتح المكالمة
اكرم. اهلا اهلا بكبيرنا اللى بنتعلم منه
رامى. وانت خليت فيها كبير ياكرم الكلب
اكرم. تؤ تؤ تؤ الاحترام واجب وانت عارفنى لو غلطت هاسوق فيها
رامى بسخرية. هههههههه حسابى معاك بعدين
اكرم. هههههههههههه طب كويس عشان مش فاضى دلوقتى
رامى. لا ده انت دمك خفيف بقى ومحدش قالى ، بص بقى يا سى اكرم هم كلمتين هقولهم وهتسمعهم رجلك فوق رقابتك ، انا هاخد حقى لو مش بالهداوة يبقى بالقوة وزى مابيقولوا البقاء للاقوى
اكرم. اقولك انا حاجة بقى اولا اللى انت قولته ده انا سمعته بمزاجى مش غصب عنى والبلوك مش بعيد ، بس انا مش ضعيف وموافق ع اللى انت قولته ومكملين للآخر ، بس لو فكرت تتصل بيا تانى هتشوف تصرف مش هيعجبك انا مش ناقصك الآيام دى
قفل اكرم المكالمة دون انتظار الرد
اكرم فى نفسه. شعب راضع زيت فرامل
وراح اكرم فى النوم وصورة دارين مطبوعة على ذاكرته
.
.
.
.
.
.
.
.
.
.
.
.
# ملكة التشويق 👑✌💖🌹
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
★ Vote ★
★ Comment ★
★ Share ★
أنت تقرأ
رهان العشق 💔
Science Fictionبحبك مش مجرد كلمة، الحب ده وعد، خليك قده عشان متخسروش، جايز تقابلك عقبات كتيرة ف حياتك، حاجات انت مكنتش متخيل انها تحصلك، بس انت قدها مدام حواليك الناس اللى بتحبهم وبيحبوك وبيشجعوك، كون ليهم ضهر وسند، يكونوا ليك نقطة قوة، حياة دارين واكرم مك...
