وبعد شهرين دارين قاعدة ف اوضتها وقافلة عليها الباب ودماغها طبعا شغاله ومش عارفه تبطل تفكير ف اللى حصل
وفجأة باب اوضتها خبط وكانت نوال
نوال. يلا ي بنتى الاكل هيبر
دارين قامت وفتحت الباب
دارين. مش جعانه ي ماما
نوال. ماما؟!! والله زمان م قولتيلى الكلمة دى. حيث كده بقى اكيد فى حاجة ايه اللى مضايقك ي حبيبتى؟
دارين. مفيش حاجة انا بس تعبانه شوية وعايزه انام انتى عارفه بقى بكره اول يوم من السنة الجديدة ولازم انام عشان اصحى فايقه واعرف اركز ف دروسى
نوال. معلش ي حبيبتى عشان خاطرى م انتى لازم برضه تاكلى كويس انتى بقالك اسبوعين محطتيش لقمة ف بوقك
دارين. ماشى ي ماما عشان خاطرك بس
راحت نوال ودارين على السفرة ودارين اول م مسكت المعلقة يوم الخطوبة عدا عليها زى السيناريو وعقلها وقف على مشهد اكرم وهو بيلبسها الدبلة وفجأة دارين وقَعت المعلقة ووقفت
نوال بخضة. ايه ي بنتى مالك ف ايه؟
دارين. مفيش حاجة انا بس مش قادرة آكل انا رايحة انام
وجريت دارين على اوضتها من غير ما تسمع رد
نوال كانت لسه هتقوم وراها بس قاطعها مصطفى
مصطفى. نوال سيبى البنت بقى يمكن عابزه تقعد لوحدها شوية ولما تفوق نبقى نتطمن عليها
نوال اتنهدت وقعدت تانى وطبعا جواها قلق كبير على بنتها الوحيدة
دارين قفلت الباب ودماغها هتتفرتك من الصداع ومشهد الدبلة معليق ف دماغها وفجأة دموعها انهارت زى السيل ومش عارفه ازاى هتقدر تركز ف دروسها
وطبعا قعدت تعيط لحد م نامت من التعب
______________ ♡ _________________
اكرم قاعد متكيف وبيسمع اغانى ومبسوط جدا وهو ف وسط اندماجه تليفونه رن باسم صاحبه حسن
حسن. ايه يسطا مشغل اغانى ومتكيف ايوه بقى ي عم
اكرم. انت متعرفش ي حسن احساس انك ترتبط بالبنت اللى بتحبها ده احساس رائع جدا
حسن. انا يمكن خطبت يسرى وانا مش بحبها بس لما عرفنا بعض كويس حبينا بعض جدا وطبعا كل واحد بيشوف حبيبته احسن واحدة ف العالم
اكرم. عندك حق ي ابو على، انا مكنتش متخيل انى ممكن اقدم لواحدة كل الحب ده، انت مش عارف انا بحبها قد ايه، لا بحبها ايه انا بعشقها ي حسن انا مش متخيل حياتى من غيرها هتبقى عامله ازاى
حسن. ربنا يخليكوا لبعض
اكرم. يسمع من بوقك ربنا، امال فين الواد ميزو؟
حسن. مش عارف والله بقاله كتير مش بيكلمنى
اكرم. خلاص هتصل عليه واقولك
حسن. ماشى
قفل اكرم المكالمة واتصل على معتز بس مبيردش اتصل عليه كذا مره وبرضه مبيردش
اكرم قلق عليه فقرر انه يروح يشوفه
جهز نفسه وراح لبيت معتز قعد يخبط ويرن الجرس ومحدش بيفتح وطبعا قلقه بيزيد
وقرر انه يتصل بحسن فورا ويقوله
فتح تليفون واتصل على حسن وهو بيتصل سمع صوت رنة تليفون وراه
بص وراه لقا حسن
اكرم. حسن
حسن. اكرم ايه الاخبار
اكرم. اظاهر ان مفيش حد جوه
حسن. نعم؟؟؟
.
.
.
.
.
.
.
.
.
.
.
.
.
* دارين هتفضل على حالها ده لحد امتى؟*
* وهل ممكن تصارح اكرم فيوم؟*
* وي ترى فين معتز؟*
ده اللى هنعرفه ف البارت الجاى
التشويق جبار ها 😂😂
# ملكة التشويق 👑✌💖🌹
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
★ Vote ★
★ Comment ★
★ Share ★
أنت تقرأ
رهان العشق 💔
Science Fictionبحبك مش مجرد كلمة، الحب ده وعد، خليك قده عشان متخسروش، جايز تقابلك عقبات كتيرة ف حياتك، حاجات انت مكنتش متخيل انها تحصلك، بس انت قدها مدام حواليك الناس اللى بتحبهم وبيحبوك وبيشجعوك، كون ليهم ضهر وسند، يكونوا ليك نقطة قوة، حياة دارين واكرم مك...
