رهان العشق 💔

part 27

دارين كانت قاعدة ف اوضتها وفجأة تليفونها رن برقم غريب
دارين. الو
سيف. دارين انا سيف
دارين اتعصبت. انت جبت رقمى منين وعايز منى ايه؟ انت مبتفهمش
سيف. اسمعينى بس، انا عايز اقابلك ضرورى
دارين. وانا مش عايزه اقابلك ولا عايزه اعرفك تانى
سيف. لوسمحتى تعالى على كافيه (......) اسمعينى الاول واوعدك مش هتشوفى وشى تانى ابدا
دارين. ماشى، انا هاجى بس مش عشانك انا جايه عشان اريح ضميرى وافهمك انى لحد تانى ومستحيل نكون لبعض

تسريع الاحداث:

دارين وصلت الكافيه ولقت سيف مستنيها
دارين. ممكن تفهمنى انت جايبنى هنا ليه؟
سيف. دارين انا بحبك ومقدرش ابعد عنك، افهمينى ي دارين انا بموت من غيرك، انا عارف انى غلطت ف حقك كتير، بس بجد انا حبيتك اوى
دارين ببرود. كويس انك اعترفت اخيرا بغلطك
سيف. انا آسف
دارين. انا اديتك فرصة تتكلم، اسمعنى بقى، انا لو السما اطربقت على الارض مستحيل ارجعلك وانت عارف ان انا واحدة مخطوبة وفرحى كمان اسبوعين، ولو كلمتنى تانى مش هيحصلك كويس
سيف. ده آخر كلام عندك؟
دارين. آه ده آخر كلام عندي
كانت لسه هتمشى بس مسك ايديها
سيف. دارين انا بحذرك، انا انسان مش سهل واللى بعوزه باخده غصب ع....
قاطعته. متحاولش تهددنى عشان انا مبتهددش
سيف خد نفس. اهههههههه ماشى انا هسيبك تمشى بس قبل ما اعمل كده عايزك تجاوبينى على سؤال واحد وبصراحة
دارين. وقتك قرب يخلص
سيف. انتى بتحبى اكرم؟
دارين ارتبكت. ا....ا...انت عرفت اسمه ازاى؟
سيف. ردى على سؤالى ي دارين انا مبحبش اللف والدوران
دارين. انا.....يعنى......بس..... بس صح انت مالك انا بحبه ولا لا؟ حتى لو مكنتش بحبه ف انا مستحيل ارجعلك
سيف. ردى على قد السؤال
دارين زعقت. آه.. آه بحبه ( دورت وشها الناحيه التانيه) وبنصحك متكلمنيش تانى عشان هو مش هيسيبك ( بصيتله تانى) ولوسمحت ابعد عنى
مشيت دارين وسابته
سيف لنفسه. هنتقم ي دارين، هنتقم من اللى خدك منى

___________ ♡ ______________

عند بيت حسن الباب خبط وحسن راح يفتح
حسن. اكرم؟ انت بتعمل ايه هنا؟
اكرم. انا جاى اوعيك
حسن. توعينى؟ توعينى من ايه؟ من نفسك؟
اكرم. حسن انا مبهزرش، انا مش عارف انت ازاى صدقت بالسهولة دى ان انا ممكن اعمل كده؟
حسن. انا مش عبيط ي اكرم؟؟ انا مبكدبش عينى
اكرم زعق. انت ليه مش عايز تفهم؟
حسن اداله ضهره. عايزنى افهم ايه تانى؟ ما كل حاجه باينه زى الشمس
اكرم. انا مكنتش متخيلك كده؟
حسن. انا اللى مكنتش متخيلك بالقذارة دى، انت طلعت اسوأ من رامى البنهاوى بكتير
اكرم. حسن، حاسب على كلامك انا مسمحلكش تكلمنى بالطريقة دى
حسن. لا امير اوى الصراحة
اكرم.  حسن اسمعنى، فاكر لما معتز قالك انه شافنى ف نص الليل سكران وايدى متعورة
حسن. آه فاكر
اكرم. زى مانت قولت ي حسن، انا عندى شبيه
حسن زعق. كدااااب، وحتى لو عندك شبيه ليه هيروح الشركة ويعمل نفسه انت وكمان يزور عقود ملكية
اكرم. الراجل ده بيشتغل لحساب حد عايز يخلص مننا، انت عارف ان احنا ناس تقال ف السوق ولينا اعداء كتير
حسن. انت عايزنى اصدق الكلام الفارغ ده؟
اكرم. لازم تصدقه ي حسن، عشان دى الحقيقه، حسن احنا صحاب من واحنا صغيرين، انا صاحبك ي حسن عشرة عمرك، اخوووك اللى عمر ما فى حاجه خليتنا نزعل من بعض دلوقتى بتقع بكل سهول فى فخ حقير عاملينوا ناس احقر، بس عشان يفرقوا بنا، لان احنا لو افترقنا هنضعف وهيعرفوا يعملوا اللى هما عايزينه، بس انا مش هسمح بكده احنا هنفضل طول عمرنا اخوات مهما حصل، معايا ي صاحبى؟
حسن قعد ماسك دماغه ومش قادر يستوعب اى حاجه وبعد دقايق قام وحضن اكرم
حسن. انا آسف ي اخويا، بجد انا مش عارف ازاى اتخدعت بالسهولة دى
احنا اخوات وهنفضل طول عمرنا اخوات ي صاحبى
اكرم. هو ده صاحبى اللى انا اعرفه
حسن. معتز لازم يعرف كل حاجه
اكرم. يلا ي صاحبى
......................

تسريع الأحداث:

عند بيت معتز حسن رن الجرس ومعتز فتح
معتز. اهلا ي حسن اتفضل
حسن. انا مش جاى لوحدى
معتز. قصدك ايه؟
اكرم. قصده ان هو مش جاى لوحده
معتز. اكرم؟؟ ايه اللى جابك هنا؟ وعايز ايه؟
اكرم. متبراحة عليا شوية ي عم، اتكلم ي حسن؟
معتز. ايه اللى بيحصل ي حسن؟
حسن واكرم حكوله على كل حاجه
معتز. شبيه؟؟ ده فيلم هندى ده ولا ايه؟
حسن. دى الحقيقة ي معتز، اكرم معملش حاجه واللى ورالنا العقود ده كان واحد شبهه شغال لحساب حد من اعدائنا
معتز. آآآآآآآآآه فهمت، ايه الدراما اللى عايشين فيها دى؟
اكرم. الحياه فيلم ي ميزو
معتز. اقنعتنى الصراحة
اكرم. طول عمرى مقنع 😂
حسن. انتوا بتهزروا وفى مشكلة انتوا مش واخدين بالكوا منها
اكرم. مشكلة ايه دى؟
حسن. وصلتلى معلومات بتقول ان شبيهك هيبيع الشركة بكره لرامى البنهاوى بالعقود المزورة
اكرم. ينهار اسود، هنتصرف ازاى؟
حسن. هم معتمدين على انك مبتنزلش الشركة بس لازم تطب عليهم ف الوقت المناسب
اكرم. افهم من كده ان الراجل ده مش شغال لحساب رامى؟
حسن. دى بقى انا لسه متأكدتش منها بس مسيرنا هنعرف

_________ ♡ ____________

ف شركة " Ram App "......!)

رامى. برافوا عليك ي احمد بجد ابهرتنى، ده انت معلم
احمد. على كده بقى حلاوتى هتزيد؟
رامى. ده انت تؤمر، انت عملت حاجه ف اسبوع الاوغاد اللى عندى دول ميعرفوش يعملوها ف سنتين
احمد. اى خدمه ي استاذ رامى
رامى لنفسه. هضيعك ي اكرم انت وصحابك الاغبيه هاهاهاهاها ( ضحكة شريرة 😂😂)
.
.
.
.
.
.
.
.
.
.
.
.

* سيف كان قصده ايه بالانتقام من اللى خد دارين منه؟*
* لعبة رامى اتكشفت بس رامى لسه من ضمن المشتبه فيهم، امتى اكرم هيكتشف ان رامى ورا كل حاجه وهيعمل ايه معاه؟*
* ايه الخطط الجايه لرامى؟*
* اكرم هيتصرف ازاى مع شبيهه؟*
* مين هو احمد؟*

هنعرف مع الاحداث

انا استاهل اللى يجرالى 😂 مشوقاكوا اوى انا 😂👊
يلا باى 😂

# ملكة التشويق 👑✌💖🌹

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

★ Vote  ★

★ Comment  ★

★ Share  ★